Pelaareegerak 10:8 - Ala Wone Peenok Peebi Mbanak

⁸ Wogo nogogurik, inanebunu Lewi mendek nen at Aliku ALA aloobut mbanak me wone yugu yonggolak wonok wogwe, enggaanom paga at ake eekwi, at endage paga inale'nggen aakumi inoba piigwi, eeko logowak nduk, at Aliku ALA nen ne ti eyom paga leenogo mippiyareegerak nogo o yogondak wonogwe yi aret o.

Pelaareegerak 10:8 ပူးပေါင်းရင်းမြစ်များ

1 Endagembogut 8:6

Ti eeppunuk, it aap Ala unde nogo nen Aliku ALA aloobut mbanak me wone yugu yonggolak nogo wonok, Ala awi wurik ko akem abu mage alik leenak logowam ake ogoorogo pereegim nogome, pi unggwogo nogogwaarik, malayikat negen kerub inogut aago ina'naabit wiganak abu'me time pereegwaarak.

1 Mbinineegwaarak 15:2

Wurogo punuk, at Ndawut nen ari logonet, “Ala aloobut mbanak ti, at Aliku ALA nen it Lewi mendek nen mban piyanggo logowak nduk leenogo piige, ndi, it nen mban mondok-mondok ake eeko logowak nduk, leenogo piige, eereegerak me, aap alik ambi nen Ala aloobut mbanak nogo piyaninuk nagak yuurak mage o. Ata, it Lewi mendek nen mban piyaninuk nagak eeko logowak o,” yinuk, yoragagerak.

1 Mbinineegwaarak 15:26

Nanuk, it aap Lewi mendek ti nen Aliku ALA aloobut mbanak me wone yugu yonggolak nogo, wonok wogwe iigak, at Ala nen yeenggwaaragagerak me, lembu ngguunok ineebe 7 inom, ndomba ngguunok ineebe 7 inom, Ala ake warogo wogoreegwaarak.

1 Mbinineegwaarak 23:13

At Amaram nen apuri aap ndaganabeegerak nogo ti, Karun Muta imbirak aret. At Karun apuri wiganak inom nen Ala awi wurik me yi mendek ndi mendek eekak alik leenak arum liirogon wonogwe, Aliku ALA enggaanom paga ake warogo wogogwi, Ala enggaanom paga aakumi inake eekwi, mondok-mondok Ala endage paga aakumi inale'nggen inoba piigwi, eeko logowak nduk, leenogo piyareegerak.

1 Mbinineegwaarak 23:26

it Lewi mendek nen at inom lambungge menggim awooliya wurik inom, inikime eeko logonet, eekak yi mendek ndi mendek inom, ambinom piyaninuk nogo logogun lek o,” yinuk, yereegerak me, ineyabu alik unde eeppiyaawak nduk, ineebe ineenggi lingginogo piyareegwaarak.

2 Mbinineegwaarak 29:11

napuri yi, wae. Kit nen at enggaanom lombok ari wa'nuk ake eekwi, aakumi nen Ala alut eeruwak nduk, eekwi iigak inarum wonogwe, obari abe kaga nogo ake kani kunggwi, eeko logomunggup nduk, at Aliku ALA nen leenogo pinagareegerak me, eeko logorak ti, Nineebi o, yinuk, mbo puurak mage o,” yinuk, yoragagerak.

2 Mbinineegwaarak 30:27

Lako nogogwaarik, it Ala unde inom, Lewi mendek inom, inale'nggen aakumi inoba piigo logonet, inake tamban eereegwaarak nogo at Ala leenogo pateegim o mbogut paga wonage logonet, aruk koneneegerak.

Ndawi 134:1

Kit Aliku ALA ayeloman mini yi wae. Kit abok Aliku ALA tiyappugwi, Oonikiya paga Aliku ALA awi wurik me ake eekwi yi, At alut eekwi, Eeko logonip o.

Ndawi 134:2

At awi wurik alik leenak menggim nen kineenggi nippugwi, Nippunuk, Aliku ALA tiyappugwi, Eeko logonip o.

Ndawi 135:2

At Aliku ALA awi wurik me inom, Ninogoba Ala awi wurik oore'nggam inom, Ake eeko monggotak yi, Aliku ALA wogoppugwi, Eeko logonip o.

Yeremiya 15:19

Yoge mbaki, at Aliku ALA nen yo'negerak nogo yi aret. “Kat komaluk mbo punuk, kiyokan yungguninuk neya wage keenok, Aa'nduk eeke nagandak kwak eerogo pagage neenok, nake eerit nage logonok nduk eeppagage, Ndi, koone abe lek ugun-ugun agan nage nogo mbo punuk, wone abe mendek mban agan nage keenok, An ari neegak yoraga mendek eerogo pagage, Eerigin o. Kat nen it iya nagak eerugun o. Ata, it nen mban kat keya wagak eeko logowak o.

Yetikiyen 44:11

An nawi wurik alik leenak nogome eeko logonet, nawi wurik me inom, tu unggwit nogo logowam inom, arum wonogwe, ndi, nake warogo kani kuniyak wonok wogwe, nake warogo an wo'niriyak nogo, niri wogwe, eekwi iinok, inake warogo pugwi, ambi inake eeriyak age kenok, inenggaanom paga inake eekwi, eeko logorak op kwe,

Yetikiyen 44:15

“It Iterali mendek nen an mbo paninuk nomo agan tu alik paga nogwe iigak, an nawi wurik alik leenak me yabu li'lak eeko nogogwaarak it aap neebe unde Lewi mendek inanebunu Tarok paga wiganak nogo nen mban an nowagam wa'nuk, nenggaanom paga nake eekwi, nenggaanom paga nake warak amok inom, amiya inom, pugwi, eeko logowak o, yinuk, Naliku Nitok Minggirak an ALA nen aret yagi o.

