Pelaareegerak 17:11 - Ala Wone Peenok Peebi Mbanak

¹¹ Ndi, Yogop aret eeko logorak o, yinuk, wone yokkirogwe nogo mugurok nogo logonet, kina agigan agak, ogugan agak, eeriyak mage o. Ata, aap wone owak loongga nen, Yogop aret eeko logonip o, yinuk, wone koonogo yokkirogwe iinok, it yagaarak ti, ndak-ndak aret eerit nogo logomunggup o.

Pelaareegerak 17:11 ပူးပေါင်းရင်းမြစ်များ

2 Tamuwen 14:19

Yoge mbareegi, aap endagembogut nen at yoge logonet, “Wone yo'negendak abok aret at Yowap nen yokkege kenok, yo'niri wagandak nogo lek a?” Yoge mbareegi, at kwe nogo nen, “Kat nowe kendagembogut wone ari keenok, eegu melak yuurak meek me, wone yokkigirak yi abok aret at kayeloman Yowap nen, Ndogop yu o, yinuk, an kayeloman ninikime manake mbaki, yokkiri wagarak me, kat nowe kendagembogut wonage keegak pilit lek abet aret yokkigi o.

Kini Wuppiige 4:27

Kena agigan agak, ogugan agak, eeke logorak mage o. Ata, maluk eeko menggam kiyok pi noorak eekkake kero, mbo pege logot o.

Ala Unde 10:11

It aakumi Iterali ineenu aruwak nduk, Naliku ALA wone lengganogo Muta yoreegirak nogo abok aret kapuri kinom nen aakumi Iterali mendek mamunirogo logomunggup o,” yinuk, yoreegerak.

Pelaareegerak 17:10

Yorogwe kiinok, o Aliku ALA nen leenogo patemenggim time nen wone owak loonggo logomenggaarik, Yogop aret ee'nip o, yinuk, yokkirogwe nogo liippunuk, ndak-ndak aret eeko logomunggup o.

Pelaareegerak 25:1

Yorage nagagerik, ambi yorage logonet, “Aap ambi imbirak wone wariyak age kenok, aap inowak loonggo menggam time namenggaarak me, it aap inowak loongga nogo nen wone aremenggerak nogo mbeenogo inowak loonggo logonet, at ambi oba abe eerogo pugwi, at ambi oba maluk eerogo pugwi, eeppunuk,

Pelaareegerak 28:14

Ti eerogo pinagagin me, Yogop ee'nu ndogop ee'nu, wone yugu an yogondak yokkirage yi, taganogo punuk, Ala alut eekwi obaane'me kugi eerit nogo logonet, kinena nomorogon agigan ogwe, ogugan ogwe, eeriyak mondok mage o,” yinuk, yoragagerak.

Pelaareegerak 5:32

Togop me, at Aliku kinogoba Ala nen wone lengganogo yokkiragagerak ti, mugurok nogo logonet kina agigan ogwe, ogugan ogwe, eeka'lek wone ti abok aret liirogon eeko logomunggup o.

Titut 3:1

Aakumi nen it o arum waka pemerintah inom, it aap inayuk warak menggaarak inom, inabu'me logonet, inoone konenggwi, ndi, eeriyak obeelom ambi kin age kenok, “Eeko logowok o,” yinuk, mbako logowak nduk yorage, eeke logot o.

Yotuwa 1:7

Kat eerit nage nogo abe mban arit nage kaanok nduk, kena agigan agak, ogugan agak, eerugun o. Ata, kogogumbuk kiniki mondok nu'lek eeppatinuk logonet, eeko logorak wone yugu nayeloman Muta liiru mbanogo wokkireegerak nogo abok ndak-ndak liirogon aret eerit nage logot o.

Yotuwa 23:6

Togop aret me, kit kina agigan agak, ogugan agak, eerugup o. Ata, kiniki yungguppegak eeka'lek mondok nu'lek logonet, eeko logorak wone yugu Muta nen liiru mbaneegerak nogo abok ndak-ndak, liirogon aret eerit nogo logonip o.

2 Peterut 2:10

It togop eeppiyoorak nogo ti, mbuuluk negen eeppiyoorak kwe, it aakumi nen, “Nit maluk eeko logowok o,” yinuk, iniki nen nengge kenok, ugun eerit nogwe, Ala nen wone lengganogo yorage nogo taganogo punuk, at eebe miyuk-meya eerogo pugwi, eekwi nogo perak, aaninggin mondok ndonggok togon inoba piige kaagun. It malayikat nogo ti, inomaawi ambik inayuk warak me, Ala yogo logonet, “It aap kat ari menggendak kagak pilit pugunogo yorogo menggaarak nogo ti, mondok maluk eekwi me, kat ninogoba nen mondok inooke logot o,” yinuk, inoone omaawi paga Ala yoriyak op kwe, inagabiti warak me, we yanggorogon yogo menggaarak. Yanggorogon togop aret yogo menggaarak kwe, it aap pilit wone yaga ti nen perak, “Ninagabiti o,” yinuk, inaganak waka'lek iniki wogoppako logonet, kugi inom, malayikat inom, abok aret ugun miyuk-meya eerogo piinet nogo menggaarak.

Yurat 1:8

It aap kinenggela'me ugun unggwi wagaarak nogo ti, aakumi o Torom inom, Nggomora inom, eeko nogogwaarak nogo ndak-ndak eerit nogo logonet, “Nabinggaanggo paga yogop eeriyak op aret kagarak o,” yinuk, iniki aganggen eeginake kenok, eekulik mendek kagak ugun-ugun eeginabit nogwe, Ala wone konenggo logorak, “Nineebi o,” yinuk, taganogo mbo pugwi, ndi, it inayuk warak mbogut paga menggaarak malayikat nogo kunduk, miyuk-meya eerogo piigwi, eerit nogo menggaarak.