Pelaareegerak 17:3 - Ala Wone Peenok Peebi Mbanak

³ Ala obaane'me kugi ogut eerogo mippunuk, abu'me tebe yinuk, alut eeri nage ilik, tut inom, oonegen inom, laaluguragan mbogut paga wonage inom, alut eeke a, an, Eeriyak mage o, yagarak kagak ti mendek abok aret eeremenggerak nogo

Pelaareegerak 17:3 ပူးပေါင်းရင်းမြစ်များ

Wakkagagerak 2:1

Ti eeppege nagagerik, mbogut inom, nggween inom, yi mendek ndi mendek abu tigitogon aret wakkagagerak nogo ti aret.

2 Endagembogut 21:3

Eeke logonet, at ogoba Kitikiya nen puut-puut paga inagugi inake eeko menggam lek eerogo pereegerak nogo, obaane'me ogobakkigirogo pege, kugi Mba'an ake warogo wogogo logorak ogobakkigirogo pit nage, it Iterali inowe endagembogut Akap nen kugigwe Atiyera ageyo arelen mippereegerak kokwak, at togop aret eerogo pege, laaluguragan yigin abigan abok inabu'me tebe yinuk, inalut eeke,

Wundeegwaarak 22:20

It aakumi nen Naliku an ALA mban nalut eeriyak kagak, kugi alut eeko logonet, ake warogo pugwi kenok, it ineebe mondok inoorogo piyaawak o,” yinuk, yoraawak nduk, yoreegerak.

Yeremiya 19:5

ndi, puut-puut paga kugi Mba'an awi wuppunuk, inapuri inoorogo kugi Mba'an ake kani kunggwi ti, Ndogop eeko logonip o, yinuk, wone lengganogo yorage, noone paga nen, Ee'nip, yorage, Ndogop eerugun, ninikime mbake, eerulik kwe kagak eekwi, eeko menggaarak,” yegerak o.

Yeremiya 32:35

It inapurilogwe wologwe inom, komologwe inom, kugi Molok ake inoorogo kani kunggo logowok nduk, inagugi Mba'an ake warogo wogogo logowam o Mben-Kinom Kobappaga time tiyarogon ogobakkigirogo pugwi, eereegwaarak. It ti eeruwak nduk, an nen wone lengganogo yorage, It ogole warak ti mendek eekwi iinok, aakumi Yekura maluk eerugun kagi, yinuk, mbake, mondok eerulik o,” yinuk, yo'nereegerak.

Yeremiya 7:31

An nen, Yogop ee'nip o, yinuk, wone lengganogo yorage, niniki kunduk, Togop eerugun, mbake, eerulik kagak, it nen inapuri wologwe inom, komologwe inom, inoorogo kani kuninakak yuwak nduk puut endage Topet Kobappaga Mben-Kinom time inoorogo punuk, kani kuninako logorak wurit nagaarak,” yegerak o.

Yeremiya 8:2

it iniki kunik aganakwi, inake eerit nugwi, muguren nogwe, Nonggop o? yinuk, kin wogonakwi, inayuk wukwi, eeko nogogwaarak inagugi oonegen inom, tut inom, laaluguragan mbogut paga wonogwe abok aret inom, it abok inenggaanom kin paga piyaagun me, kuwak eerogo piigwi, taambiigwi, eerugun lek yabume nggween mili ake aret arugun o.

Yetikiyen 8:16

Kage mbareegi, at nen an wo'neren Aliku ALA awi wurik oore'nggam akem time pani nage mbareegi, at awi wurik me tu unggwogo menggam enaame wone mbanggo menggam inom, ake warogo wogogo menggam inom, oolo taati aap ineebe 25 negen nen Aliku ALA awi wurik inambokan punuk, ina oonegen wundi wage menggim pa'nggwe na'na'nuk, oonegen wundi wage nogo inendobanggun yindumbunuk, ayuk wukwi iyareegirak.

Pelaareegerak 11:16

Kiniki nomongginakwi iinok, Ala kinambokan mbo punuk, obaane'me kugi ayuk wurogo alut eeko logokwak, kiniki liippogo logomunggup o.

Pelaareegerak 17:4

aakumi nen yokkira wogwe iinok ilik, kit kinalik nen konenggwi kenok a, alom liirogon kwaako logomunggup o. Alom liirogon kwaako logomonggotik, aap maluk ogole warak lombok eeremenggerak ti, aakumi Iterali inenggela'me nen, Abet aret eekerak, kin age kenok,

Pelaareegerak 4:19

Ndi, oonegen inom, tut inom, laaluguragan inom, mbogut paga wonage abok aret ti, yi aakumi ndi aakumi o nggween paga yime menggaarak abok aret at Aliku kinogoba Ala nen terak ninake wo'niragagerak me, kit nen oonegen inom, tut inom, laaluguragan inom, mbogut paga wonage abok aret kinigen nikkogo logomonggotik, inayuk wukwi, inalut eekwi, eeko logobagip nduk, aakumi nen kiniki nomongginabi worookwak, Mage, yokkirage agarik o.

Yotuwa 23:16

At Aliku kinogoba Ala wone abuk nggaruk togon koonogo punuk, Eeko logonip o, yinuk, yokkiragagerak nogo, taganogo punuk, at mugurok nogwe obaane'me aakumi inagugi mugurok nogo logonet, inabu'me tebe yinuk, ayuk wurit nogwe kiinok, Aliku ALA anini kani kunik negen kinoba kwippinagagin o. Kwippinagage kenok, kinanggween obeelom wokkiragagerak ti paga nen mbet-mbet aret kineebe lek ogo logomunggup o,” yinuk, yoragagerak.