Pelaareegerak 16:2 - Ala Wone Peenok Peebi Mbanak

² Laago ti, lako logonet, kit nen kambin-ndomba inom, lembu-tapi inom, inoorogo piinok, Aliku ALA nen, O yime nen mban nendage ki logowak o, yinuk, o leenogo patemenggim time nen Aliku kinogoba Ala ake laago endage Obagambo Nagagerak ti, lako logomunggup o.

Pelaareegerak 16:2 ပူးပေါင်းရင်းမြစ်များ

2 Endagembogut 23:21

Wage nagagerik, aap endagembogut nen it aakumi abok aret wone lengganogo yorage logonet, “Ala ninom wone abuk nggaruk togon koonogo pereegerak mbuku yi paga liiru mbanak wonage nogo ndak-ndak, Aliku kinogoba Ala elaago Obagambo Nagagerak nogo kinale'nggen paga lako logonip o,” yinuk, yoragagerak.

2 Mbinineegwaarak 35:7

Yorage nagagerik, it aakumi we ugun mendek kuwak ari wogogwaarak nogo, Obagambo Nagagerak laago laruwak nduk, aap endagembogut Yotiya nen kambin-ndomba ineebe tiga puluh ribu wogorage, ndi, lembu-tapi ineebe tiga ribu wogorage, eereegerak. Wogoragagerak nogo aap endagembogut alik aanggumi aret wogoragagerak.

Linggineegwaarak 9:2

“Tanggal 14 tut yi paga o kiyoma age kenok, Obagambo Nagagirak laago lako logorak koonogo pereegirak nogo lako logonet, wone, Yogop ee'nu ndogop ee'nu, yugu inom, wone lengganak inom, mondok liippunuk, ndak-ndak aret inale'nggen paga lako logowak nduk, it aakumi Iterali yoret o.”

Matiyut 26:17

Laago Roti Piika'lek Mendek lappunuk, ne aa'nduk noorak eyom paga, it Yetut oone waganggwi nogo nen Yetut owagam wogo nogogwaarik, at yogo logonet, “Laago Obaga Mbo Nagagerak noorak nggeeme pipuk eerogo pagagwi a nawi o?”

Matiyut 26:2

“Nogo mbere yippunuk, laago Obaga Mbo Nagagerak lariyak kineenu me, lakwi eyom paga an aap aret nda'nagagirak yi, eyo karo-karo paga nabembanuwak nduk, neebe pigogo aakumi wogoraagin o,” yinuk, yoragagerak.

Marakut 14:12

Laago Roti Piika'lek Mendek lappunuk, ne aa'nduk nonggo logonet, laago Obaga Mbo Nagagerak lariyak ndomba wako nogogwaarak me, at Yetut oone waganggwi nogo nen at yogo logonet, “Yetut wae. Kabugo laago Obaga Mbo Nagagerak noorak nggeeme pipuk eerogo pagagwi a nawi o?”

Lukat 22:15

Kwi'nogo nogogwaarik, Yetut nen it yorage logonet, “An noba aaninggin-paaninggin eeppanega'lek kagak, laago Obaga Mbo Nagagerak larak yi, ninom nawok lak ao, lombok mbake minggirak o.

Lukat 22:8

at Yetut nen Peterut Yaya imbirak nappiige logonet, “Laago Obaga Mbo Nagagerak nit noorak pipuk eerogo pugwi a nanip o.”

1 Korindut 5:7

Kit time apit eeka'lek neenu aret kwe, roti piiruwak nduk enggela'me pega'lek kwak logobagip nduk, roti piike menggerak mendek kinengge-la'me wonage ti, mbo pinip o. Laago Obaga Nagagerak ndomba ninake wariyak Keritut nogo ti, muk wareegwaarak me, nit laago noorak abu pipuk eerak wonage o.

Pelaareegerak 12:11

at ake kani kuniyak mendek inom, warogo wogoriyak mendek inom, kinamendek ambi 10 wonage kenok, ambi yendenogo Ala ake puurak mendek inom, Ala wa, yinuk, wogoriyak nogo mendek inom, kinamendek abe, Kat Ala kake pi o, yinuk, kumbuk mbanogo puurak inom, wonok at Aliku kinogoba Ala nen, An wonage me yime nen mban nendage tiyappogo logowak o, yinuk, leenogo patemenggim nogome mban pi nogo logomunggup o.

Pelaareegerak 12:14

Ata, kit kinanebunu ambi anggween at Aliku ALA nen leenogo patemenggim time nen mban Ala ake warogo kani kunggwi, ndi, an nen, Yogop eeko logorak o, yinuk, wone lengganogo yokkiragarak nogo abok aret time nen eekwi, eeko logonu o.

Pelaareegerak 12:18

Ata, kit inom, kinapuri wologwe-komologwe inom, kinayeloman kumi-aap inom, it aakumi Lewi mendek kit kiname kinom logowam inom, abok aret at Aliku kinogoba Ala nen, An wonage me yime mban nendage tiyappogo logowak o, yinuk, o leenogo patemenggim time nen mban, Yi mendek ndi mendek nineenggi paga eekwi niigak, at Aliku ninogoba Ala nen obeelom eeppinanegerak me, yinuk, at Aliku ALA enggaanom paga kiniki ale'nggen paga nonggo logomunggup o.

Pelaareegerak 12:26

Togop kenok, kinamendek ake leenogo pugu inom, Ala togop wogorikit o, yinuk, kumbuk mbanogo pugu inom, apit aret wonok, o at Aliku ALA nen leenogo patemenggim time mban pi nogo logomunggup o.

Pelaareegerak 12:5

Ata, at Aliku kinogoba Ala nen kit aakumi Iterali kinanebunu abok aret kinenggela'me kinanggween ambi, An wonage me yime nen mban nendage tiyappogo logowak o, yinuk, leenogo patemenggerak kineenu a'nuk, ambit me time mban nogo logonet,

Pelaareegerak 15:20

Pogo logomonggotik, yi tahun ndi tahun paga Aliku kinogoba Ala leenogo pemenggim enggaanom paga taati nen kit inom, kinaaganapuri inom, pugu ti warogo punuk, larogo nonggo logomunggup o.

Pelaareegerak 16:1

Yorage nagagerik, ambi yorage logonet, “Tut Abip penenak oonikiya paga Aliku kinogoba Ala o Metit nen wokkiren wundi wagagerak me, tut Abip ti penengge kenok, Aliku kinogoba Ala elaago endage, Obagambo Nagagerak nogo, kinale'nggen nen lako logorak aberak aret logomunggup o.

Pelaareegerak 16:3

Laago ti lako logonet, yi mendek ndi mendek piika ragi nogo inom punuk, worarogo nunggo logorak mage o. Kit aaninggin-paaninggin kinoba wonage kagak, o Metit nen mbet-mbet aret wundi wogogutak nogo, kit kangga'lek kineenik awo wonogo logonet, aberak logomunggup nduk, laago endage Obagambo Nagagerak lako logonet, oroti piika ragi nogo oroti inom pega'lek mendek worarogo nenet nogwe kiigak, ne 1 nen 7 aret ari nawak o.