Pelaareegerak 12:3 - Ala Wone Peenok Peebi Mbanak

³ it inagugi eeko menggam lek eerogo pugwi, inagugiwak yebibit yigirik-noonom eerogo pugwi, inagugi eyo arelen yinik nogo kani kunggwi, inagugi ogut ogobakkigirik nogo kalenak-pugunik eerogo piigwi, eeko logomonggotik, inagugi inendage mbanak o time wonage nogo abok aret kagaarogo piyaamunggup o.

Pelaareegerak 12:3 ပူးပေါင်းရင်းမြစ်များ

1 Endagembogut 14:15

At Aliku ALA anini mbaruwak nduk, inagugigwe Atiyera eyo arelen yinit nogogwaarak paga niyo nen mbereewak nuk-nuk eeke menggi kwak, at Aliku ALA nen it Iterali aaninggin inoba piige logonet, inombomini nggween obeelom wogoragagim yime nen nggiginogo niyo Eparat enebagan mak eerogo wumbiyaagin o.

1 Endagembogut 15:13

at owogolo Maaka nen ogole warak mendek kugigwe Atiyera ageyo arelen ogobakkigirogo mippereegerak paga owogolo aret kagak, “Kat kwe nggwok logorak lek o,” yinuk, eyo arelen yinik nogo mbanogo niyo Kiriron aa'nggi paga time kani kungge, eereegerak.

2 Endagembogut 11:18

it aakumi o time mendek abok aret kugi Mba'an awi wurik me nogo nogogwaarik, minogo pugwi, kugi Mba'an ake warogo wogogo menggam eerak nogo langgunogo pit nogwe, inagugiwak yigirik-noonom eerogo pugwi, ndi, aap kugi Mba'an unde Matan nogo Mba'an ake warogo wogogo menggam eerak enaame taa'nogo warogo pugwi, eereegwaarak. Ti eerogo punuk, aap Ala unde Yoyara nen aap endagembogut arum waka nogo Aliku ALA awi wurik arum logowak nduk, punogo piyareegerak.

2 Endagembogut 18:4

Eeke logonet, puut-puut paga inagugi inake warogo wogorogo menggam lek eerogo pege, yugum paga inogut eerogo mippugu nogo yigirik-noonom eerogo pege, kugigwe Atiyera ageyo arelen yinik mbanogo pege, ndi, Muta nen mbuti tembaga paga waalo ogut ogobakkigireegerak Iterali nen endage, Nekutan, toombunuk, ake obari abe kaga nogo mendek kani kunggwi nogo kalenogo pege, eereegerak.

2 Endagembogut 23:14

inagugiwak yebibit nogo yigirogo pege, kugigwe Atitoret ageyo arelen mippugu nogo mbanogo pege, eeppunuk, it inagugi eeko menggam time aakumi inowak nenenak ogombaga nggininogo pit nagagerak.

2 Mbinineegwaarak 14:2

At Ata nen Aliku ogoba Ala enegen kagak abe koonak mban eeke nagagerak.

2 Mbinineegwaarak 14:3

Eeke logonet, Ala ake lek kugi inake kani kunggo menggam inom, puut-puut paga warogo wogogo menggam eerak inom, minogo mbo pege, it inalut eekwi kugi inogut yugum paga eerak nogo yanggunogo pit nage, kugigwe Atitoret ageyo arelen yinik nogo nggarik-nggarek eerogo pege, eeke nagagerik,

2 Mbinineegwaarak 19:3

Togop aret kwe, kat nen o yime kugigwe Atiyera ageyo yinit nogogwaarak nogo mbanogo mbo pege, ndi, Ala mban mugurok nage logokit o, yinuk, kiniki mondok nggaruk togon koongge, eekendak me, kiniki obeelom wonage keegi o,” yinuk, yoreegerak.

2 Mbinineegwaarak 31:1

Ti abok aret eeppunuk, it Iterali mendek abok aret o Yerutalem wundi nogo nogogwaarik, it Yekura wonogo menggam o kota-kota Ala obaane'me inalut eekwi yugum paga inogut ogobakkigirik nogo yigirik-noonom eerogo pugwi, kugigwe Atitoret ageyo arelen yinik nogo kalenak-pugunik eerogo pugwi, eerit o Yekura wonogo menggam inom, Mbeniyamin wonogo menggam inom, Eparayim wonogo menggam inom, Manate wonogo menggam inom, abok aret puut-puut paga kugi eeko menggam eerak nogo minogo pugwi, inake warogo wogoragak ogobakkigirik nogo langgunogo pugwi, eerit nogogwaarak. Mondok lek eerogo pit nogo nogogwaarik, it Iterali mendek nogo it unde eeppatinuk wonogo menggam iname kota-kota lombok nogogwaarak.

2 Mbinineegwaarak 34:3

At wone lengganogo yorage kagak tahun 7 eeppunuk, ambi age paga awo tawe logonet, “Nombo Ndawut ogoba Ala mugurok naakit aret o,” yinuk, mugurok nage logonet, wone lengganogo yorage kagak tahun 11 eeppunuk, ambi eeke paga o maluk agaatak lek eeruwak nduk, eyoongga kalenogo nggoorogo wumbit nogo mengga kwak, o Yekura inom, Yerutalem inom, enete maluk agagerak me, oba nggoorogo wunnake logonet, puut-puut paga inagugi eeko menggam inom, obari abe kaga inake kani kunggo menggam irimbaga wonage nogo inom, minogo pege, kugigwe Atiyera arelen yinik nogo kalenak-pugunik eerogo pege, inagugiwak eyo paga ogobakkigirik inom, mbuti paga kugi ogut longgo warak inom, yigirik-noonom eerogo pege, eeke nagagerik, yigirik nogo wonok it aap inake warogo wogorogo nogogwaarak unde kambeegwaarak nggween taambiyareegwam nogome yumbunogo pit nage,

Ndawi 16:4

Kat keegak kugi mugurok nogwe paga iniki andi eerogo pako menggaarak me, Inagugi aanggo warogo amiya mburunogo nunggwi me, An ninom nengge, Nambe paga nen inagugi inendage kungge, Eekeelik o.

