Pelaareegerak 12:8 - Ala Wone Peenok Peebi Mbanak

^8-9 At Aliku kinogoba Ala nen yate kokwak kinanggween wokkirage kenok, tat yonggonggologo logowam nogome awo unggwi naga'lek me, kinalitak lombok kiniki koombunuk eekwi kwe, unggwi nogo logomonggotik perak, yogondak eekwi yogobi kokwak eeko logobok o.

Pelaareegerak 12:8 ပူးပေါင်းရင်းမြစ်များ

Kini Wuppiige 21:2

Aakumi nen, “Nit eekwi abok aret op eerit nogo ogoorik o,” mbako menggaarak kwe, Aliku ALA perak, alom ngge eeruwok nduk, iniki koonggwi nogo liippiige menggerak.

Amot 5:25

It Iterali mendek ti, o karume wogoren wage logonet, tahun 40 eeke kagak, nake inaanggumi warogo wo'nugwi, Anggen yigirik nake pugwi, Ee'nip o, Yinuk, yorage nagagirak ya?

Linggineegwaarak 15:39

Ligi kibu-kibu inayum irip paga pugunik nogo ti, Naliku an ALA nen, Yogop ee'nu ndogop ee'nu, wone yugu nogo taganogo punuk, aap ambi akwe mbo punuk, ugun eerit nage menggi kwak, it Iterali mendek iniki nengge kenok, mugurok nogwe, inigen kogwe kenok, eerit nogwe, eeko logokwak aberak logowak nduk pugunik aret me, inigen pekkagak eeko logowak o.

Nappiigak 7:42

Eeko mbareegwa, at Ala iniki koonogo punuk, oonegen inom, tut inom, laaluguragan inom, mbogut paga menggerak mendek abok aret, alut eeko logowak nduk mbo piyareegerak. Ti eereegwaarak nogo ti, Ala nen yorage kagak yoraga nen yogo logonet, It Iterali mendek ti, o karume wogoren wage logonet, Tahun 40 eeke kagak, nake inaanggumi warogo wo'nugwi, Anggen yigirik nake pugwi, Ee'nip o, Yinuk, yorage nagagirak ya?

Pelaareegerak 12:7

At Aliku kinogoba Ala ale'nggen kinoba pinagage kagak, yi mendek ndi mendek kineenggi paga nen eerumonggotak nogo obeelom eerigin me, at Aliku kinogoba Ala enggaanom paga time nen kinakuwi-kinapurilogwe kinom kiniki ale'nggen paga nonggo logomunggup o.

Yotuwa 3:9

Yoge mbareegi, at Yotuwa nen it aakumi Iterali yorage logonet, “At Aliku kinogoba Ala oone ari nogo kit kinaruk konenubagip nduk, ya'i panggo yi woraanip o.”

Owak Loongga 17:6

Ne ti eyom paga aakumi Iterali inenggela'me aap endagembogut ambi inarum wonage lek me, maluk aret kagak, “Yi obeelom aret eeko ogoorik o,” yinuk, inalitik-inalitak iniki koombunuk nen ugun eerit nogo nogogwaarak.

Owak Loongga 21:25

Ne ti eyom paga Iterali inenggela'me aap endagembogut ambi inarum wonage lek me, maluk aret kagak, “Yi obeelom aret eeko ogoorik o,” yinuk, inalitik-inalitak iniki koombunuk nen ugun eerit nogo nogogwaarak. 97