Pelaareegerak 16:8 - Ala Wone Peenok Peebi Mbanak

⁸ Nogo logomonggotik, ne 1 nen nok 6 paga ti, oroti piika ragi inom pega'lek logonet, worarak nunggo logomonggotik, ne ambi 7 paga ti, kit yabu eeka'lek kuwak eeppunuk, Aliku kinogoba Ala alut eeko logomunggup o,” yinuk, yoragagerak.

Pelaareegerak 16:8 ပူးပေါင်းရင်းမြစ်များ

2 Mbinineegwaarak 7:9

Ala ake warogo wogogak ogobakkigireegwaarak nogo inale'nggen nen laago lakwi iigak, ne 7 age, ndi, ooliya-ooliya wurit wogogwaarak aberogo laago lakwi iigak, ne 7 age, eeke mbareegi, ko'lu ti paga iname nawok nduk, kuwak eereegwaarak.

Nekemiya 8:18

Lako logonet, ne aa'nduk paga nen nok, ne 7 paga at Etara nen eeko logorak Ala wone yereegerak liiru mbanak nogo mbiningge, inale'nggen nen laago lakwi, eekugak, age yobok ne 7 eeppunuk, ko'lu paga wone yugu nogo ndak-ndak kuwak eereegwaarak.

Yowen 1:14

Maluk eeka'lek logonet, kinambe mage negen eeppunuk, logonip o, yinuk, yorogwe, Ala alut eeriyak kuwak ari woraawak nduk, yorogwe, Eeko logonip o. It aap kinoweewi kinarum menggaarak inom, It aakumi o yime wonogwe abok aret inom, Kinogoba Aliku Ala awi wurik me kuwak ari wa'nuk, inoone nggwok paga Aliku Ala yoruwak nduk inayonggo piyaanip o.

Linggineegwaarak 28:25

Nogo 6 yippunuk, ko'lu paga perak, yabu eeka'lek kuwak eeppunuk, nalut eeko logowak, yegerak, yoret o,” yinuk, yoreegerak.