Oteya 9:8 - Ala Wone Peenok Peebi Mbanak

⁸ Kit Eparayim kinarum logorak Ala nen mippiyareegerak nogo ti, it aap at yorage kagak yokkiraga nogo aret kwe, It yi tu ndi tu nogwe me abok aret yilunogo piyaawak nduk, keele pit nogwe, It inogoba Ala awi wurik me time yokkirogwe iigak, kineebi lombok inombakwi, Eeko ogotik o.

Oteya 9:8 ပူးပေါင်းရင်းမြစ်များ

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

1 Endagembogut 18:1

Ti'nuk peebi logonuk negen, tahun mbere eeppunuk, ambi eerak paga Aliku ALA nen Eliya yoge, “An o yime mayu wuppi woraagin me, aap Akap keyaawak nduk, pekka nak o,” yoreegerak.

1 Endagembogut 18:19

it aakumi Iterali abok aret puut Karemen ti paga nowagam kuwak eeri nawak nduk yorage, ndi, kwe Iteben inom mbi nonggo menggaarak kugi Mba'an awone unde ineebe empat ratus lima puluh inom, kugigwe Atiyera awone unde ineebe empat ratus inom, it kunduk wogoren nage, eeruo,” yoreegerak.

1 Endagembogut 22:11

aap Kenaana aput Terekiya nogo nen tapi eyak kwak mbuti paga ogobakkigike nagagerik, Akap yoge, “At Aliku ALA nen ari logonet, Tapi eyak kwak ogobakkigirik yi paga it aakumi Aram mendek ndanuk eerogo inoorit nage kagak, ineebe pup eerogo piyaagin, yegerak o.”

1 Endagembogut 22:22

Yoge mbaki, at Aliku ALA nen at kugi nogo yoge, Nano paga nduk-nduk irit namunggun o? Yoge mbaki, at kugi nogo nen, At eeriyak wone aap endagembogut yoga nogo nen pilit wone yogo logowak nduk, an wambi nage logominggirik, inikime lik yit nagin o. Yoge mbaki, Aliku ALA nen, Togop eeke keenok, nduk-nduk irit namunggun aret me, eeri nak, yoge kagarak o.

1 Endagembogut 22:28

Yorage mbareegi, at Mika nogo nen, “Kat wim eeri nage logomenggendik, kiyokan obeelom aret wage keenok, an yokkigirak yi, At Aliku ALA nen yorulik kagak yo'negerak, mbarumunggun o.” Yoge nagagerik, “Kit aakumi apit yi wae. An yagarak ti, liippinip o,” yinuk, yoragagerak.

1 Endagembogut 22:6

Yoge mbareegi, aap Iterali inowe endagembogut nen it aap peebi eeriyak wone yoraga ineebe empat ratus negen kuwak eeppiige nagagerik, yorage logonet, “An o Aramot-Nggileyat time wim eeri noorak op aret ilik, puk ari a?” Yorage mbareegi, it nogo nen, “At kogoba nen kendagembogut keenggime pigin me, wim eeri noorak op aret o,” yinuk, yoreegwaarak.

2 Endagembogut 13:21

Ne ambi paga aap Iterali mendek nen aap kambeegerak ambi taambuwok nduk eekwi me, aap a'nggan wogonaka wogwe inigen iigo nogogwaarik, aap kambak nogo Elita mambereegwam nogome mbo mambogo mbareegwa, aap ti, at Elita owak nogo mbaanggage nagagerik, eenik a'nuk mi'nagagerak.

2 Endagembogut 2:14

Eliya ayum nggorok togon wambeegerak nogo paga niyo warikit nduk, oone nggwok paga ari logonet, “At Aliku Eliya ogoba Ala nogo ngga agandik?” Ari nagagerik, yum nogo paga niyo wareegerak mogonogo agi-ogu eeke mbareegi, Elita nogo wunda wagagerak.

