Oteya 9:6 - Ala Wone Peenok Peebi Mbanak

⁶ Kit kineebe lek eerogo pinagagwi me nen kinagap ndakko'nok mbaganumonggotak kwe, It Metit mendek nen kineebe kuwak eerogo pinagagwi, Ndi, it o Membit mendek nen kineebe kinoorogo nggween taambinagagwi, Eerugun me, Kinamendek onggo nggwok mbuti perak yumbunogo pomonggotak nogo paga iri'ngga taanogo pege, Ndi, kinawi wurik me alok yinik-kunik eerogo pege, Eerigin o.

Oteya 9:6 ပူးပေါင်းရင်းမြစ်များ

2 Endagembogut 13:7

At aap Aram inowe endagembogut nogo nen at Yowakat awuri wim eeka abok aret gandum agabolo mbelenggo logonet, abupak lagangge menggi kwak, ineebe abu lek eerogo piyareegerak kwe, aap kuda wonok nega ineebe 50 inom, nggweendo wim eeka 10 inom, ndi, it ineegin warak iniyok paga nogo menggaarak sepuluh ribu inom, ti mban teppiyareegerak.

Ndawi 107:34

It o time wonogwe nen maluk mban eekwi iinok, Nggween mili lubunik nogo Mayu yumbunik iri'ngga wunggeelik kwak eerogo pege, Eereegerak.

Kini Wuppiige 24:31

Alok-palok mban laganggerak wonage, Yabu eeko menggam iri'ngga mban kunogo pegerak wonage, Yugum yagat wurik langgu-langgu aago wonage, Eerak nenegen kagarak o.

Yetaya 11:11

Ne ti eyom paga ninogoba Ala nen at apuri eegu yumbunik o Atiyut nen, o Metit agi-ogu nen, o Kuti nen, o Elam nen, o Mbaben nen, o Kamat nen, niyo laut oolo ku'mbanak paga wonogwe nen, abok aret aa'nduk eereegi kwak, ne ambi eenggi omaawi paga wondet eerogo piinok, iniyokan iname piya woraagin o.

Yetaya 19:13

It o Towan mendek inoweewi nagawan nogo aap wi negen ogwe, It aap Membit mendek inoweewi inambokan laganogo piigaarak wonogwe, O Metit inanebunu lombok it paga panggonak nogo nen inawuri nomoniren nogwe, Eekaarak me,

Yetaya 27:12

Gandum ambitak mban pippunuk, mbanogo anggen menenggo mengga kwak, ne ti eyom paga Aliku ALA nen kit aakumi Iterali mendek yi, niyo Eparat nen nok Metit kuli wonogwe nogo ambit kambok waganogo kuwak eerogo pinagage logogin o.

Yetaya 34:13

Aap inendagembogut inawi nggwok abe wurik nogome alok mban kunogo pege, Yugum pak wurogo pereegim nogome towo inom, nggonggoondu inom, penggaarogo pege, Eerigin me, Mba'ngge inawi ari unggwogwe, Ndiimbu iname aret miikkola unggwogwe,

Yetaya 5:6

Neyabu anggur awi yarak nogo anggup mbanogo nagabit nage, mogot mbanogo pit nage, Eerigin lek nggween nggwi-nggwi mban eerogo piminggirak me, Nggonggoondu penggaarogo pege, alok-palok mban lagangge, Ndugwi nen o mayu wuppi wage kero, Mage, yoriminggirak me, nggween mbuk age, Eerigin o,” Yegerak me, yokkiragi.

Yetaya 7:23

Ne ti eyom paga eyo anggur ero seribu onggo wu mbuti perak seribu paga kuniyak yarak wonagam time iri'ngga alok-palok inom, kugeele inom, ti mban niik yigin o.

Yeremiya 2:16

Aap o Membit mendek inom, Tapanaket mendek inom, nen aap Iterali ineeruwak puluk ko eerogo piyareegwaarak o.

Yeremiya 42:22

wone abet mbarubagip nduk yokkirage yi, liippinip o. Kit ye mbambatinuk logorak mbarumonggo'nom nogome wonogwe me, wooluwak paga, mbi noogelo paga, kugilingga paga, aret kambit nogo logomunggup nduk, yokkiragi o.

Yeremiya 44:1

It aakumi Yakuri mendek o Metit niyo Nin ambut nogome kota Migiron inom, Tapanaket inom, Membit inom, ndi, eneerime o Patorot inom, wonogwe nogo eeppiyoorak at Yeremiya yoreegerak yi aret.

Yeremiya 44:12

It Yekura mendek eegu yumbunik o Metit lombok nogo logomonggoorik, ye mbambatinuk logorak, mba'nuk, wogogwaarak nogo, o Metit yime logonet, wooluwak paga inoorak kanggwi, mbi noogelo paga kanggwi, eerugun o. Inendage warak inendage lek abok aret wooluwak paga, mbi noogelo paga, aret kanggo logogun o. Aakumi nen, It yi, pulunik aret, yogwe, inamineeri ne agan nage iigwi, inendage kumbunuk pulunogo piigwi, meek eerogo piigwi, eeko logogun o.

Yeremiya 44:13

An nen it o Yerutalem wonogwe nogo aaninggin inoba piyareegi kwak it o Metit yime wonogwe nogo aaninggin inoba kwippiige logonet, wooluwak paga inoorak kanggwi, mbi noogelo paga kanggwi, kugilingga paga kanggwi, eerugun me,

Yeremiya 46:14

“It aakumi o Metit wonogwe nogo yorage, It o Migiron wonogwe nogo yorage, It o Membit wonogwe inom, o Tapanaket wonogwe inom, yorage, Eeke logorak nogo yi aret. Aakumi it inaagan-inambokan wonogwe ti, wooluwak paga ineebe nenet nagin me, ineegin-inawooluwak woppunuk, Wim eeri nawam lombok arit nawak o.

