Pelaareegerak 13:3 - Ala Wone Peenok Peebi Mbanak

³ it yogwe nogo kit kinaruk koneniyak mage o. At Aliku kinogoba Ala nen, Iniki inom, ineebe inom, abok aret inogoba Ala an mban iniki kunik ee'nakwi iyaamun ilik, lek a, yinuk, it aap agan wogwe nogo paga kinabut mbanikit nduk, eeppinagage me, it yogwe nogo kinaruk koneniyak mage o.

Pelaareegerak 13:3 ပူးပေါင်းရင်းမြစ်များ

1 Endagembogut 13:19

Yoge mbareegi, aap Ala wone liirogon eeka nogo imbirak iniyokan at ame nogo nogogwaarik, mbi inom, niyo inom, nunggugwaarak.

Ndawi 119:2

Aliku ALA aberak logorak wone yugu liippugwi, Iniki ambit eeppunuk, at mugurok nogwe, Eeko menggaarak kenok, inale'nggen aret mbakwi, Eeko logogun o.

Ndawi 66:10

Ala wae. Kat nen ninabut mbanogo pinanege, Mbuti perak abinak aruwak nduk, Kani worako mengga kwak eerogo pinanege,

Ndawi 81:7

Aaninggin kinoba age paga, “Ninagap ndaru o,” yinuk, Yo'nugwi kiinok, kinagap ndake, O ngguurubu eeke enggela'me kumaarak logonet, Wone onggo yokkirage, Niyo Meriba eneeri wungge me nen kinabut mbangge, Eereegirak o.

Wundeegwaarak 20:20

Yoreegwaarak kwe, Muta nen it yorage logonet, “At Ala nen, An inagabiti nombako logonet, maluk eerugun lek, mba'nuk, kinabut mbaniyak nduk kiya wagaarak me, kinagabiti mbarugup o.”

Yetaya 8:20

wone yugu liiru mbanak inom, abeko logorak wone yugu inom, pekkaanip o. It aakumi ti, Ala wone yugu ndak-ndak yaga'lek kenok, inikime o eya aago wonage lek apit aago wonage mbarumunggup o.

Matiyut 24:24

It ando nen we piliret, Keritut nogo an aret o, ndi, Ala nen yo'nege kagak yokkiraga mendek ti, an aret o, yinuk, agan wogo logomenggaarik, it aakumi ugun iniki nomoninakwi, ndi, it Ala apuri miirogo leeninabeegerak nogo, iniki nomoninaburak op kaamun ilik? yinuk, nomoninakwi, eeruwok nduk, inagabiti warak mendek inom, eerubok mendek inom, eeremenggaarak kwe, it agan woraagun ti, kiniki abet mbarubok o.

Nappiigak 17:11

It aakumi Tetalonika mendek ti, inogogumbuk kwe, it Mbereya mendek perak, iniki abu obeelom me, Ala wone yorogogwaarak nogo, iniki ale'nggen paga waganggo nogogwaarik, “At Pawulut nen wone yo'nirage yi, abet aret ilik?” yinuk, ko'lu-kii'me Ala wone liiru mbanak malenggo nogogwaarak.

1 Korindut 11:19

Kit wone-wone yogo logonetak lek en, taani nen wone liippunuk agan nugwi nogo, alom kin a'netak lek kwe, wone-wone yogo monggotak nogo paga alom kenom aga o.

2 Korindut 8:8

An wone yokkiragi yi nogo ti, noone omaawi paga yokkirage lek o. Ata, it ando an noone konembunuk, iniki aganggen kerek togon eekaarak nogo ndak-ndak, kit an noone konembunuk, “Ndak-ndak eerumonggotak paga kiniki kunik ee'nakwi kiyaamun ilik?” yinuk, yokkiragi o.

Epetut 4:14

Togop me, noreewi o. Yi kilaarak-mogonik eeke logonet, yi mendek ndi mendek piyanogo nippege, o wiya nen yi mendek ndi mendek wonok nage, eeke menggi kwak, elege-aabologwe ti, togop aret wonogwe me, kit kunduk togop logonet, it aakumi pilit wone yogo menggaarak nogo nen aakumi inambo'me laganuwok nduk, iniki koombunuk, inoone amburu paga nomoniren nawok nduk, agan nugwi wone ti mendek kit ugun konenggo logorak mage o. Ata, Keritut iniki mondok kole menggi kwak, nit togop aret niniki kole eeppinanit wundi wage kenok, nit elege-aabologwe togop ti ndak-ndak logogun lek o.

Pelaareegerak 6:5

Togop aret me, kiniki inom, kineebe inom, kinomaawi inom, abok aret at Aliku kinogoba Ala mban kiniki kunik eeko logonip o.

Pelaareegerak 8:16

peebi obeelom mban logobagip nduk, kinabut mbangge, kiniki tebeppatiyak nduk eeppinagage, eerit karume wundi wage logonet, kinombomini ineenggo'lek mendek mbi mana nabagip nduk, wokkiragagerak nogo o.

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.

1 Yaya 4:1

Noreewi niniki kunik yi wae. “Aberiniki nen yo'nirage kenok, yokkira wogo o,” yogwe iinok, inoone abet mba'nuk ugun woorak mage o. It pilit wone yoraga nogo nen yi awi ndi awi abok aret yoranet nugwi me, “At Ala nen abet aret nappiya wagaarak agan wogwe ilik, it iniki koombunuk nen agan wogwe a?” yinuk, inabut mbambunuk inoone konenggo logomunggup o.

1 Yaya 4:4

Napuri niniki kunik yi wae. Kit Ala apuri aret o. Ndi, kit Ala apuri aret me, at omaawi ambik Aberiniki wokkiragagerak kinikime wonage nogo ti, omaawi ambik, ndi, it aap nggween paga mendek mban mugurok nugwi inikime wonage nogo ti, omaawi mbuuluk me, it Ala nen yorage kagak yoraga inetenggen kumbunuk agan wogwe ti, muk tebenogo piyareegutak o.

Wayu 13:14

At nggeewo aa'nduk lagi wagaarak oone kiliregerak paga, eerubok mendek iya tit eerit nage logonet, “Nggeewo negen ambi mbuti tege paga wakaarak kwe, eenik agaarak nogo, ogut wakkagak ambi ogobakkigirogo punuk, at mban alut eeko logonip o,” yinuk, it aakumi nggween paga wonogwe nogo inambokan lagangge logonet, yorage kagarak.

Owak Loongga 2:22

Ata, It aakumi Iterali inombomini an Naliku ALA nen wone yoragagirak nogo, nggirik-nggerok porogo logonet, eerit nogo nogogwaarak nogo ndak-ndak, it yogondak togop aret eekwi iyaamun ilik? yinuk, inabut mbanikit nduk teppiyaagin,” yereegerak.

1 Tamuwen 26:19

Nowe kendagembogut an kayeloman noone yokkege yi, konengge logot o. At Aliku ALA nen aret an nooriyak nduk, wone kinikime pege kenok, at Aliku ALA ake warogo wogoge obari ogobak me nage kenok, iniki yanggok yuwak nduk, warogo wogoru o. Ndi, aakumi nen nooriyak nduk, wone kinikime mambugwi iinok perak, Ala obaane'me kugi eerit nogwe nogo, Kinom aret eerit nage logot o, yinuk, yogwe ti paga at Aliku ALA yate kwak nggween mbanak wo'nireegim nogome nen mugogo wumbanugwi me, Aliku ALA nen it aret pulunogo piyaagin o.