2 Endagembogut 2:21

Iri wogo mbareegwa, at Elita nen niyoowak nogo wonok niyo eneerime nage nagagerik, mayu nogo kilirogo wuppege logonet, “At Aliku ALA nen yegerak yi o. Niyo yi, abu obeelom eerogo pigirak me, nunggwi iinok kanggwi, yi mendek ndi mendek yarak mbu'lo kunit nage, eerigin mondok lek, yegerak o.”

2 Endagembogut 4:41

Eeginake mbareegi, at Elita nen it yorage logonet, “Tepung ambi wo'niri wa'nip o.” Yoragagerak iri wogo mbareegwa, Elita nen togolowa'na mbo mambege nagagerik, aap lake nogo yoge logonet, “It aap yi, nawak nduk, ndoonogo wogoret o.” Yoge mbareegi, ndoonogo wogoragagerak nonggo nogogwaarik, inooriyak mendek ambi inom larak lek aret kogogwaarak.

2 Endagembogut 4:43

Yoreegerak kwe, at ayeloman nogo nen, “Aap ineebe 100 yogop wonogwe iigak, nonggoti wogoroorak yagan o?” Yoge mbareegi, at Elita nen, “At Aliku ALA nen ari logonet, It aap yi, mbi nonggo logomenggaarik, eegu ndinogo pugun o, yinuk, yegerak me, oroti ti, wogoret o.”

2 Endagembogut 5:14

Yogo mbareegwa, Naman nogo niyo Yoraran inikime unggwi nage nagagerik, Ala wone liirogon eeka nen wone yoreegerak nogo ndak-ndak, ne 7 kuli kuruk yagak mban eeke mbareegi, awin nogo lek aret age logonet, agabolo obaane'me obeelom wologwe inagabolo negen aret agagerak.

2 Endagembogut 5:27

Lek aret me, at Naman awin aaga'ne kunik nogo kat kagabolo paga inom, kapuri-kombowologwe wiganak inagabolo paga inom, kinoba aremenggerak mondok-mondok lenggenak aret logogin o.” Yoge mbareegi, at wonage me nen awo wundi nage kagak, awin aaga'ne agabolo paga lenggek ari mbareegi, yanggwi kwak lan ari nagagerak.

2 Endagembogut 7:19

Yoge mbareegi, aap endagembogut inom eeko menggaarak ambi nogo nen Ala wone liirogon eeka yoge, “At Aliku ALA agi mbogut paga nen yi mendek ndi mendek nunggwi mendek nobarak wonage nogo, tu paarogo ngginu-ngginu eerogo wuppit woroorak kwe, kat eeriyak yagandak ti, eerugun op aret mbake agandik.” Yoge mbareegi, at Ala wone liirogon eeka nen onggo yoge logonet, “Kat kenegen abe nen kaamunggun kwe, mbi ambiriluk ambi namunggun lek aret o.”

2 Endagembogut 7:2

Yoge mbareegi, aap endagembogut inom eeko menggaarak at wonok nega awot ambi nen aap Ala wone liirogon eeka nogo yoge, “At Aliku ALA agi mbogut paga nen yi mendek ndi mendek nunggwi mendek nobarak wonage nogo, tu paarogo ngginu-ngginu eerogo wuppit woroorak kwe, kat eeriyak yagandak nogo ti, eerugun op mbake agandik?” Yoge mbareegi, at Elita nen, “Kat kenegen abe nen kaamunggun kwe, mbi ambiriluk ambi namunggun lek aret o,” yinuk, yoreegerak.

Ndawi 124:7

Towe keele pugu paga nggerenggetak kwe, perak togon mbagangge menggi kwak, Nit togop aret nggerenninakaarak kwe, Peranogo piinok, mbaganggoorak o.

Wone Alom Kibingga 9:12

Ndi, aakumi kunduk, ne ti eyom paga, “Ndogop aret ee'ninabigin o,” yinuk, ineenggo'lek aret menggaarak. Yikwe nen, “Nooriyak,” mbaka'lek yum yugume yonggo'nari unggwogwe, Towe keele pugu paga ineebe nggerok yi nogwe, Eeko mengga kwak, Aakumi yini-panip maluk inoba ariyak eyom paga inoba kwi'nage kenok, togop aret ogo menggaarak.

