Pelaareegerak 13:4 - Ala Wone Peenok Peebi Mbanak

^4-5 It aap agan woraagun ti nen kit o Metit aakumi inayeloman tebembinagago wonogwe me, kinagap ndarogo wokkiren wagagerak at Aliku kinogoba Ala nogo oone, Nineebi o, yinuk, taganogo pumunggup nduk, yokkiramenggaarak paga at Aliku kinogoba Ala nen, Yogop eeko logomunggup o, yinuk, wone lengganogo yokkiragagerak nogo mbo punuk, alik mendek paga nomonggiren nawak nduk, eerugun nogo ti, mondok maluk aret me, kinenggela'me nen mi'narugun ti, kambuwak nduk, nggiginogo inenggaawak lek eerogo piigo logomunggup o. Ndi, kit perak, at Aliku kinogoba Ala mban mugurok nogo logonet, at abu'me tebe yinuk, ayuk wukwi, at wone, Yogop ee'nu ndogop ee'nu, yinuk, yokkirage nogo nggirik-nggerok porogo logonet, liirogon aret eekwi, kiniki at paga mban panggonak logonet mugurok nogwe, eeko logomunggup o.

Pelaareegerak 13:4 ပူးပေါင်းရင်းမြစ်များ

Yeremiya 7:23

Ata, wone eeko logorak lengganogo yoragagirak nogo yi aret. An noone ari inaruk liirogon konembunuk eekwi iinok, an it inogoba age, ndi, it an napuri ogwe, eeko logogun o. Ndi, ineebe obeelom inale'nggen paga logowak nduk, an nen, Yogop ee'nu, ndogop ee'nu, yorage nogo ndak-ndak eerit nogo logowak o, yinuk, yoragagirak kwe,

Mika 6:8

Nit aakumi yi, obeelom eeko logorak ti, Aliku ALA nen muk yo'niragagerak o. Ndi, Aliku ALA nen eeko logorak ninombake nogo ti, ngge o? Lek o. Nit eeko logorak ninombake nogo ti, a'me nggelok eeppiinet nugwi, Aakumi inabuwa mbako logorak ninikilom mbakwi, Niniki tebeppatinuk, ninogoba Ala mugurok nogwe, Eeko logorak ninombake ti aret o.

Lukat 1:6

It imbirak ninogoba Ala nen, “Yogop ee'nu, ndogop ee'nu,” yegetak wone inom, lengganinaketak wone inom, alik eerulik mondok ndak-ndak aret eerit nugu nogogwaarak me, Ala nen it iniki mondok abe koonak aret iige nagagerak.

Oroma 6:13

Ndi, “Maluk eeriyak ee'ninake nogo, nineenggi-niniyok paga eeriyak op aret o,” yinuk, wondet agago mbo pugup o. Ata, aakumi kanggaatak ineenik agago mippiigo mengga kwak, kit togop aret ogogutak me, obeelom mban eerit nogo logobagip nduk, kineenggi-kiniyok abok aret Ala mban wogo'nuk logonip o.

1 Korindut 6:17

Aap ambit-ambi ninowe imbirak kunik wonage kenok perak, imbirak iniki ambit aago wonogwe o.

Pelaareegerak 10:20

At Aliku kinogoba Ala kinagabiti mbakwi, kiniki at paga mban panggonak logonet mugurok nogwe, ndi, at endage kunogo kumbuk mbanggwi, eeko logonip o.

Pelaareegerak 11:1

Yorage nagagerik, ambi yorage logonet, “At Aliku kinogoba Ala nogo kiniki kunik eeko logonet, at eeriyak mbareegerak inom, wone lengganogo pereegerak inom, eeko logorak wone koonogo pereegerak inom, Yogop ee'nu ndogop ee'nu, yereegerak inom, nggirik-nggerok porogo logonet, mondok-mondok eerit nogo logonu o.

Pelaareegerak 30:20

Miikkologo logomonggotik, at Aliku kinogoba Ala kiniki kunik eekwi, oone ari nogo kinaruk konenggwi, at paga mban kiniki panggonak wonogwe, eerumonggotak paga at Aliku ALA nen kit kinombomini Abarakam, Itak, Yakup, inom wone abuk nggaruk togon kumbuk mbanogo, Kinanggween wokkiraagin o, yinuk, yoragagim nogome wonogo logonet, kineenik mondok li a'nuk kanggo logomunggup o,” yinuk, yoragagerak.

Pelaareegerak 6:13

Kit nen at Aliku kinogoba Ala mban ayuk wuko logonet, at mban alut eekwi, at mban endage paga kumbuk mbanggwi, eeko logomunggup o.

Pelaareegerak 6:5

Togop aret me, kiniki inom, kineebe inom, kinomaawi inom, abok aret at Aliku kinogoba Ala mban kiniki kunik eeko logonip o.

Kolote 1:10

Kinake tamban eekwi ti, ninowe inikilom kinombaruwak nduk, ndak-ndak eerit nogo logonet, eyoonggen abe yi'nage menggi kwak, obeelom eerit nogwe, ndi, Ala eeke menggerak kineenu ogo logonet, kiniki kole ogwe, eerubagip nduk, kinake tamban eeko monggoorak.

2 Yaya 1:6

Niniki-kiniki kunik eeko logorak nogo ti, Ala wone yugu ndak-ndak eeko logorak ti aret. Niniki-kiniki kunik eerit nogo logorak wone ti, maan aa'nduk togon yo'niragagerak koneneegutak nogo aret yokkiragi o.

1 Tamuwen 7:3

mbakwi iigak, at Tamuwen nen aakumi Iterali mendek abok aret yorage logonet, “Kit kiniyokan at Aliku ALA abu'me abet aret ari woroorak mbakwi kiinok, kugigwe Atitoret inom, Ala obaane'me it aakumi alik mendek inagugi inayuk wukwi nogo mendek inom, abok aret mbo punuk, melak togon kiniki Aliku ALA wogo'nuk, at mban mugurok nogwe kiinok, aakumi Pilitin mendek ineenggime nen kinagap ndarigin o.”