Pelaareegerak 17:8 - Ala Wone Peenok Peebi Mbanak

⁸ Yorage nagagerik, ambi yorage logonet, “Aap mbere nen at wake at wake eeremenggaarak kenok, aap ambi imbirak nen, Kat onggo pu, kat onggo pu, yogwe iinok, aap imbirak inamiya wun-wun eerak kenok, wone ti mendek kit monggo'nom nen inowak looniyak meek kenok, at Aliku kinogoba Ala nen o leenogo patemenggim nogome piya nogo logomunggup o.

Pelaareegerak 17:8 ပူးပေါင်းရင်းမြစ်များ

2 Tamuwen 15:2

Koonogo pake nagagerik, ko'lu-kii'me o kuubondendok tu kota unggwogo menggam time ari nanuk wonage me, it aakumi aap endagembogut nen inawone amburu mbanogo, “Yogop ee'nip o,” yoraawak nduk, ka wogwe iinok, at Abatalom nen it aakumi nogo yorage, “Kit kinawi ngga nen wogop?” Yorage kenok, it nen, “Nit Iterali ninanebunu ndi mendek nen wogo o,” yogwi iinok,

1 Mbinineegwaarak 26:29

At Yitakat paga wiganak ti, Kenaniya aret me, at inom, apuri inom, ti, Ala awi wurik me eeko logowak nduk, unde eeppiyoolik. Ata, yi o ndi o Iterali wonogo menggam time ambi eeriyak age kenok, wone ena koonggwi, wone ambi agaatak kenok, inowak loonggwi, eeko logowak nduk, unde eeppiige,

Wundeegwaarak 18:15

Yoge mbareegi, at Muta nen aru nogo yoge, “It aakumi yi, Ala mbake menggerak nogo liirogon ineenu eeppiyaakit nduk, neya wogo menggaarak me,

Wundeegwaarak 18:26

Eeke mbareegi, inarum kumogotak lombok logonet, ko'lu-kii'me inowak loonggo logonet, wone teeluk kenok inalik nen koonogo piigwi, ndi, aaninggin kenok, Muta owagam wogoren wogwe, eeko nogogwaarak.

Wundeegwaarak 21:20

Aap ambi nen at ayeloman kwe a, aap a, yawi waremenggerak paga mondok kangge kenok, onggo aaninggin mendek oba puwak o.

Wundeegwaarak 21:22

Aap ambi nen aap ambi imbirak ndugwi pit nogo logonet, kwe ambi abila me wogobelanak waremenggerak elege inikime aambiranogo pemenggaarak kwe, kwe eebe kangga'lek eenik wonage kenok, at ogonggelo nen, Onggo ndogop puwak o, yemenggerak nogo it inowak loongga nogo nen amburu mbambunuk, op mbakwi iinok, ndak-ndak aret puwak o.

Wundeegwaarak 21:28

Yoge nagagerik, wone ambinom yoraawak nduk, yoge logonet, “Tapi ngguunok eyak paga aap a, kwe a, nibinogo pemenggerak kangge kenok, aap tapi unde nogo wariyak mage o. Ata, tapi ti mban yugum paga wappunuk, noorak lek mbo puwak o.

Wundeegwaarak 22:2

Ndi, aap ambi nen yogoot kiraarikit nduk, aap ambi ame tu paake me, aap ambi nen kwaakkage logomenggerik, waremenggerak kangge kenok, at aap waremenggerak nogo ti, amiya eenggi paga logogin lek kwe,

Wundeegwaarak 22:8

Ndi, at aap kumaaremenggerak nogo aakumi nen inigen koolik kenok, aap ame pemenggerak nogo aap inowak loongga wonogwe me nage logomenggerik, Ala enegen wonage me, noreeluk amendek ti, an abu woolik aret o, yinuk, kumbuk mbanuwak o.

Yetikiyen 44:24

Wone ambi age kenok, it an neebe unde nen inowak loongga negen logonet, eeko logorak an yorage nagagirak mugurok aret inawone amburu mbanggwi, inale'nggen nen laago lako logorak ne koonogo pereegirak nogo eeko logonet, Ndogop eeko logonu, yinuk, yorage nagagirak inom, wone lengganogo yorage nagagirak inom, pippunuk liirogon eekwi, ndi, nogo 6 yippunuk, ko'lu paga alik leenak logowak nduk eekwi, eeko logowak o.