Ndawi Iya 3:3

Kage nagarik, awo kwaarit nage me, it aap o kota arum waka nen tum warit nogo logonet, neego mbaka, an nen it yorage logonet, “At niniki kunik eeke nogo kinigen kogotak ilik?” yoraanuk,

Yetaya 62:6

Kat Yerutalem yi wae. Kobak wurik paga aap tum logowak nduk piigirak me, It nen liingge inom, oonikiya inom, tum wako logonet, inoone lek puk logogun lek o. Aliku ALA o Tiyon eeppuurak yegerak aberogo yoga kit yi wae. Kurumbi yoraga'lek ugun puk logorak mage o.

Yeremiya 14:13

Yo'nege mbaki, an nen, “Kaliku Kitok Menggendak ALA wae. Ti kwe, it aap kat yorage keegak yoraga nen aakumi apit aret yorogo logonet, Wooluwak paga kinookwi, mbi noogelo kinoba kwi'nage, eerigin lek o. Ata, o yime kiniki ugun mondok-mondok tayenak aret logomunggup o, yinuk, yorogwe ti nonggop o?”

Yeremiya 23:13

“An nen yorage neegak yoraga Tamariya mendek eeriyak lek mendek kagak eekwi iyareegirak nogo ti, Kugi Mba'an nen yorage kagak yorogo nogogwaarak paga an napuri Iterali nogo tu abe kagak alik paga nomoniren nogwe iyareegirak o.

Yeremiya 31:6

It aap oonikiya tum waka nen o Eparayim puut-puut teberogon paga time wonogo logonet, Aliku ninogoba Ala o puut Tiyon paga wonage me lagi nawok o, yinuk, Kuum-keek yogo logorak eyom panggoni woraagin o,” yinuk, yo'niragagerak o.

Yeremiya 6:14

Eeko logonet, inawin kunik kwak an napuri inoba aaninggin wonage kwe, Ti iya lek o, yinuk, yorogwe, Iniki ugun tayenak lek iigak, Kiniki ugun tayenak logonip o. Kiniki ugun tayenak logonip o, yinuk, yorogwe, Eeko menggaarak.

Yeremiya 6:17

Inarum logowak nduk, aap mippiinok, Oone nggwok eeka trompet oone pu ari kenok inaruk liirogon konenggo logowak o, yinuk, yoragagirak kwe, It nen, Ninaruk koneniyak nineebi o, yinuk, yogwe, Eereegwaarak nogo o.

Leendawi 2:14

“Ndogop arigin o,” yinuk, yokkega nen yokkogo nogogwaarak nogo ti, pilit aret yokkugwi, Ambi eeppagarak lek kagak yokkugwi, Keele maakkeren pagi nookwak, “Maluk ndogop eeke agandik o,” yinuk, kin paga yokkega'lek kat eeke nogo kagaarogo pugwi, “Ala nen yegerak me, yokkogo o,” yinuk, yokkogo nogogwaarak nogo ti, pilit-pilit yokkugwi, Tu abe kagak alik paga nomonggeren nogwe, Eeko nogogwaarak o.

Leendawi 4:13

Ti unggwogogwaarak nogo ti, it Ala yorage kagak yoraga nen maluk eekwi, Ndi, it aap iniki abe koonak kagak inamiya kilirogo piyareegwaarak Ala unde nen kunduk maluk eerit nugwi, Eereegwaarak kenok unggwogogwaarak o.

Yetikiyen 3:17

“Aakumi nen ndarak yi wae. It Iterali mendek kenegen wogonake logonok nduk kat aret mippagagirak me, noone yokkege karuk konengge logomenggendik, Aliku ALA nen ndogop yegerak o, yinuk, kurumbi yorage logomunggun o.