Wundeegwaarak 23:13

An nen yi wone ndi wone yorage minggirak nogo mbo puurak lek mondok liirogon aret woppunuk eeko logowak o. Ndi, aap alik inagugi nggino yogwi, inendage kunggwi, eeriyak mage o,” yinuk, yoraawak nduk, yoreegerak.

Wundeegwaarak 23:24

Kit nen an nalut eekwi obaane'me kinendobanggun yindumbunuk, inagugi ayuk wukwi, inagugi inendage tiyappiigo logobagip nduk, inawi wukwi, it kugi eeko logonet, eeko menggaarak nogo ndak-ndak eekwi, eeriyak ti mage o. Ata, inagugi ogut aago ogobakkigirik nogo kalenak-pugunik eerogo piigwi, inagugiwak telenak-mbelenak agago piigwi, eeko logomunggup o.

Wundeegwaarak 34:13

Inagugi aanggo warogo wogogo menggam nogo yigirogo pugwi, inagugigwe endage Atiyera ageyo yinik nogo kalenogo pugwi, inagugi eeko menggam magame eyo abok aret muurogo pugwi, eerumunggup o.

Yetaya 27:9

It Yakup paga wiganak maluk eeko nogogwaarak paga Ala anini mbake nogo nini tayo ari, Ndi, inomaluk abet aret mbo pugwi iinok, anggen abe yi'nage menggi kwak yelok kogwe, Eeriyak nogo ti, Inagugi alut eeko menggam yugum paga ogobakkigirik nogo kwi yigirogo pogo mengga kwak yigirogo pugwi, Inagugigwe Atiyera ageyo arelen yinik nogo mbanogo pugwi, Obari abe kaga kani kunggo menggam ogobakkigirik nogo yigirogo pugwi, Eeriyak nogo ti aret.

Yeremiya 17:2

Kugi ake warogo kani kunggo menggam inom, kugigwe Atiyera ageyo arelen yinik inom, o puut-puut teberogon wonage, Eyo eno'mbak wiganak alome wonage, Eeke nogo It inapuri kunduk ti mban aberit nugu menggaarak.

Oteya 2:17

At ambe paga kugi Mba'an inendage ari menggerak nogo an lek eerogo pigin me, At kugi Mba'an inendage kungge logogin lek o.

Mika 5:14

Yi aakumi ndi aakumi noone koneniyak ineebi mbakwi nogo onggo nanini eeppiige, Nanini kani negen wunuk ari logonet, eekwi onggo inoba kwippiige, Eeke logogin o,” yinuk, yegerak me, yokkiragi o.

Takariya 13:2

Ne ti paga an nen o time inagugi inendage kunggo logomenggaarak nogo, inendage ambi kungga'lek logowak nduk, lek eerogo pigin me, abeko logogun lek aret,” yegerak o. “It aap piliret, Ala nen yo'negerak, yaga inom, kugi ayuk wuko logorak mbaka inom, o ti paga wonogwe nogo, ineebe abok lek eerogo piyaagin me,

Linggineegwaarak 33:52

it aakumi o time wonogwe nogo, mugogo wumbiinet nogo logonet, inagugiwak yebibit inom, inagugi ogot mbuti paga eerak inom, yigirogo pugwi, puut-puut paga inagugi aanggo warogo pogo menggam abok aret minogo pugwi, eeko logomenggaarik,

Pelaareegerak 12:4

Kit nen at Aliku kinogoba Ala oba panggombunuk, alut eeko logonet, it inagugi eeko mengga kwak wakkagak eerugup o.

Pelaareegerak 7:25

Ndi, it inagugi alut eeko menggaarak ogut ogobakkigirik nogo abok aret kani kunumunggup o. At Aliku kinogoba Ala nen kugiwak abu eebi mbake menggerak me, inagugi ogut ogobakkigirik paga mbuti perak-emas paga nabenak wonage nogo, kiniki uugwe mba'nuk waganggwi kiinok, ta'na pugu kwak kinenggaanok nggerenggolookwak, ambi woorak abu mage o.

Pelaareegerak 7:5

Togop aret me, it aakumi ti eeppiyoorak nogo yi aret. Inagugi aanggo warogo wogogo menggam ogobakkigirik minogo piigwi, inagugiwak yebibit nogo yigirik-noonom eerogo piigwi, inagugi eyo arelen yinik menggerak nogo kalenak-pugunik eerogo piigwi, inagugi ogut eerak nogo tigitogon kani kunggwi, eerumunggup o.

Wayu 13:1

Ti eeke kage nagarik, nggeewo negen ambi niyo nggwok yenggenak laut inikime nen wundi wage kagarak. At nggeewo negen nogo ti, aruk alom me eyak 10, ndi, anobak 7, wonage kagarak. Ndi, eyak 10 nogo paga nggare-nggare mendaarak abok yirik, ndi, anobak 7 nogo paga Ala endage miyuk-meya eerogo pugu liiru mbanak abok wonage kagarak.

Owak Loongga 2:2

it aakumi o yime wonogwe nogo kinom lambunna'nuk, wone koonogo puurak lek o. Ata, kit nen inagugi aanggo warogo wogogo menggam ogobakkigirik yinik-minik eerogo pinip o, yokkiragagirak kwe, kit nen an yokkiragagirak nogo taganogo punuk eerit nogwe ti, nonggop nduk, eeko ogotik?