Ala Unde 8:9

Nabenogo punuk, yum Karun anobak paga perenogo pege nagagerik, Ala ake leenak ayuk warak kogo logowak nduk, mbuti emas paga meeli negen ogobakkigirik nogo anobak paga kwippereegerak. Ti eereegerak nogo ti, Aliku ALA nen Muta yoreegerak nogo ndak-ndak aret eereegerak.

Ala Unde 9:22

Wogoge nagagerik, aakumi inomaluk mbo puwak nduk, Ala ake warogo wogogwi, Ala ake warogo kani kunggwi, Ala inom lambunik logowak nduk, ake warogo wogogwi, eekwi nogo abok aret eeke nagagerik, eenggi imbirak aakumi Iterali inanobak paga tebenogo piinok, ale'nggen inoba piige nagagerik, puk agagerak.

Linggineegwaarak 3:31

It ndegenggo logorak unde eeppiyareegwaarak nogo ti, Ala aloobut mbanak inom, oroti pegak eyo ndoonak inom, ndi wuninogo pegak inom, Ala ake warogo wogogak inom, mage menggim aakumi inake eeko logonet, eekak yi mendek ndi mendek inom, yum oolo tugungga inom, mage menggim logonet, eekak yi mendek ndi mendek apit aret it unde wonogogwaarak.

Linggineegwaarak 3:6

“It aap inanebunu Lewi mendek nen an neebe unde Karun yeenggwaago logowak nduk, owagam woraawak nen yoret o.

Linggineegwaarak 4:15

Aap Karun apuri inom nen mage menggim yi mendek ndi mendek wonage nogo li'luk eerogo pugwi, mage menggim yi eekak ndi eekak eeko menggaarak alik leenak nogo, abok aret nggerenogo pugwi, eeppunuk, it Iterali inawooliya minogo punuk, ambime noorak eekwi iinok, it Kekat mendek nen yi mendek ndi mendek wonok nawak nduk, wa ungguwak o. Wa unggwogo logonet perak, kambukwak me, yi mendek ndi mendek eekak ake leenak nogo ti, mbaanggagwaarik o. Yi mendek ndi mendek eekak ninom lambungge minggim wonage nogo, it aap Kekat mendek nen mban wonok nogo logowak o.

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Nappiigak 13:2

It nogo inambe mage negen logonet, ninogoba Ala alut eekwi iigak, at Aberiniki nen yorage logonet, “Mbaranabat Tawulut imbirak an neyabu eeko logorak koonogo piyareegirak nogo, eeko logowak nduk leenogo mippiyaanip o,” yinuk, yoragagerak.

Oroma 1:1

At Ala nen an Pawulut Keritut Yetut ayeloman nogo, nappiigak mendek logokit nduk, yonggo panege, at oone obeelom wone yoranet nege logokit nduk, leenogo panege, eereegerak me, an wone ambi yokkira o.

Oroma 12:7

yeenggwaarogo logorak unde eeppinagareegerak kenok, yeenggwaarogwe, mamunirogo logorak unde eeppinagareegerak kenok, mamunirogwe,

Nggalatiya 1:15

Togop tit eerit nage neegak kwe, nagalo inikime awo nda'naga'lek neegak, at nabuwa mba'nuk, mii'nake nagagerik, yonggo paneegerak Ala nogo nen

Pelaareegerak 17:12

Aap ambi at Aliku kinogoba Ala unde logonet, at ake eeke nogo nen yemenggerak ilik, aap wone inowak loongga nogo nen wone yemenggerak a, Meek, mba'nuk, iniki mi'nage logomenggerik, wone yugu nogo taganogo pege kenok, aap ti kambuwak nduk warogo pogo logomunggup o. Aap maluk togoti eekwi kiinok, Iterali inenggela'me nen nggiginogo enggaawak lek eerogo piigo logomunggup o.

Pelaareegerak 21:3

Wakkogo logomenggaarik, it aap inoweewi o kota-kota aap warak me koorok wonogwe nogo nen tapi kooli ndugum ti paga yabu eekwi, eyo aaninggin mendek enggaanok paga kwippunuk, wonok nugwi, eeka'lek wonage kero,

Pelaareegerak 21:5

Ndi, it aap Ala unde inanebunu Lewi mendek nogo ti, at Aliku kinogoba Ala eebe unde logonet ake eekwi, at Aliku ALA endage paga inale'nggen inoba piigwi, wone ambi age kenok koonggwi, aap wat-wat yemenggaarak kenok inawone mbanggwi, eeko logowak nduk, mippiyareegerak me, tapi warak wonage me taa'nogo iigak,

Pelaareegerak 31:9

Yoge nagagerik, at Aliku ALA nen eeko logorak wone yereegerak nogo abok aret at Muta nen liiru mbanogo pit nage nagagerik, Aliku ALA inom wone koonogo pugu aloobut mbanak me yonggolak it aap Ala unde anebunu Lewi mendek eewu'nuk nogo menggaarak nogo inom, it aap Iterali mendek inoweewi yo'nggok abok aret nogo inom, wogoragagerak.