Yetikiyen 33:7

Aakumi nen ndarak yi wae. An nen it aakumi Iterali mendek inarum waka logonok nduk, mippagareegirak o. Mippagareegirak me, it yoroorak noone ari nogo karuk konembunuk, Ala nen ndogop eeppinagagin o, yinuk, kurumbi yorage logomunggun o.

Oteya 5:1

Aliku ALA nen ari logonet, “It an neebe unde abok aret ti, wone yi, inaruk konenggwi, It aakumi Iterali mendek ti, yorage yi, liippugwi, Aap endagembogut akuwi-apuri inom ti, inaruk liirogon konenggwi, eeko logowak o. Keele o Mitapa paga pugwi, Puut Tabot paga towe yonggo'naruwak nduk yum mbiganogo pugwi, O Titim nggwiya wambuurak nggween ogurogon kabunggwi, Eeko mengga kwak, It ti, togop menggaarak me, Aaninggin eeppiyoorak wone yi ti, it inake aret yorage agarik o. It abok aret ti, eerit nugwi paga an nen aaninggin inoba kwippiyaagin o.

Oteya 9:7

Aaninggin kinoba kwippinagarak eyom muk panggoni wage, Maluk eekwi onggo ndak-ndak eeppinagarak ne muk panggo yi wage, Eeke me, Kit Iterali kineenu eeppinagagi o. Kit maluk nggwok lombok eerit nugwi, At kineebi lombok ombakwi, Eekwi me, At nen yorage kagak yokkiraga nogo ti, “Wi nen aret ari,” mbakwi, Ndi, it aap iniki warak nen yokkiraga ti, “Iniki mbanak nen aret ari,” yogwe, Eeko ogotik.

Oteya 9:9

O Nggibeya mendek maluk abu iya lombok eeko nogogwa kwak kit maluk iya lombok eekko'net unggwogwe me, Kit maluk eerit nugwi nogo at Ala abeke, Ndi, kinomaluk onggo eeppinagage, Eeke logogin o.

Mika 7:4

It aap ti abok aret ineraambe maluk lombok wonogwe kwe, inenggela'me ambiriluk ambi eraambe mbuuluk obeelom negen wonage nogo ti, alok kwak wonage, Ndi, it abok iniki nggolawe wonogwe kwe, it inenggela'me ambiriluk ambi iniki mbuuluk abe koonak wonage nogo ti, poondo alok kwak wonage, Eerak aret menggaarak o. It inigen wokkiren nega woroorak yokkirogo menggaarak nogo, ne muk ari wagaarak wonage, At Ala pekkiya woroorak ne nogo, muk ari wagaarak wonage, Eerak aret me, O yogondak naalop-kaalop eeginaburak abu aret agaarak o.

Yaya 15:24

An it inenggela'me logonet, eekulik mendek eeke logonetak lek en, it maluk ineenggo'lek ugun aret logonetak kwe, yogondak perak, an eeke nagagirak nogo, it muk neego nagaarik, an nogoba nimbirak aret ineebi ninombako agaarik o.

Oroma 3:7

An pilit wone ari minggirak paga nen at Ala abet mban ari menggerak kenom eeppege neenok, aakumi nen at tiyappugwi me, Ala nen, “Kat maluk eeke me, maluk onggo eeppagagin o,” yinuk, nonggop togon an yo'niriyak mbakop?

Iberani 13:17

It kinogobamini nogo ti, “Aakumi nonggop inarum wonogotak o, yinuk, Ala nen yo'niraagin,” mba'nuk, liirogon aret kiniki arum wonogwe me, inabu'me logonet, wone yokkirogwe nogo, liirogon aret konenggo logonip o. It inoone konengga'lek wonogwe kiinok, inale'nggen lek logonet, kinarum liirogon wonogwe lek paga maluk aret eekwi kiyoorak me, iniki ale'nggen paga kinarum logowak nduk, inoone liirogon aret konenggo logonet, obeelom eeppiigo logonip o.