Pelaareegerak 15:2 - Ala Wone Peenok Peebi Mbanak

² lek eerogo piigo logorak nogo ti, yogobi aret. Kit Iterali mendek ambi nen ore ambi amendek anomat mbanak wonage kenok, Aliku ALA nen nomat mbanak lek eerogo piigo logorak eyom yi aret o, yinuk, yereegerak me, kinowe-kinawot ilik, kinore ambi a, Nanomat mbanak koba wonage nogo onggo wo'niriyak, yoriyak mage o.

Pelaareegerak 15:2 ပူးပေါင်းရင်းမြစ်များ

Nekemiya 10:31

It aakumi alik time wonogwe nogo nen gandum inom, yi mendek ndi mendek inom, kuniyak nduk, nogo 6 yippunuk, ko'lu yonggonggologwe paga inom, Ala alut eeko logorak ne leenak ti paga inom, wonok wogwe iinok, nit kunggologwe, eeko logogun lek o. Tahun 6 eeppunuk, ambi ari wage kenok kunduk, nineyabu eeka'lek puk wonogwe, ndi, ninamendek nomat ambi mbanak wonage kenok, We aret kolaanip o, yorogwe,

Yetaya 58:3

Nit ninambe mage negen wonogwe niigak, kat pe'niige, Niniki tebeppakoorak kwe, liippinanege, Eeka'lek Nonggop nduk wonage agandik o? yinuk, yo'nogo menggaarak. It togop aret yo'nogo menggaarak kwe, Inambe mage negen logonet eekwi nogo paga eeriyak mbakwi mban eerit nugwi, It wu kolaawok nduk inake eekwi nogo onggo ndak-ndak wogoraga'lek wi-wi aganakwi, Eeko menggaarak.

Matiyut 6:12

Ndi, it aap nit maluk eerogo pinanugwi nogo, ninami eerogo piigo monggo kwak, Kat nen nit ninomaluk lek eerogo pinanu o.

Lukat 7:42

Imbirak anomat mbanak onggo wogoriyak meek me, inabuwa nen, Onggo lek we aret kolaanip o, yoragagerak. At onggo lek we wogoragagerak nogo ti, ineebe mbere aret me, ta nen iniki kunik nggwok mbareegerak mbaken?”

Pelaareegerak 15:1

Yorage nagagerik, ambi yorage logonet, “Tahun 6 eeppunuk, ambi yubuni nage paga nomat mbanak nogo lek eerogo piigo logorak aret me,

Pelaareegerak 15:3

Aap nggiru kenok ti, Namendek awi ya'neyet, yoriyak op aret kwe, kit mendek kinore ambi kinanomat oba wonage kenok, We aret kolagandak o, yinuk, oona mari eerogo pogo logomunggup o.

Pelaareegerak 31:10

Wogorage nagagerik, it yorage logonet, “Tahun 6 eeppunuk, ambi eerak irip yubuni nage kagak, ooliya wureegwaarak aberogo laago lakwi paga nomat inobaga luurik nogo, We aret kolaanip, yoroorak eyom aret me,

Yakobut 2:13

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.