Pelaareegerak 1:16 - Ala Wone Peenok Peebi Mbanak

^16-17 Ti mippiige nagagirik, ne ti eyom paga aret kinoweewi kinowak loongga nogo yorage logonet, Kit nen kinowe-kinawot Iterali mendek it mban-mban maluk eekwi kenok a, it aap nggiru kinenggela'me wonogwe nogo kit Iterali kinom maluk eekwi kenok a, inawone amburu mbanggo logonet, Yi endage warak, yi endage lek, yinuk, inete yomboombunuk, inawone amburu mbanggo logorak ti mage o. Ata, aakumi inawone amburu mbanggwi ti, Ala unde aret me, it aap ineebe paga kinagabiti mbaka'lek, it inoone yogwe mban kinaruk konembunuk, eeremenggaarak ndak-ndak inawone amburu li'lak aret mbanggo logomunggup o. Ndi, wone aaninggin negen eekkinake kenok ti, an nen inoone konembunuk, inawone amburu mbanikit nduk, wogoren nowagam piya wogo logomunggup o, yinuk, yoragagirak.

Pelaareegerak 1:16 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

Ndawi 58:1

Kit o unde monggotak nagawan-nagawan yi wae. Kit wone a'me liirogon mbanggwi mbakop? Aakumi eekaatak ndak-ndak inowak loonggwi mbakop?

Wundeegwaarak 22:21

Yoge nagagerik, ambinom yoraawak nduk, yoge logonet, “It aa'nduk o Metit aap nggiru negen wonogwe iigak, eeppiigo nogogwaarak nogo ineenu me, aap nggiru ambi inenggela'me wonage kenok, inoone maluk yogwi, tebenogo pugwi, eeriyak mage o.

Kini Wuppiige 31:9

Eeppiige logonet, eekaatak a'me nggelok mban inowak looninake, Aap ineenggi lek inom, aap tebenak wonogwe inom, tebenogo piyookwak, inaana'le mbanogo piige, Eeke logot o.

Ala Unde 19:15

Aakumi inowak loonggo logonet, maluk-maluk inowak loonggwi, aap ineenggi lek iinok, inawone abe koonogo piiga'lek yiri-wuri eerogo piinok, aap ineenggi warak iinok, inawone abe koonogo piigwi, eeriyak mage o. Ata, Aap yi ninom ndak-ndak aret o, yinuk, eeremenggaarak ndak-ndak aret inowak loonggo logowak o.

Ala Unde 24:22

Aakumi Iterali inaworak inom, aakumi nggiru inom, ndak-ndak aret maluk onggo eeppiigo logowak o, yinuk, Naliku inogoba Ala an nen aret yagi o,” yinuk, yoreegerak.

Yaya 7:24

Alom liippega'lek kagak, etenggen paga mban liippunuk, maluk inoba piyoorak mage o. Ata, alom liippunuk, eekaarak onggo ndak-ndak aret inoba piyoorak op o,” yinuk, yoragagerak.

Pelaareegerak 1:15

an nen kinoweewi kinawone amburu mbanggo logorak kinanebunu lombok, iniki warak at oone konengga kero, wogonake nagagirik, ineebe seribu wonage kenok unde logowak nduk ambi mippege, ineebe 100 wonage kenok unde logowak nduk ambi mippege, ineebe 50 wonage kenok unde logowak nduk ambi mippege, ineebe 10 wonage kenok unde logowak nduk ambi mippege, eerogo piinet nage nagagirik, kinanebunu lombok kinawone amburu mbanggo logowak nduk, inom mippiyareegirak nogo o.

Pelaareegerak 24:14

It aakumi kit kinowe-kinawot kit mendek nen a, it aakumi nggiru kit kiname kota ambi kinom wonogwe nen a, ineenggi lek me, Nonggop eeruwi? yogwe iigak, yabu eeremenggaarak onggo wogorage logonet, wi-wi aganako logorak mage o.

Pelaareegerak 25:1

Yorage nagagerik, ambi yorage logonet, “Aap ambi imbirak wone wariyak age kenok, aap inowak loonggo menggam time namenggaarak me, it aap inowak loongga nogo nen wone aremenggerak nogo mbeenogo inowak loonggo logonet, at ambi oba abe eerogo pugwi, at ambi oba maluk eerogo pugwi, eeppunuk,

Pelaareegerak 27:11

Yorogo nogogwaarik, ne ti eyom paga Muta nen wone ambinom lengganogo aakumi Iterali yorage logonet,

Pelaareegerak 31:14

Yorage mbareegi, at Aliku ALA nen Muta wone ambinom yoge logonet, “Kat kambuurak eyom abu aret panggo yegerak me, at Yotuwa eeke logorak yogop-ndogop yorikit nduk, Mok o, yoge logomenggendik, wonok an ninom lambungge minggim nawooliya wurik me time nak o.” Yoge mbareegi, at Muta Yotuwa imbirak Ala inom lambungge menggim awooliya wurik me time nogogwaarak.

1 Tetalonika 2:11

Ala mondok tiyanak logonet, “Kit tiyappinagakit nduk, nabu'me woraanip o,” yinuk, ayonggo pinagareegerak nogo, iniki mbake ndak-ndak eerit nogo logobagip nduk, aap ambi apuri kenok yorage nogo kokwak, nit togop aret niniki aganggen kerek togon kit kinalitak lombok kinaruk wakwi, kiniki eyak wappinagagwi, kini wuppinagagwi, eeko nogogurak nogo kineenu aret o.

1 Timotiyut 5:21

An nogo, Ala inom, Keritut Yetut inom, it Ala ake leenak malayikat nogo inom, abok inenggaanom paga an wone yi, lengganogo yokkigi o. An wone lengganogo yokkege yi, abok aret eeke logonet, kat kinom kunik kenok eeko logorak yoraga'lek mbo piige, ndi, aakumi ugun kenok eeko logorak yorage, eeke logogun o. Ata, aakumi abok aret ineenu a'nuk, eeko logowak nduk, yorage logot o.

1 Timotiyut 6:17

It aakumi o yogondak ineenggi warak wonogwe nogo ti paga iniki wogoppako logonet, yi mendek ndi mendek lek ariyak kagak, iniki ti paga lunik logokwak, yorage logot o. Nit ale'nggen mbaruwok nduk, at yi mendek ndi mendek ngginu-ngginu eerogo wo'nirage menggerak Ala paga mban iniki mondok lunik logowak nduk, yorage logot o.