Agayi 2:11

“Nomaawi Lombok Minggirak Naliku an ALA nen, Aap ambi an nake alik leenak mendek warak mbanak ayuma yonggo'nuk wonok wage kagak, ayum warak mbanak yonggolak nogo paga oroti worarak a, mbiingga larak a, anggur amburu toolak a, tayitun amburu toolak a, yi mendek ndi mendek alik mendek larak a, mbaanggage kenok, ti paga yi mendek ndi mendek ti, alik leenak aret arigin ilik, lek a? yinuk, eeko logorak Muta nen liiru mbaneegerak nogo ngge o? yinuk, it aap neebe unde nogo kin wogiyet o, yinuk, Nomaawi Lombok Minggirak Naliku an ALA nen aret yagi o.” Yoreegerak nogo, at Agayi nen aap Ala unde nogo yorage mbareegi, “Togop arigin lek o,” yinuk, yoreegwaarak.

Maleyaki 2:7

It aap an neebe unde nogo ti, Nomaawi Lombok Minggirak Naliku an ALA nayonggo aret me, it aap neebe unde nogo nen yi wone ndi wone ugun yoraga'lek inoone liippunuk yorogwe, it inambe paga abet mban wungge nogo paga mamunggolaawak nduk, yorogwe, eeko menggaarak kwe,

Linggineegwaarak 35:11

aap ambi nen wariyak mbaka'lek me, aap ambi wappege logomenggerik kenok, kole o inagap ndako logowam time aret unggwi nage logowak nduk, o kota aakumi inagap ndako logowam 6 leenogo puwak o.

Linggineegwaarak 35:16

Togop kwe, aap ambi nen, Warikit, mba'nuk, mbuti mendek paga aap waremenggerak kangge kenok perak, at aap ti, aakumi inooka aret me, kambuwak nduk at aret warogo puwak o.

Pelaareegerak 12:11

at ake kani kuniyak mendek inom, warogo wogoriyak mendek inom, kinamendek ambi 10 wonage kenok, ambi yendenogo Ala ake puurak mendek inom, Ala wa, yinuk, wogoriyak nogo mendek inom, kinamendek abe, Kat Ala kake pi o, yinuk, kumbuk mbanogo puurak inom, wonok at Aliku kinogoba Ala nen, An wonage me yime nen mban nendage tiyappogo logowak o, yinuk, leenogo patemenggim nogome mban pi nogo logomunggup o.

Pelaareegerak 12:14

Ata, kit kinanebunu ambi anggween at Aliku ALA nen leenogo patemenggim time nen mban Ala ake warogo kani kunggwi, ndi, an nen, Yogop eeko logorak o, yinuk, wone lengganogo yokkiragarak nogo abok aret time nen eekwi, eeko logonu o.

Pelaareegerak 12:5

Ata, at Aliku kinogoba Ala nen kit aakumi Iterali kinanebunu abok aret kinenggela'me kinanggween ambi, An wonage me yime nen mban nendage tiyappogo logowak o, yinuk, leenogo patemenggerak kineenu a'nuk, ambit me time mban nogo logonet,

Pelaareegerak 19:17

it aap mbere wone inoba agaarak nogo imbirak aret wogoren at Aliku ALA enggaanom paga it aap Ala unde inom, aap wone owak loongga inom, ne ti eyom paga eekwi wonogwe me nogome piya nogwe iinok,

Pelaareegerak 19:4

Leenogo pumonggotak me, ne ambi paga aap ambi nen ore anini mbake, wariyak mbake, eeka'lek me yinip-panip warogo pege logomenggerik, agap ndarak logowak nen, o time unggwi nage logorak,

Pelaareegerak 21:5

Ndi, it aap Ala unde inanebunu Lewi mendek nogo ti, at Aliku kinogoba Ala eebe unde logonet ake eekwi, at Aliku ALA endage paga inale'nggen inoba piigwi, wone ambi age kenok koonggwi, aap wat-wat yemenggaarak kenok inawone mbanggwi, eeko logowak nduk, mippiyareegerak me, tapi warak wonage me taa'nogo iigak,

Pelaareegerak 25:1

Yorage nagagerik, ambi yorage logonet, “Aap ambi imbirak wone wariyak age kenok, aap inowak loonggo menggam time namenggaarak me, it aap inowak loongga nogo nen wone aremenggerak nogo mbeenogo inowak loonggo logonet, at ambi oba abe eerogo pugwi, at ambi oba maluk eerogo pugwi, eeppunuk,