Yeremiya 46:19

Togop me, o Membit maluk eerogo pege, Kani nenet nage logonet, o yigirik-noonom eerogo pemenggerak paga aakumi ambi wonogwe lek o wogo aret wonage, Eerigin me, It o Metit wonogo menggaarak ti, Kugun wogoren nagun me, inamindik-inamendek pipuk eerogo pako logowak o.

Yetikiyen 30:13

At Aliku Itok Menggerak ALA nen yegerak nogo yi aret. “O Metit time inagugiwak pup eerogo pege, O Membit time inagugi ogut aago nogo lek eerogo pege, Eerigin o, O Metit time aap inowe endagembogut ambinom logogin lek me, Aakumi o time inagabiti mbakak nugu logowak nduk, eerogo piige,

Yetikiyen 30:16

O Metit kani mbelanogo pege, Eerigin o. It o Tin mendek yagan yobak-nggolak waruwak nduk, eeppiigwi, O Tebe pak wurik yinik-minik eerogo punuk, ineebe ambik aago tebenggola unggwogwe, It Membit mendek nen ko'lu-kii'me aaninggin-paaninggin inoba age kogwe,

Oteya 10:8

O Mbet-Awen puut-puut kugi awi wuppunuk maluk eerit nugwi ti, Iterali maluk eeko menggam aret me, Lek eerogo pit nagun o. It inayuk wukwi inake warogo wogoragak ogobakkigirik nogo paga iri'ngga alok-palok mban yinik-kunik eerogo pege kenok, It nen, “Nit nineebe noba'ninabu o,” yinuk, puut-puut yorogwe, Ndi, puut-puut teberogon nogo yorogo logonet, “Kit nen aan wogonogo nineebe lebembinaninuk logonip o,” yinuk, yorogwe, Eerugun o.

Oteya 11:11

Towe wiga agan nugu mengga kwak, it Metit nen inaganak nugiranet wogwe, Towe puume kwak, o Atiyut nen inaganak warit wogwe, Eekwi iinok, An nen it iname lombok logowak nduk piinet nagin o, yinuk, at Aliku ALA nen aret yegerak me, yokkiragi o,” yoragagirak.

Oteya 2:6

an nen at aru nage menggim non mbanogo alok mban mik-kwit eerogo pege, At wundi noorak tu yelok kage kero, yugum pak yendok-wandok wurogo pege, Eerigin o.

Oteya 7:11

It Metit mendek nen yeenggwa nira woraawak o, yinuk, yora nogwe, Ti'nuk, it Atiyut mendek nen yeenggwa nira woraawak o, yinuk, inowagam nogwe, Eekwi me, It Iterali ti, towe puume iniki lek we negen wi-wi eeppuurak kwak wonogo agaarik o.

Oteya 7:13

It an mbo paninuk nomo agan nogogwaarak me, inabuwa o! An yorage nogo, Eeriyak, ineebi mbareegwaarak me, ineebe lek eerogo piyaagin o. Inagap ndarogo piyaakit lak, ao, mbake kwe, an nenggaanom paga inoone pilit mban yo'nogo menggaarak o.

Oteya 7:16

An Tiyanak Lombok Minggirak nen yeenggwaaraakit nduk, yo'nugwi lek mbo panugwi me, It ti, maale nambukaatak tak mbilak wuk ari menggi kwak wonogo agaarik o. Inoone maluk mendek mban agan nugwi ti paga inoweewi inendage warak nogo wooluwak paga warak wanggo logogun o. Ti eekwi paga o Metit time nen inagi'ndok kanggo logogun o, yinuk, yegerak me, yokkiragi o,” yoragagirak.

Oteya 8:13

An nake pugu nogo, it nen warogo wo'nugwi, Nake warak nogo enggaanggum it nunggwi, Eeko menggaarak kwe, Naliku ALA nen ninikilom mbakeelik aret agarik o. It maluk eekwi ti, an niniki aberak logonet, onggo aaninggin inoba kwippiyoorak nogo ti, Iniyokan o Metit nappiyaagin ti aret!

Oteya 9:3

Aliku ALA nen kit Eparayim nggween wokkiragagim nogome wonogo logomunggup lek kiniyokan o Metit nogwe, Ndi, o Atiyut time nen mbi ogole warak mendek nunggwi, Eeko logomunggup o.

Ala Unde 26:33

Inom wim mbanak nen aakumi Iterali iname nen mugogo wumbiinok, muguren inoorit nogwe iinok, yi aakumi ndi aakumi inanebunu alitak lombok inenggela'me ma'narit nawak nduk, inom wim mbanak yonggo piyaminggirak eeppiya wogwe iinok, Iterali inawi kota abe wurik ti lek age, ndi, inanggween nogo ti, we o wogo wonage, eeke logogin o.

Tepaniya 1:11

Togop me, it aakumi o teberogon kobappaga wuppunuk wonogo menggaarak ti, Aap yi mendek ndi mendek kungga inom wonogwe abok aret inenggaawak lek ogwe, It mbuti perak wakkagak kungga nogo ineebe lek ogwe, Eerugun me, Le yogo logowak o.

1 Tamuwen 13:6

Wukkola wogo mbareegwa, it Iterali nen inigen iigo nogogwaarik, “It nen abu kup mbanninaburak eekwi me, nonggop eeruwi o?” yinuk, iniki ma'nogo nogogwaarik, mbaganit ndoome inom, yugum enoona inom, puut abu'me inom, mbuun ambena inom, niyo nggween kabunik me inom, kumaa'narit nogogwaarak.