Oteya 9:10 - Ala Wone Peenok Peebi Mbanak10 Aliku ALA nen ari logonet, “O karume anggur anggen yugu kogo nagaatik, inale'nggen mbako mengga kwak, It Iterali aa'nduk lombok iige nagagirik, nale'nggen ambik mbake, Eyo wuli anggen aa'nduk yugu nogo kogo nagaatik, inale'nggen mbako mengga kwak, It Iterali inombomini iige nagagirik, nale'nggen mbake, Eereegirak kwe, Puut Peyot paga woraanuk, ogole warak kugi Mba'an ake ineebe nggomoorogo pakwi, Mugurok nogo logonet, ogole warak iniki kunik eereegwaarak nogo, ineebe ndak-ndak inogole warak aret eekkologwe, Eereegwaarak o. အခန်းကိုကြည့်ပါ။ |
Oteya 9:10
32 ပူးပေါင်းရင်းမြစ်များ
at Aliku ALA nen aa'nduk a'nuk yi aakumi ndi aakumi wumbiyareegerak nen eeko nogogwaarak nogo kokwak, puut-puut abok aret obari abe kaga nogo mendek kani kunggwi, eeko nogogwaarak. At Aliku ALA nen, “Togop eeriyak mage o,” yinuk, yoragagerak kagak, maluk lombok eerit nogo logonet, inagugiwak tiyappit nogo nogogwaarak paga Aliku ALA anini mbareegerak.
Nit inom, ninombomini inom, nen ninogoba Kaliku Ala maluk eerogo pagagwi, Nit tawe paga nen nok, yogondak kuli ninogoba Kaliku Ala koone yugu nogo eeka'lek mbo pugwi, Eerit wogo ogoorik me, Ninenggali nen ninuut kuru agan wanggwi, Ninendage maluk agaarak ninagabiti nen ninayum ninenete paga nobakkologwe, Eeruwok o,” yinuk, yoreegwaarak.
It aap an nen wone yorage neegak yoraga nogo nen, Ndogop eeke kaamunggup o, yinuk, we pilit pugunit nugwi, It aap an neebe unde nogo nen it iniki mbakwi mban mamuninabit nugwi, Ndi, it ti eekwi nogo it an napuri kunduk, inikilom mbako logonet konenggwi, Eekwi ti aret me, O age yobok panggoni wage kenok it nano eerugun o?” yinuk, yegerak me, yokkiragi o.
Yoragagirak kwe, an yorage nogo eeriyak ineebi mbako nogogwaarik, an noone konenulik mbo punuk, Yeenggwa niraawak o, yinuk, ogole warak ogut eerak ayuk wukwi nogo mbo pugwi, it Metit mendek inagugi nogo teppugwi, eeka'lek iinok, an nanini kilirogo inoba piige, it o Metit wonogwe me nanini kani kunik negen inoba kwippiige, Eerikit o, yinuk, koonogo pereegirak.
Time nen eyabu anggur yarak waganeegirak nogo obaane'me wogoge, O Aaninggin Eeppiiga Kobappaga nogo ti, obeelom eerogo piiga iniki lunik logowak nduk eerogo pege, Eerigin o. Ti eeke neenok, time nen at tawe logonet, Eo, yinuk, iniki kunik ee'nake, At o Metit nen wundi wage logonet iniki kunik nen noone liirogon konengge, Eeke nagagi kwak Togop aret eeke logogin o,” yinuk, yereegerak o.
Togop kwe, it komologwe ti, inogobamini inom, inogonggelomini inom, nen it kumi terak wuginakak inom nogo yit nugwi, Ugun eeginakak yuwak nduk, inagugi awi wurik me wonogwe nogo inom kugi aanggo warogo wogorogwe, Eeko menggaarak me, It inapuri komologwe terak wuginakak yuwak nduk eekwi, Inapuri wologwe inakuwi ya wuginakak yuwak nduk eerit nugwi, Eekwi iinok, An aaninggin komologwe ti, inoba kwippiyaagin lek o. Ata, inogobamini inom, inogonggelomini inom, perak, aaninggin inoba kwippiyaagin o. An togop aret eeppiige neenok, it aakumi iniki kobak lombok yi, lek aret arugun o.
Wa! yo'nogo logonet, oroti piike menggerak mendek inom punuk, worarak nogo nake kani kunggwi, Inale'nggen nen, We wogori, yinuk, wo'nogo nagaatik, iniki tiyappatit nugu logonet, agan nugwi, Eekwi ti aret eerit nogo logowak o. Ti eerit nogo menggaarak nogo ti, it Iterali inikilom mbakwi nogo aret me, inobaalombok eerit nogo logowak o,” yinuk, at Aliku Itok Menggerak ALA nen aret yegerak me, yokkiragi o.
Ligi kibu-kibu inayum irip paga pugunik nogo ti, Naliku an ALA nen, Yogop ee'nu ndogop ee'nu, wone yugu nogo taganogo punuk, aap ambi akwe mbo punuk, ugun eerit nage menggi kwak, it Iterali mendek iniki nengge kenok, mugurok nogwe, inigen kogwe kenok, eerit nogwe, eeko logokwak aberak logowak nduk pugunik aret me, inigen pekkagak eeko logowak o.
ကြော်ငြာတွေ