Oteya 9:4 - Ala Wone Peenok Peebi Mbanak

⁴ Kit o time logonet, Aliku ALA ake anggur amburu kilirogo pumunggup lek o. Ndi, at ake warogo wogogwi nogo kunduk, ale'nggen nen waagin lek mban. Ake warogo wogorumunggup ti, aakumi kanggwi iinok, inabugo laago larogo nonggo mengga kwak aret me, Nunggwi kiinok, maluk eerogo patumunggup o. Kit at ake pi wogwe nogo, at waagin lek kit kinalik kinake aret me, Aliku ALA awi wurik me pi unggugup o.

Oteya 9:4 ပူးပေါင်းရင်းမြစ်များ

Wundeegwaarak 29:40

eeko logonet, kuubondendok ndomba warogo nake wo'nogo logonet, gandum yigirik abu obeelom 2 liter negen eyo tayitun anggen aambiranogo amburu toolak 1 liter inom, amok mbanogo pugu inom, eyo anggur amburu nake kilirogo puurak 1 liter negen toolak inom, pogo logowak o.

Yetaya 57:6

Inagugiwak ti, yugum eraabin ambik niyoome mendek waganggaarak ti, Yate kwak kolagaarak ti aret o. Ti aret koloorak mbakaarak me aret kolagaarak o. Inagugiwak yugum ti, oba amburu kilirogo pugwi, Gandum anggen yigirik nogo oba yumbunogo pugwi, Eekwi iigirak o. Ti eekwi iigak, an niniki yanggoppunuk nonggop togon puk logorak? Lek aret o!

Yetaya 66:3

It aap tapi ngguunok warogo nake kani kunggwi ti, aap wakwi kwak aret eekwi, Ndomba aagaluk warogo wo'nugwi ti, nggeewo enggaanok koguk wakwi kwak aret eekwi, Gandum anggen yigirik an wo'nugwi ti, wam amiya kilirogo an wo'nugwi kwak aret eekwi, Obari abe kaga kani kunggwi ti, kugi ogut alut eekwi kwak aret eekwi, Eeko menggaarak o. It aap ti, inalik iniki mba'nuk eeriyak miippunuk eerit nugwi, Ogole warak mendek mban eerit nugu logorak inikilom mbakwi, Eeko menggaarak me,

Yeremiya 16:7

Ndi, kambemenggaarak tabun ndoombunuk inale yogwe me, iniki eyak wappiyaawak nduk, mbi worarogo wogora nogwe, yi toologo ira nogwe, eeko logogun lek mban aret o. Inagalo a, inogoba a, kambemenggaarak kunduk inale yogwe iigak kwe, iniki eyak wappiyoorak lek mbo aret piyaagun o,” yinuk, yegerak.

Yeremiya 6:20

It nen obari abe kaga o Tiyeba nen wonok nake pi wogwe, En weeri amburu aberogon o nda nen wonok niri wogwe, Eekwi ti, Nano ake eeko agaarik? Ti we aanom warogo aret! Warogo nake kani kunggwi ti, ninikilom mbake, Warogo wo'nugwi ti, nale'nggen mbake, Eekeelik mban aret o,” yinuk, yegerak me yokkiragi o.

Yetikiyen 24:17

Waminggirak kangge kenok, aleendawi tiyaniyak mage o. Ata, koone mbabok mban kiniki wakkolage logonet, kayum kanobak paga lenggenak mban wonage, kiyogogut yirik mban wonage, eerak logot o. Ketenggen nobakkolage, tabun ndoombunuk inambi larogo nunggwi nogo kat nengge, eeriyak mage o,” yinuk, an yo'nereegerak.

Yetikiyen 24:22

nengge kenok, kat Yetikiyen eeremenggendak nogo it ndak-ndak aret eeruwak o. Inetenggen nobakkologwe, it aakumi tabun ndoombunuk mbi larogo nunggwi nogo, it nunggwi, eerugwaarik o.

Ndaniyen 1:8

Inambi inom, inagi anggur amburu inom, it nonggo logorak koonogo pereegerak nogo, at Ndaniyen iniki nen mbake logonet, “Aap endagembogut ambi nengge, aniyo anggur amburu nengge, eeke paga maluk noba lenggenggolookwak me, neebi o,” mbake nagagerik, aap endagembogut ayeloman mini inowe Atepenat nogo yoge logonet, “Ai, nogoba. Aap endagembogut ambi nengge, agi anggur amburu nengge, eeke paga an maluk eekkolookwak me, mbo puurak ti op ilik?” yoreegerak.

Oteya 3:4

Ti yoreegirak nogo ti, it Iterali inoweewi inendagembogut inom, inoweewi nagawan-nagawan inom, nen wone lengganogo yoraga'lek aret wonogwe, Ala ake warogo wogoga'lek aret wonogwe, kugiwak ayuk wuppunuk aanggo waka'lek wonogwe, kugi ake nggomoorak inenggaanok me yika'lek wonogwe, kugi ogut aago mippunuk, alut eeka'lek wonogwe, eekwi iigak, nogo ambik yi'nogo logomenggaarik,

Oteya 7:16

An Tiyanak Lombok Minggirak nen yeenggwaaraakit nduk, yo'nugwi lek mbo panugwi me, It ti, maale nambukaatak tak mbilak wuk ari menggi kwak wonogo agaarik o. Inoone maluk mendek mban agan nugwi ti paga inoweewi inendage warak nogo wooluwak paga warak wanggo logogun o. Ti eekwi paga o Metit time nen inagi'ndok kanggo logogun o, yinuk, yegerak me, yokkiragi o,” yoragagirak.

