Pelaareegerak 17:7 - Ala Wone Peenok Peebi Mbanak

⁷ Ndi, warogo puurak kenok perak, aap inigen liirogon kagaarak nogo nen kambuwak nduk, inaa'nduk wakwi iinok, peebi it aakumi abok aret ineenggi wonggok yugum paga warogo puwak o. Aap maluk togoti eekwi iinok, kinenggela'me nen nggiginogo enggaawak lek eerogo piigo logomunggup o,” yoragagerak.

Pelaareegerak 17:7 ပူးပေါင်းရင်းမြစ်များ

Ala Unde 24:14

“Aap an meek eerogo panegerak ti, ooliya oore'nggam nen wonok wundi nogo logomenggaarik, an meek eerogo panege inaruk konenggaarak nogo ineebe abok nen aret ineenggi aap ti anobak paga punuk, yugum paga togu eerogo puwak o.

Yaya 8:7

Liiru mbangge me, it nen, “Yu ubi!” nabenak mban yogo mbareegwa, at mi'na'nuk, it yorage logonet, “Aap kinenggela'me yime ambi maluk eekeelik kenok, at aa'nduk yugum paga kwe yi wariyok o.”

Pelaareegerak 13:6

Ndi, ne ambi paga kinore ambi ilik, kinapuri wologwe-komologwe a, kinakuwi kiniki kunik ilik, kinore kimbirak kiniki kunik a, it nen inoone mbawok paga kinikime manako logonet, Kit inom, kinombomini inom, ineenggo'lek mendek

Pelaareegerak 13:9

It togop eerugun nogo ti, kit aap o Metit mendek nen inayeloman eeppinagago wonogwe me, wokkiren wagagerak at Aliku kinogoba Ala nogo kinom tayenogo pinagawok nduk, eekkinabugun ti, kambuwak nduk, inoorogo piyoorak me, inooko logonet, aap ambi nen aap ambi togop agan wage enegen kamenggerak nogo nen aa'nduk yugum waganogo wake kenok, kit Iterali apit aret yugum paga warogo pumunggup o.

Pelaareegerak 17:12

Aap ambi at Aliku kinogoba Ala unde logonet, at ake eeke nogo nen yemenggerak ilik, aap wone inowak loongga nogo nen wone yemenggerak a, Meek, mba'nuk, iniki mi'nage logomenggerik, wone yugu nogo taganogo pege kenok, aap ti kambuwak nduk warogo pogo logomunggup o. Aap maluk togoti eekwi kiinok, Iterali inenggela'me nen nggiginogo enggaawak lek eerogo piigo logomunggup o.

Pelaareegerak 19:19

aap ti, oreeluk maluk eeppikit mbaremenggerak kagak, melak togon at aret aaninggin oba kwippogo logomunggup o. Aap maluk togoti eeke kenok, kinenggela'me nen nggiginogo enggaawak lek eerogo pogo logomunggup o.

Pelaareegerak 21:21

Yorogwe iinok, it aap at awi kota inom wonogwe nogo abok aret nen wulaga nogo kambuwak nduk, yugum paga togu eerogo warogo puwak o. Aap maluk togoti eekwi kenok, kinenggela'me nen nggiginogo enggaawak lek eerogo pugwi nogo, it aakumi Iterali apit aret inaruk konenggo logomenggaarik, inagabiti ambik eerigin o,” yinuk, yoragagerak.

Pelaareegerak 22:21

aakumi Iterali mendek inenggali kaawak nduk, ogoba ame wonage logonet, mbabilu ya wukak negen wonagaarak me, kolaga ti, kambuwak nduk, it o kota at wonage me wonogwe nogo apit nen aret yugum paga warogo pogo logowak o. Maluk togoti eekwi kenok, kinenggela'me nen enggaawak lek eerogo pogo logomunggup o.

Pelaareegerak 22:22

Ndi, aap ambi nen kwe ogonggelo warak ambi imbirak nogo yege kwaakkogo logomonggotik, aap imbirak nogo yemenggerak inom, kwe ti inom, imbirak kambuwak nduk, inoorogo piigo logomunggup o. Maluk togoti eekwi kenok, kit Iterali kinenggela'me nen inenggaawak lek eerogo piigo logomunggup o.

Pelaareegerak 22:24

kolaga ti, o kota aret kwe, kwa yuulik aap ti imbirak nogo yege, ndi, aap ti, aap alik akwe miirik wonage mbaka'lek kolaga nogo maluk eerogo pege, eeremenggaarak kenok, kwe-aap imbirak aret kambuwak nduk, o kota tu unggwogo menggam time wogoren wundi nanuk, yugum paga togu eerogo inoorogo piyaamunggup o. Maluk togoti eekwi kenok, kinenggela'me nen inenggaawak lek eerogo piigo logomunggup o.

Pelaareegerak 24:7

Aap Iterali mendek ambi nen at oreeluk kagak kumaappunuk, ayeloman eekkolage, onggo nggerenggolage, eeke kenok, aap ti mondok warogo pogo logowak o. It aap maluk ti mendek eekwi iinok, kinenggela'me inenggaawak lek eerogo piigo logomunggup o.

Owak Loongga 20:13

Maluk mendek nit Iterali ninenggela'me agaarak nogo lek aruwak nen aakumi o Nggileyat mendek maluk lombok eekaarak nogo inooruwok nduk, wo'nira woraanip o.” Yorogogwaarak kwe, inanebunu Mbeniyamin mendek nogo nen inoreewi Iterali mendek nen wone eerogo nappereegwaarak nogo inaruk konenulik mbo pereegwaarak.