Pelaareegerak 17:12 - Ala Wone Peenok Peebi Mbanak

¹² Aap ambi at Aliku kinogoba Ala unde logonet, at ake eeke nogo nen yemenggerak ilik, aap wone inowak loongga nogo nen wone yemenggerak a, Meek, mba'nuk, iniki mi'nage logomenggerik, wone yugu nogo taganogo pege kenok, aap ti kambuwak nduk warogo pogo logomunggup o. Aap maluk togoti eekwi kiinok, Iterali inenggela'me nen nggiginogo enggaawak lek eerogo piigo logomunggup o.

Pelaareegerak 17:12 ပူးပေါင်းရင်းမြစ်များ

Etara 10:8

“Aap ambi ta nen waga'lek kagak, ne kenagan ari nage kenok, nit aap inarum wonogwe inom, inoweewi inom, wone koonogo pogoorak ndak-ndak at amendek abok aret ndinggologwe, it wogoren piya nagagerak wogogwaarak kuwak eerak inenggela'me nen wumbugwi, eerugun o,” yinuk, eerogo nappit nagagerak.

Ndawi 19:13

Ndi, “Maluk eerikit,” mba'nuk eeke neyo, kat unde wo'nake, Maluk nogo nen, “Maluk mban eeru o,” yo'nege kero, narum wonage, Eeke logot o. Togop eeke keenok, maluk ambi noba lenggenak kagak nage, Ndi, maluk nggwok ambi eeke, Eerigin lek Ugun aret logogin o.

Kini Wuppiige 21:11

Aap meek eerogo piiga nogo eekerak onggo aaninggin oba pugwi iinok, it eeriyak kobak mendek nogo nen iniki warak mamunggologwe, Ndi, it aap iniki warak nogo inaruk wakwi iinok, abunuk ineenu aret eekkologwe, Eeko menggaarak.

Oteya 4:4

“At ambi nen, Kat eekendak paga ee'ninake o, yinuk, at ambi yogak eekwi, Ndi, inenggali wa'wat yogwe, Eerugwaarik o. An eerigin ti, it aap an neebe unde menggaarak eekwi paga aret eeppiyaagin o.

Takariya 3:7

“At Omaawi Lombok Menggerak Aliku ALA nen yegerak nogo yokkiri o. An nen eeriyak at yoge nogo ndak-ndak eerit nage, ndi, nake eeke logonet, Yogop eeke logot o, yinuk, yorage nogo, at ndak-ndak eeke, eeke kenok, an nawi wurik me unde wonage, an nawi wurik oore'nggam eekwi nogo inarum wonage, eeke logogin o. Ndi, it an nake eekwi nowagam mi'ndak wonogwe yi, at inom nake eeke logowak nduk, mippigin o.

Linggineegwaarak 15:30

Ndi, it aakumi Iterali mendek inaworak inom, it nggiru inenggela'me wonogwe inom, Maluk eerikit aret o, yinuk, iniki koombunuk eekwi iinok perak, Aliku ALA ti, meek aret mba'nuk, maluk eeremenggaarak me, it inowe-inawot inenggela'me nen inenggaawak mondok lek eerogo piigo logowak o.

Linggineegwaarak 15:31

It aap ti, Naliku an ALA meek nombako logonet, Yogop ee'nu ndogop ee'nu, noone yugu taganogo pemenggaarak me, maluk eeremenggaarak onggo it inobaalombok aret inenggaawak lek eerogo patugun, yegerak, yoret o,” yinuk, yoreegerak.

Matiyut 10:14

Wokkinaka'lek logonet, kinoone inaruk konengga'lek iinok perak, iname time nen wundi nogo logonet, kiniyok paga liirubu aa'ngga eerogo mbo piinok, wundi nanu o.

Lukat 10:16

Yorage nagagerik, at oone waganggwi mendek ambinom yorage logonet, “It aakumi kit kinoone konenggwi kenok ti, an noone aret konenggwi, kit mbo pinagagwi kenok ti, an aret mbo panugwi, ndi, it nen an mbo panugwi kenok ti, at nappani wagagerak nogo aret mbo pugwi, eeko menggaarak aret o,” yinuk, yorage nagagerik, nappiyareegerak.

Yaya 12:48

Kit ambi nen an mbo panugo logonet, an noone waganggwi lek kiinok, kinowak loonogo maluk kinoba pinagarak nduk ambi wonage o. An niniki koombunuk nen wone yokkirage logolik o. Ata, an nogoba nappani wagagerak nogo nen, Yogop yu o, ndogop yu o, yinuk, lengganogo yo'nege kenok, yokkirage minggirak me, o age yobok togon an wone yokkirage nagarak nogo paga kinowak loonogo maluk kinoba pinagagin o.

