Pelaareegerak 17:6 - Ala Wone Peenok Peebi Mbanak

⁶ Aap mbere ilik, kenagan nen a, Abet aret eekerak ninigen kogoorak o, yogwe iinok, warogo pogo logorak op aret kwe, aap ambit nen mban ari kenok perak, kambuwak nduk, warogo pogo logorak mage o.

Pelaareegerak 17:6 ပူးပေါင်းရင်းမြစ်များ

Linggineegwaarak 35:30

Aap ambi nen aap alik ambi waremenggerak kangge kenok, aap mbere a, kenagan a, nogo nen, Aap yi aakumi inooka abet aret o, yinuk, yogwi iinok, warogo puurak op aret kwe, aap ambit nen mban ari kenok perak, warogo puurak mage o.

Matiyut 18:16

Ndi, aruk liirogon konengga'lek kenok perak, Aap mbere-kenagan inaruk iigak yogwi iinok, Abet aret, mbako menggaarak me, aap ambit a, mbere a, wogoret, kinom yori nanu o.

Yaya 7:51

“Wologwe. Nit eeko logorak wone yugu liiru mbanak nogo eeko logonet, aap ambi eerit nage nagagerak nogo, Togop nduk eekirak o, yinuk, ari ninaruk konembunuk, alom liippega'lek niigak, maluk onggo eeppuurak ti, op mbakop?”

2 Korindut 13:1

Ne mbere paga pekkiya wagagirak kwe, yogondak ne ambinom pekkiya woraakit nduk, eeke agarik o. “Aap ineebe mbere a, kenagan a, nen inigen kenok, yogwe iinok perak, Abet aret eekaarak me, yinuk, awone op aret mbanggo logorak o,” yinuk, liiru mbanak nogo wonage o.

Pelaareegerak 19:15

Ti'nuk, ambi yorage logonet, “Aap ambi maluk eeke ilik, wone ambi oba age a, eeke kenok, aap ambi nen mban enegen kage logomenggerik ari kenok, aap ti awone mbambunuk, Kat maluk aret eekendak o, yoriyak mage o. Ata, aap ineebe mbere a, kenagan a, nen inigen kenok yogwe iinok perak, Abet aret eekerak me, yinuk, awone op aret mbanggo logorak o.

1 Timotiyut 5:19

Aap mbere ilik, kenagan a, nen, “Togop eekerak o,” yinuk, yogwe lek iigak, at ambiret nen mban aap Ala apuri unde menggaarak ambi oone oba pege kenok, at oone koneniyak ti, lek o.

Iberani 10:28

Aap ambi wone Muta yoreegerak nogo tagangge kenok, aap mbere ilik, kenagan a, nen, “Abet aret ndogop eekerak o,” yogwe iinok, kambuwak nduk, abuwa mbaka'lek mondok warogo pogo menggaarak nogo lek a?