Oteya 9:13 - Ala Wone Peenok Peebi Mbanak

¹³ O Tirut kwak o Eparayim ti, iri'ngga yarak enete abu abe kagagirak kwe, Yogondak perak, inapuri aret inooruwak nduk, wogoren wundi wogwe iigi o, yinuk, yegerak me, yokkiragi o,” yoragagirak.

Oteya 9:13 ပူးပေါင်းရင်းမြစ်များ

2 Endagembogut 15:16

Ndi, ne ti eyom paga aap endagembogut Menakem nogo, o Tirata nen o Tipatak nage mbareegi, unggwi nawak nduk, tu paarogo piiga'lek mbareegwa, inawi paga kwi'nage logonet, aakumi o kota time wonogwe inom, o enaagan-ambokan wonogwe inom, abok aret pup eerogo piige logonet, kumi inabila wonogwe nogo inom abok aret nggogu eerogo inoorit nagagerak.

Ayup 27:14

Inapuri ndaganakwi nogo wooluwak nen nengge, Inapuri wigannogwe nogo mbi abu nen kanggwi, Eeko logonet,

Yeremiya 7:15

It inowe-inawot aakumi Eparayim mendek aa'nduk maluk eeko mbareegwa, an wonage me nen wumbiyareegirak nogo pogom, it togop aret an wonage me nen wumbiyaagin,” yegerak me, yokkiragi o.

Yeremiya 9:21

Nineebe kambuurak ninawi wurik pugagi ambe mbanak me nen muk unggwi wage, Ninawi nggwok abe wurik kagak unggwi wage, Eeke logonet, Elege-aabologwe tu paga nugwi nogo inoorogo piinet nage, Wologwe tawe o kota-kota nugwi nogo ambeme yonggorinabit nage, Eekerak o.

Leendawi 2:22

Inale'nggen paga lariyak inayonggo pogo mengga kwak Kat nen inamineeri ne agan noorak mendek nenaagan-nambokan wanggeri woraawak nduk, inayonggo piyareegindak o. Kaliku ALA kanini eeppaneegindak eyom paga aap ambit ambi mbagangge, agap ndakkolage, eerulik aret o. It an nen yanggoninake, tawe eeginake, eereegirak nogo nawim nen lek eerogo piyareegerak o,” yinuk, yoreegerak.

Yetikiyen 27:3

Yi aakumi ndi aakumi o niyo laut aa'nggi paga menggaarak inake yi mendek ndi mendek kunit nege, niyo laut paga yinggwi-unggwogwe eeko menggam wonage, eeke menggerak o Tirut ti, yoru o, yinuk, Aliku Itok Menggerak ALA nen yegerak nogo yi aret o. O Tirut nen, An yiiro kwak abu kigirikwe lombok wonage o, yinuk, yikkolage agaarik o.

Oteya 10:14

Wim eeriyak nduk anggut-nggut wakkogo logomenggaarik, it Iterali inoba kwi'nari unggwogo logonet, Inawi yugum pak wurik nogo yigirogo wurabit nogo logogun o. Ti eerugun nogo ti, aap Talaman wim eerit unggwage logonet, kota Mbet-Areben yigirogo pege, Kumi inaagalogwe awo ndarak inom yimbinik-nggunik eerogo nggween paga mbo piige, Eereegi kwak, eeginabigin o.

Oteya 13:8

Nggwiya kwak beruang nogo aagalogwe kobak ogwe iinok, ngguk agan aakumi nibininake menggi kwak, An nen it Eparayim mendek inoba kwi'na'nuk, ineebe nibik-nobak eerogo piige, An singa kwak a'nuk kok tebenogo piinok, ineebe nengge, Ndi, nggwiya kwak neyak nibinik-ndelenak eerogo piige, Eerigin o.

Oteya 14:1

It Tamariya mendek nen inogoba Ala an yorage ineebi mbakwi me, It eekwi paga aaninggin inoba kwippiyoorak nogo ti, inobaalombok aret o. Wooluwak paga ineebe inoorogo piigwi, Inaagalogwe awo ngget ndarak nogo inanep yombak inoorogo piigwi, Inakuwi elege ndaka'lek awo inabila wonogwe nogo kilirik-ndowanak eerogo wumbiinet wogwe, Eerugun o, yinuk, yegerak me, yokkiragi o,” yoragagirak.

Oteya 9:16

It Eparayim mendek ti, eyo kanenep warak kwak wonogwe me, omanggen mbuk age, anggen yega'lek wonage, Eerak aret agaarik o. It inapuri ndaganabugun kwe, it paga wiganak inapuri iniki kundugu nogo inoorogo piigak mban eeke logogin o, Yinuk, yegerak me.

Amot 7:17

At Aliku ALA nen ari logonet, At aap Amatiya akwe nogo, o kota time terak wuka aret age, Apuri wologwe-komologwe wooluwak paga inoorak kanggwi, At anggween nogo keele wakkagak paga wakkaanuk, tumbukkologwe, At eebe lombok kambuwak nduk, aakumi Ala abu ineenggo'lek wonogo menggam paga pi nogwe, Eerugun o. Ndi, it Iterali ti, inanggween lombok paga nen abet aret kugun wogoren mbo piya nagun, yegerak me, yokkigi o,” yinuk, yoreegirak.