Yaya 20:23

“Kit nen aakumi inomaluk lek eerogo piigwi kiinok, lek aret arigin o. Ndi, it inomaluk lek eerogo piigwi lek kiinok ti, inomaluk ti itok kunik aret logogin o,” yinuk, yoragagerak.

Pelaareegerak 1:43

Yo'nege mbareegi, yokkiragagirak kwe, kinaruk konenulik at Aliku ALA nen eeriyak yokkiragagerak nogo kineebi mbako logonet, kiniki worokot aret puut nggelok-nggobok time wim eeri wogwe me,

Pelaareegerak 10:8

Wogo nogogurik, inanebunu Lewi mendek nen at Aliku ALA aloobut mbanak me wone yugu yonggolak wonok wogwe, enggaanom paga at ake eekwi, at endage paga inale'nggen aakumi inoba piigwi, eeko logowak nduk, at Aliku ALA nen ne ti eyom paga leenogo mippiyareegerak nogo o yogondak wonogwe yi aret o.

Pelaareegerak 13:11

Warogo pugwi kiinok, it aakumi Iterali abok aret konenggo logomenggaarak inagabiti nen aap maluk eeremenggerak togop nogo ambi it inenggela'me nen eerugun mondok lek o.

Pelaareegerak 13:6

Ndi, ne ambi paga kinore ambi ilik, kinapuri wologwe-komologwe a, kinakuwi kiniki kunik ilik, kinore kimbirak kiniki kunik a, it nen inoone mbawok paga kinikime manako logonet, Kit inom, kinombomini inom, ineenggo'lek mendek

Pelaareegerak 17:13

Togop eerumonggotak nogo aakumi abok aret inaruk konenggo logomenggaarik, inagabiti nen wone ambi meek mba'nuk, taganogo pugun lek aret o,” yoragagerak.

Pelaareegerak 17:7

Ndi, warogo puurak kenok perak, aap inigen liirogon kagaarak nogo nen kambuwak nduk, inaa'nduk wakwi iinok, peebi it aakumi abok aret ineenggi wonggok yugum paga warogo puwak o. Aap maluk togoti eekwi iinok, kinenggela'me nen nggiginogo enggaawak lek eerogo piigo logomunggup o,” yoragagerak.

Pelaareegerak 18:20

Ndi, wone yoraga ambi an nen, Togop yu o, yoga'lek neegak, agabiti lek an nendage paga we ugun aret agan nage a, an nobaane'me kugi endage kunogo agan nege a, eeke kenok perak, at kambuwak nduk warogo puurak aret o, yo'nege mbareegi, yokkiragagirak nogo ndak-ndak aret aap Ala nen yoge kagak yokkirage logorak ambi wokkiraagin o.

Pelaareegerak 18:7

at oreewi Ala unde ando o time at Aliku ALA enggaanom paga ake yabu eekwi ti, inom aret at Aliku ogoba Ala obaane'me aret eeke logowak o.

1 Tetalonika 4:2

Ninowe Yetut nen, “Yoret o,” yinuk, yo'nirage mbareegi, wone, “Yogop ee'nu, ndogop ee'nu,” yinuk, lengganogo yokkirogo nogogurak ti, kineenu aret o.

1 Tetalonika 4:8

Togop me, aap ambi nen, “Wone yi, Ala nen yegerak lek o. Aakumi nen aret yagaarak o,” yinuk, taganogo mbo pege kenok, at nen aakumi mbo piige ti lek o. Ata, at Aberiniki wo'nirage Ala nogo aret mbo pege menggerak o.

1 Timotiyut 5:20

Aap ambi nen maluk mban eeke kenok, it aakumi abok inagabiti mbaruwak nduk, nggwok paga aruk wake logonu o.

Yotuwa 1:18

Aap ambi nen kat koone ari nogo, Eeriyak neebi, mbake, wone lengganogo yo'nirage nogo taganogo mbo pege, eeke kenok, aap ti kambuwak nduk, warogo puurak aret me, kat perak, kogogumbuk kiniki mondok nu'lek eeppatinuk logot o,” yinuk, yoreegwaarak.

Owak Loongga 20:13

Maluk mendek nit Iterali ninenggela'me agaarak nogo lek aruwak nen aakumi o Nggileyat mendek maluk lombok eekaarak nogo inooruwok nduk, wo'nira woraanip o.” Yorogogwaarak kwe, inanebunu Mbeniyamin mendek nogo nen inoreewi Iterali mendek nen wone eerogo nappereegwaarak nogo inaruk konenulik mbo pereegwaarak.