Pelaareegerak 1:30 - Ala Wone Peenok Peebi Mbanak

³⁰ Kit o Metit paga kinigen lombok kiigak, at Ala nen kit kinake eeke kogogutak nogo kwak, at Aliku kinogoba Ala aa'nduk a'nuk, kinake wim eerigin o.

Pelaareegerak 1:30 ပူးပေါင်းရင်းမြစ်များ

2 Mbinineegwaarak 32:8

At iyo'me agaarak ti, we aakumi aret o. Ndi, nit niniyo'me agaarak perak, Aliku ninogoba Ala aret me, at nen aret yeenggwa nirage, at nen aret nit nineegin tiyak yuwak nduk, eeppinanege, eerigin o,” yinuk, at Yekura inowe endagembogut Kitikiya nen yorage kagak, aakumi nogo nen, “Ti kenok, nit eeriyak op aret kogo o,” yinuk, iniki kwi'nagagerak.

Nekemiya 4:14

Piinet nagagirak nogo inagabiti mbakwi liippiige nagagirik, mi'na'nuk, it inoweewi inengga warak inom, o unde inom eeko menggaarak inom, it aakumi ando inom, yorage logonet, “It ineebe paga kinagabiti mbakwi mage o. At mondok nggwok kenok ayuk wuko logonet pi wakwi kinogoba Ala eeke menggerak nogo, abeko logonet, kinoreewi inom, kinapuri wologwe-komologwe inom, kinakuwi inom, kinawi inom, ili eerak logowak nduk, kinawim kinom wim eeko logonip o,” yinuk, yoragagirak.

Nekemiya 4:20

oone nggwok eeka trompet nogo oone pu eeke konenggwi kenok, mbet-mbet ninowagam yime kuwak ari woraamunggup o. Kuwak ari wa'nuk, wonogwe niigak, Ala nen ninake wim eeke logogin o,” yinuk, yoragagirak.

Ndawi 46:11

At Omaawi Lombok Menggerak Aliku ALA ninom wonage, At Yakup ogoba Ala pak wurik kwak nobappinanogo wonage, Eeke agaarik o.

Wundeegwaarak 10:21

Ti'nuk, at Aliku ALA nen Muta yoge logonet, “O Metit time o apit lombok aremenggerak paga aakumi Metit mendek inigen yu'nduk agan nogo logowak nduk, keenggi mbogut paga titik eerogo nippu o.”

Wundeegwaarak 14:14

At Aliku ALA nen kinake wim eerigin me, kit we kinoone lek puk mban aret logonip o,” yoragagerak.

Wundeegwaarak 14:25

inanggweendo nogo iyok nomonogo piige mbareegi, purok me yobo-yobo wambeegwaarak me, noorak meek age, eeke mbareegi, it Metit mendek nen, “At Aliku ALA nen Iterali inom a'nuk, ninooke me, mbo piinok, mbaganuwi o,” yereegwaarak.

Wundeegwaarak 19:4

An nen it aakumi Metit mendek eerogo piyareegirak nogo inom, ndi, towe wu aagaluk a'naabit paga kwippunuk, wonok nage menggi kwak an nen nonggop negen agago inaani wogoren yime piya wagarak nogo inom, ti muk neegaarak o.

Oroma 8:31

Togop me, wone yokkiragarak ti paga nonggop yuwok mbakop? Ala ninom kunik wonogwe me, ta nen ogoorogo pinanigin mbakop?

Oroma 8:37

Ti abok aret eeppinanit wogwe iigak, Keritut ninom kunik lombok wonogwe ti paga, inawim tebenogo piinok, ineegin tiyak ari ti, iya negen kwe, nit perak, waka'ngget mondok tiyanak aret wonogo ogoorik o.

Pelaareegerak 1:29

Yo'nirogo mbareegwa, an nen kit yokkirage logonet, It ineebe paga kiniki lek ogwe, kinagabiti mbakwi, eeriyak ti mage o.

Pelaareegerak 29:2

At Muta nen aakumi Iterali abok aret kuwak ari woraawak nduk, wiiragagerak wogo mbareegwa, it yorage logonet, “At Aliku ALA nen o Metit paga aap Pirawun inom, at inom yabu eeko menggaarak inom, aakumi o time menggaarak abok inom, eeppiige nogo kinigen iigwi,

Pelaareegerak 3:22

Ndi, kat kake Aliku kogoba Ala nen kawim nogo inom wim eerigin me, it ineebe paga kagabiti mbarugun o, yinuk, yoreegirak.

Pelaareegerak 31:3

at Aliku kinogoba Ala nen aret aa'nduk a'nuk wokkiren wunda nage logomenggerik, it aakumi inanebunu lombok o time wonogwe nogo lek eerogo piinet nage kenok, it inanggween nogo kit unde eeppatinuk logomunggup me, at Aliku ALA nen yereegerak nogo ndak-ndak at Yotuwa nen aret aa'nduk a'nuk wokkiren wunda nagin o.

Pelaareegerak 7:18

it ineebe paga kit kinagabiti mbarugup o. At Aliku kinogoba Ala nen aap o Metit mendek inowe endagembogut Pirawun nogo inom, it aakumi o Metit mendek inom, eeppiyareegerak nogo abeko logonip o.

Yotuwa 10:14

At Aliku ALA nen aap ambi oone ari aruk konembunuk, Iterali inom a'nuk, wim eeruwok nduk, eereegerak ti kokwak, eeka'lek kagak inom, eereegerak kagak inom, togop ambi eeka'lek aret wonage o.

Yotuwa 10:42

At Aliku Iterali inogoba Ala nogo nen inom a'nuk wim eereegwaarak me, at Yotuwa awuri inom ne ambit wundeegwaarak paga aret aap inendagembogut yi abok aret inoorogo piinet nogo nogogwaarik, inanggween tebenggologogwaarak.

Yotuwa 23:3

At Aliku kinogoba Ala alik nen kit kinake wim eeke logonet, yi aakumi ndi aakumi o yime wonogwe eeginake nogo kinigen kogo nogotak o.