Pelaareegerak 1:12 - Ala Wone Peenok Peebi Mbanak

¹² Togop eeko logorak op kwe, kit nen aaninggin kinoba age, yi wone ndi wone kinoba age, wone wat-wat yogwe, eekwi kiinok, an nalik nen aaninggin nonggop togon piyangge logorak?

Pelaareegerak 1:12 ပူးပေါင်းရင်းမြစ်များ

Ndawi 89:19

Ne ambi paga kat Ala nen It aap inabinggaanggo paga yorage, It kat koone liirogon yoraga nogo yorage, Eeke logonet, Yoragagindak nogo yi o. “Aap wim eeka wakaa'ngget ambi omaawi eeppege, Aakumi inenggela'me nen aap tawe ambi endage tiyanak logowak nduk miirogo pege,

Wundeegwaarak 18:18

Kat eeke ti, aaninggin ambik me, kalik nen mban aakumi inawone amburu mbangge logonet, it aakumi kinom ta'liila eekkinake kagak eekwi ti, kalik eeke logorak meek aret me,

2 Korindut 2:16

It aakumi lek eerogo piyaagin nogo nen obari nogo kogo nagaatik, “Yi ninooke menggerak mendek aret me, abet mbaruwok o,” yinuk, yuurak op aret kwe kagak, mbo punuk kambit nogo menggaarak. Ndi, it inagap ndarak nogo nen perak, obari kogo nagaatik, “Nineenik ee'ninaburak mendek yi aret kogo,” yinuk, waganggo menggaarak me, ineenik aret logogun o. Ala nen nit aakumi inenggela'me togop logorak kooneegerak kwe, nit nen eeriyak meek tit ee'ninake o, obak!

Pelaareegerak 1:11

At Aliku kinombomini inogoba Ala nen wone abuk nggaruk togon yokkiragagerak nogo ndak-ndak, yogondak kineebe ambinom nda'narit namunggup-namunggup aap ineenggi lingginiyak meek aret eerogo pinagage, at ale'nggen kinoba pinagage, eeke logowak o.

Pelaareegerak 1:13

Meek me, kit nen aap kinanebunu lombok yi wone ndi wone abok ineenu iniki warak at oone konengga kero, leenogo wo'nugwi kiinok, kinarum logonet, kinawone mbanggo logowak nduk, mippiyaakit o.

Pelaareegerak 1:9

Yorage nagagerik, ambinom yorage logonet, “Ne ti eyom paga an nen kit yokkirage logonet, At Aliku kinogoba Ala nen laaluguragan mbogut paga menggerak nogo kokwak, yogondak kit kineebe ambik eerogo pinagareegerak wonage me, kit kinawone amburu mbangge logorak ti, aaninggin ambik me, nalik nen eeke logorak meek o, yinuk, yokkiragagirak nogo.