Oteya 9:11 - Ala Wone Peenok Peebi Mbanak

¹¹ It Eparayim inendage tiyanak nogo ti, towe wiganinuk o ambi me lek ari nage menggi kwak lek ari nagin me, Amburu pege logongge, abila age, elege ndake, eeke logogin lek aret o.

Oteya 9:11 ပူးပေါင်းရင်းမြစ်များ

Wakkagagerak 41:52

ndi, “An andi-pandi ee'nako menggam o yime logonet, naput yi ndakirak me,” yinuk, apuluk peebi ndareegerak nogo endage Eparayim aret toongge, eereegerak.

Wakkagagerak 49:22

Kat Yutup ti, Eyo niyo eneerime wonage me, Eno'mbak ambik wigangge nagaatik, Yugum yagat wurik paga engga ndoonogo pege menggi kwak Aret logomunggun o.

2 Tamuwen 6:23

Ndi, at Tawun apuluk kwe Mikan nogo aagaluk ndaka'lek wubili aret logonet, kambeegerak.

Ayup 18:5

Aap maluk mendek andi noguk ari, Aga'ni wunuk ari nogo lengge agan unggwage,

Ndawi 58:8

Togobanggen nage kagak mo andi nen Amburu tigi-tigi wangge logonet Kanggwi kwak aret kanggwi, Kwe aagaluk inikime nen warak nda'nagaatak me, O eya enegen kage lek menggi kwak ogwe, Eeruwak o.

Wone Alom Kibingga 6:3

Aap ambi nda'nagagerak nggorek lombok logonet, apuri 100 ndappiinok, eebe obeelom logomenggerak kwe, iniki ale'nggen mbaka'lek logonet kangge kenok, “Aap nogo aret kanggi o,” yaga'lek logonet, nggween abe taambega'lek ugun-ugun taanogo pugun me, an nen mbake logonet, “Aap ndarak nggorek logorak ti meek kwe, elege warak nda'nariyak perak op aret o,” mbake minggirak.

Yetaya 17:3

O Eparayim ineebe op logorak pak wurik wonage nogo langgu-langgu wambit wage, At aap o Ndamitik abu'me piinok menggerak nogo endage lek age, It aap Tiriya mendek eegu mogonik inendage abu tiyanak nogo it Iterali inendage tiyanak lek agagi kwak aret age, Eerigin o,” yinuk, at Omaawi Lombok Menggerak Aliku ALA nen aret ari kagarak o.

Oteya 10:5

It o Tamariya menggaarak nen inayuk wuka tapi aagaluk ogut eerak o Mbet-Awen wonage nogo, Wonok o nda time pi nogwe iyo, inagabiti mbakwi, Iniki wakkologo logonet, le yogwe, It aap inagugi ogut eerak abu abe eerak me, pi wakwi it kugi unde nogo nen kunduk, le yogwe, Eerugun o.

Oteya 4:7

It an neebe unde nogo ineebe ambik wigannarit nogwe, It an maluk eerogo panegak mban eekwi, Eerit nogo logonet, Inendage tiyanak nogo obaane'me inendage tebenogo pateegwaarak o.

Oteya 5:9

Aaninggin inoba piyoorak ne ari wage kenok, Eparayim nogo kaliirubu pup eerogo piyaagin o. Togop aret me, it Iterali inanebunu lombok inenggela'me, Wone yi, abet aret eerigin, mbaruwak nduk, yorage agarik o.

Oteya 9:14

Togop me, Kaliku ALA wae. Kapuri eeppiyoorak an nano nggino yokkiri o. It kumi inaagalogwe mburunogo wumbiigo logowak nduk, eeppiige, Inelak amburu lek logowak nduk, eerogo piige, Eeru o, yinuk, yokkigi o.

Amot 1:13

Aliku ALA nen ari logonet, “It aakumi o Amon menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. It Amon mendek nen inanggween nggwok aruwak nduk, kuli pugu kagak ya langgok eerogo pogo logonet, Kumi o Nggileyat mendek inabila wonogwe nogo, inaagalogwe kilirik-ndowanak eerogo wumbiinet nogo nogogwaarak me,

Lukat 23:29

It aakumi nen, Kumi wubili inom, inaagalogwe ndaganakulik inom, inelak kuninakwi ineenggo'lek inom, inale'nggen mbarugun o, yinuk, yogo logorak eyom woraagin, yokkirage agarik o.

Pelaareegerak 28:18

Kinakuwi elege ndaganako menggam pulunogo piige, yi awi ndi awi yarumonggotak pulunogo pege, kinaanggumi lembu-tapi inom, kambin-ndomba inom, inaagalogwe maluk nda'naruwak nduk pulunogo piige,

Pelaareegerak 33:17

At Yutup ti, Tapi ngguunok obatengga aa'nduk ndarak pogom wonage, Lembu ngguunok eyonggaame mendek eyak anobak me to eerak pogom wonage, Togop eerak logonet, Yi aakumi ndi aakumi inanebunu lombok o nggween paga yi awi ndi awi irip-irip wonogwe nogo, Yimbinogo nappiinet nage logogin o. It Manate inom, Eparayim inom, imbirak inapuri wiganak lingginiyak meek aret me, Togop pogom logonet, eeppiinet nogo logogun o,” yinuk, yoge,