Pelaareegerak 16:9 - Ala Wone Peenok Peebi Mbanak

⁹ Yorage nagagerik, ambi yorage logonet, “Anggen iyaalok mbaniyak nduk, waruk gandum owak paga pugwi eyom nen lingginit tamban 7 eeppunuk,

Pelaareegerak 16:9 ပူးပေါင်းရင်းမြစ်များ

Wundeegwaarak 23:16

Yi mendek ndi mendek awi yappunuk, anggen iyaalok kole aremenggerak nogo mbanggo logonet, inale'nggen paga laago endage Anggen Iyaalok Mbanggwi nogo lakwi, ti'nuk, yi mendek ndi mendek anggen abu kole aremenggerak mbanogo kuwak eerogo pi wogwe iigak, tahun irip paga ari nage kenok, inale'nggen paga laago endage Anggen Mbanak Kuwak Eekwi nogo lakwi, eeko logowak o.

Wundeegwaarak 34:22

Tamban 7 eeppunuk, laago endage Anggen Iyaalok Mbanggwi paga gandum iyaalok yugu nogo mbanogo lakwi, ndi, tahun irip paga ari nage kenok, laago endage Anggen Mbanak Kuwak Eekwi nogo lakwi, eekwi nogo kinale'nggen paga eeko logomunggup o.

Nappiigak 2:1

Ne Pendakota eeriyak eyom age mbareegi, it abet mbareegwaarak mendek nogo abok aret ambit me kuwak eeppunuk,

1 Korindut 16:8

It noone taganiyak ambik wonogwe iigak kwe, Ala wone konengga'lek yime o tenak ambik wonage me, “Nanonggwan aga o,” yinuk, yorage logokit mbakirak me, laago Pendakota lariyak awo tokkage logonet, Epetut yime logokit mbakirak o.

Pelaareegerak 16:10

at Aliku kinogoba Ala ake laago endage Anggen Iyaalok Mbanak nogo kinale'nggen paga lako logonet, Aliku kinogoba Ala nen ale'nggen kinoba pinagage logonet, kinamendek wokkiramenggerak nogo ndak-ndak kiniki nen wonok at ake we aret pi wogo logomunggup o.

Pelaareegerak 16:16

Kit Iterali kinenggela'me aap mban abok aret tahun ambit eerak ne kenagan, ambi laago Oroti Piika'lek kagak lakwi paga inom, ambi laago Anggen Mbanak Kuwak Eekwi paga inom, ambi laago Ooliya Wureegwaarak aberogo lakwi inom, at Aliku kinogoba Ala leenogo pemenggim enggaanom paga woraawak o. Ndi, wogo logonet, ineenggime lek we wogo logorak mage o.

Iberani 2:1

Togop me, nit Ala wone ninaruk konembunuk waganeegurak nogo, mbo punuk nomo agan nogwe niyo, ambinom nggirik-nggerok agago porogo logowok o.

Urut 2:23

Yoge mbareegi, Urut nogo kumi Mbowat eyabu eeko menggaarak nogo inom wonage logonet, waabuk negen jelai inom, gandum inom, mbanit nogwe iigak, age yobok aret ari nagagerak. Ndi, ti eeko logonet, Urut nogo eenggelo imbirak aret wonagagerak.