Oteya 8:13

An nake pugu nogo, it nen warogo wo'nugwi, Nake warak nogo enggaanggum it nunggwi, Eeko menggaarak kwe, Naliku ALA nen ninikilom mbakeelik aret agarik o. It maluk eekwi ti, an niniki aberak logonet, onggo aaninggin inoba kwippiyoorak nogo ti, Iniyokan o Metit nappiyaagin ti aret!

Yowen 1:13

Kit aap Ala unde yi wae. Kinayum maluk nibinik mendek yippunuk, kiniki wakkologwe, Kit aap Ala ake warogo wogogo menggam yabu eekwi yi wae. Leenggu maakwi, Eeko logonip o. Gandum anggen yigirik ake puurak inom, anggur amburu toolak ake kiliriyak inom, Kinogoba Ala awi wurik me ambinom pi wogo logogun lek me, Kit an nogoba Ala enggaanom paga yabu eekwi yi, Kinayum maluk nibinik mendek yippunuk, Ala awi wurik me unggwogo logomonggotik, Le yogwe kiigak nogo ambit yumunggup o.

Yowen 1:9

Gandum ake pi wogwe, anggur amburu ake kilirogo pugwi, eekwi nogo, Aliku ALA awi wurik me nen muk lek agaarak o. Ndi, it aap Ala eebe unde nen Aliku ALA enggaanom paga ake liirogon eeka nogo leenggu maako agaarik o.

Ala Unde 21:17

“Kat nen Karun yoriyak nogo yi aret. At apuri-ombowologwe wiganak inalitak lombok abok aret inagabolo paga inawinde-inobaande eerak wonogwe iinok, yi mendek ndi mendek inogoba Ala an nake pugwi me time wogo logorak mage o.

Ala Unde 21:21

aap an neebe unde Karun apuri inom, ombowologwe inom, wigannarit nogo logogun mendek nogo nen inawinde-inobaande togoti eerak kenok, an Naliku ALA nake warogo kani kunuwak nduk, nowagam wogo logorak mage o. Awinde-obaande eerak kagak yi mendek ndi mendek ogoba Ala an nake nogo wo'niri woroorak mage o.

Ala Unde 21:8

Aap an neebe unde nogo ti, yi mendek ndi mendek, Yi ninogoba Ala kake o, yinuk, wo'nugwi, ndi, Naliku ALA nen it kikak naka'lek abu obeelom logowak nduk leenogo piige minggirak an nogo, niniki kikak nakeelik obeelom mban wonage, eeko monggoorak me, it aap an neebe unde ti, Abu obeelom Ala ake leenak menggaarak, inombako logowak o.

Amot 5:22

It nen an nake warogo kani kunggwi, anggen yigirik nake pi wogwe, eekwi ti, an wagangge, Ninom lambunuwok o, yinuk, inaanggumi abe amok warak kenok warogo wo'nugwi ti kunduk, an nenegen pekkage, Eerigin lek o.

Maleyaki 2:13

Ndi, ambi eekwi kiigirak nogo ti, at Aliku ALA ake warogo wogogo menggaarak eerak nogo paga kinale amburu paga miin nggulu eerogo pogo monggotak. Pogo logonet, Nit Aliku ALA wogori wogwe nogo liippege, nineenggi lombok paga nen iri wogwe kwe, ale'nggen nen wagangge, eeka'lek o, yinuk, le yogwe, kiniki wakkologo logonet, leenggu maakwi, eeko monggotak o.

Linggineegwaarak 19:11

Yorage nagagerik, ambinom yorage logonet, “Aap ambi kambemenggerak mbaanggage kenok, obari oba lenggenemenggerak maluk aremenggerak wonage kagak, nogo 7 aret yuurak me,

Linggineegwaarak 28:2

“Ndogop eeko logonip o, yinuk, it Iterali yoroorak nogo yi aret o. Obari abe kage logonet, nale'nggen kaakit nduk, nake pi wa'nuk, kani kunggo logorak nogo ti, Ne ti paga pi wogo logorak, yugu nogo mugurok pi wogo logorak liippuwak nduk, yoret o.

Linggineegwaarak 4:7

An neebe wonage me nduk, oroti nake pugwi eyo ndoonak nogo paga oroti wonage kagak yum maa'ngga amu kunik ndoonogo punuk, pirin-pirin inom, niyo kombet waka inom, togolowak amburu tookak inom, nake amburu kilirogo puurak togolowak inom, at paga eerogo punuk,

Yaya 6:51

Mbi kineenik eekkinake minggirak mbogut paga nen wambi wagagirak an aret. Kit mbi yi nogo, nunggwi kiinok, mondok-mondok kineenik aret logomunggup o. Kit aakumi nggween paga monggotak kineenik eekkinabuwak nduk, mbi kinake pigin nogo ti, an neebe aret o,” yinuk, yoragagerak.