Pelaareegerak 1:2 - Ala Wone Peenok Peebi Mbanak

² Puut Korep nen o Kareti-Mbareneya noorak kenok, tu puut Teyit paga unggwagak nogo logonet, nogo 11 yit nogo menggaarak o.

Pelaareegerak 1:2 ပူးပေါင်းရင်းမြစ်များ

Wakkagagerak 32:3

Toonogo pege nagagerik, yonggo oweeluk Etawu o Teyit nggween taganak ambi Erom nogome wonage me yori wogo logowak nduk, wone lengganogo yorage logonet,

Wundeegwaarak 3:1

At Muta nogo nen at aru Ala unde o Miriyan mendek Yitoro nogo, aanggumi kambin-ndomba ndegeninake wonagagerak me, ne ambi paga kambin-ndomba nogo wogoren karume enebaga Ala abuut endage Korep nogome aret wagagerak.

Ala Unde 2:14

Naliku ALA nake yi mendek ndi mendek anggen iyaalok mbanak pi wogo logonet kenok ti, kani paga worarogo yigirogo punuk,

Ala Unde 9:23

Puk age mbareegi, Ala inom lambungge menggim awooliya wurik me nogome Muta Karun imbirak unggwi nogo nogogwaarik, wundi woraanuk, aakumi Iterali nogo inale'nggen inoba piigo mbareegwa, at Aliku ALA nen abu tiyanak lombok eya kwindagala eerak wage

Linggineegwaarak 13:26

It aap o Kanan yombooni nogogwaarak nogo at Muta inom, Karun inom, it aakumi Iterali mendek abok aret inom, o Kareti Paran karume nogome wonogwe me, iya wogo nogogwaarik, it o inigen kogogwaarak nogo mbininogo yorogo logonet, anggen mbaneegwaarak nogo titik irogogwaarak.

Linggineegwaarak 32:8

Kit yogwe ti ndak-ndak kit kinombomini maan o Kareti-Mbareneya time logonet, O time, kinigen yombooni nanip o, yinuk, yorage mbareegi,

Pelaareegerak 1:19

Yorage nagagerik, ti'nuk, ambi yorage logonet, “At Aliku ninogoba Ala nen wone yo'niragagerak nogo ndak-ndak nit o puut Korep nen tu o karu nggwok nonggologo pereegim mondok iya tit kagak o puut nggelok-nggobok aap Amori menggam pa'nggwe nen nok, o Kareti-Mbareneya aret ari wogogurak kineenu nogo o.

Pelaareegerak 1:44

it aakumi Amori mendek o puut nggelok-nggobok time wonogwe nogo nen nggiin negen kombogorak ninggikkiren wundi nogo logonet, tebembinagit o Teyit nen mukkiren o Koroma kuli aret pinagi nogogwaarak nogo o.

Pelaareegerak 2:1

Yorage nagagerik, ambi yorage logonet, “Ti'nuk, at Aliku ALA nen an yo'nereegerak ndak-ndak nomoninuk niyo Laut Merah nogo menggam paga o karume nogo nogogurik, o Teyit puut nggelok-nggobok time wanggerit nugwi niigak, o ambik me aret ari nagagerak.

Pelaareegerak 2:4

kat nen it aakumi ti yorage logonet, Awo mbuuluk logonuk negen kinoreewi Etawu ombowologwe o Teyit wonogwe me time keyoppiigak namunggup me, kit kineebe paga it inagabiti mbarukwak, kiniki kwippunuk namunggup o.

Pelaareegerak 2:8

Ti'nuk, nit nen ninoreewi Etawu ombowologwe o Teyit wonogwe nogo ninambokan piigak, tu o Araba kobak nonggologo pereegim o Elat inom, Etiyon-Nggebet inom, nogo menggam tu ti paga nen melanggogogurak nok, o Mowap karume time aret ari wogogurak o.

Pelaareegerak 9:23

Ti eeppunuk, at Aliku ALA nen kit yokkirage logonet, O Kareti-Mbareneya yime teppunuk, o kit unde eeppatinuk logomunggup nduk, an wokkiragagim time nanip o, yinuk, yokkiragagerak kwe, kiniki at oba panggombunuk abet mbakwi, oone yokkirage nogo kinaruk liirogon konenggwi, eeka'lek at Aliku kinogoba Ala oone yokkirage nogo taganogo pereegutak nogo o.

Yotuwa 14:6

Ne ti eyom paga at Yotuwa nogo o Nggilagan wonage me, anebunu Yekura mendek owagam wogo nogogwaarik, aap Kenat mendek Yepune aput Kalep nen at Yotuwa yoge logonet, “O Kareti-Mbareneya logonet, an inom, kat inom, nimbirak eeriyak at Aliku ALA nen at ayeloman Muta yoreegerak nogo kat keenu aret o.