Oteya 8:4 - Ala Wone Peenok Peebi Mbanak

⁴ An, Eo, yaga'lek neegak, inoweewi inendagembogut mippiigak eekwi, An nen, Op aret o, yinuk, mbaka'lek neegak, it inoweewi nagawan-nagawan leenogo piigwi, Eeko menggaarak o. Ndi, inambuti perak paga, inambuti emas paga, inagugi ogut eerogo mippako menggaarak ti paga ineebe lek eerogo pako agaarik o.

Oteya 8:4 ပူးပေါင်းရင်းမြစ်များ

1 Endagembogut 12:28

yinuk, oreewi inom wone mbambunuk, at Yerobeyam nen mbuti emas paga tapi aagalogwe inogut mbere ogobakkigippunuk, it aakumi Iterali yorage, “Kit Iterali mendek yi wae. Kit o Yerutalem Ala ake alut eeri noorak tu nda aret me, o Metit nen wokkiren wundi wagagerak nogo kinogoba Ala kwak alut eeko logorak yi aret me, kinigen pekkaanip o.”

1 Endagembogut 13:34

At Yerobeyam nogo nen maluk ti eerit nagagerak paga at apuri wiganak inom inendage lek arit wambi nogo logonet, o nggween paga yime nen inenggaawak mondok lek aret ogo nogogwaarak.

1 Endagembogut 16:31

At Omiri aput Akap nen aap Nebat aput Yerobeyam maluk eeke nagagerak nogo, eerit nage logonet, “Abu eeki,” mbaka'lek aakumi Tiron mendek inowe endagembogut Etebaan aput kolaga Iteben nogo wagangge, kugi Mba'an mugurok nage logonet alut eeke, eeke nagagerak.

Yeremiya 16:20

It aakumi nen, Inalut eeko logorak ninogobamini yi aret o, yinuk, ogobakkigirogo pako menggaarak mbaken? Ogobakkigirogo pako menggaarak aret kwe, Ti abe ninogobamini lek aret,” Yokkogo logogun o.

Yetikiyen 18:31

It Iterali mendek ti, nonggop nduk kambuwok, mbako agaarik? Noone yugu taganogo punuk maluk eerit nugwi nogo mbo punuk, iniki inom, inobaabut inom, alik ngget mendek eerogo pako logowak o.

Ndaniyen 3:1

Aap endagembogut Nebukanetat nen agugi ogut mbuti emas paga eerogo mippereegerak. Ogut eerogo mippereegerak nogo ti, agi nggorek metet 30 paga wakkage, ndi, ena aru-ogwe metet kenagan paga wakkage, eerogo punuk, o Mbaben kobappaga Ndura time mippereegerak.

Oteya 13:1

Aa'nduk it Eparayim mendek nen wone yogwe iinok, aakumi nen, “Yi yogwe yi, iya!” yinuk, inaganak wake, Iterali inenggela'me it Eparayim mendek inendage tiyak ari, Eeke nagagerak kwe, It nen kugi Mba'an ayuk wurit nogo nogogwaarak paga inenggaawak lek eerogo patit nogogwaarak.

Oteya 13:11

An nanini mbake logonet, inowe endagembogut mippege, Ti'nuk, niniki aagi inoba piige logonet, at eebe tebenogo pege, Eereegirak o.

Oteya 13:2

Yogondak kunduk, maluk ambi eekak eerit wundi wogwe, Inambuti perak paga inagugi ogut eeppunuk alut eekwi, Inayuk wuko logowak nduk, inagugi inogut abu abe lombok ineenggi amburu paga ogobakkigirogo pugwi, Eeko nagaatik, “Kugi ogut eekoorak yi, ake warogo wogogwi, Lembu aagalogwe inogut eerak ti, kineyak mbaninakwi, Ee'nip o,” Yinuk, yorogo menggaarak o.

Oteya 2:8

Gandum inom, anggur amburu ngget toolak inom, tayitun amburu toolak inom, wogoge nagagirak nogo ti, At Ala nen aret wo'nege kagi, yinuk, ari, Ndi, inagugi Mba'an ayuk wuko logonet ake pogo nogogwaarak mbuti perak inom, mbuti emas inom, kalo logonogo wogoge nagagirak nogo ti, Ala nen aret wo'nereegerak kagak, eereegirak kagi, yinuk, ari, Eeka'lek aret agaarik o.

Oteya 8:3

It Iterali ti, obeelom eeriyak nogo woolik mbo pereegwaarak me, It inawim nen muguren-magaren eerit nogo logogun o.

Matiyut 25:12

yogo mbareegwa, at kwe kolage nogo nen it yorage logonet, Kit an neenggo'lek me, mbaganinip o, yinuk, abet aret yokkiragi, yoragagerak o,” yinuk, at Yetut nen at oone waganggwi nogo yoragagerak.

Lukat 13:25

At o unde nen mi'na'nuk, tu nake mbaremenggi, kit endekem tu puk-puk eeko logonet, Nogoba! Tu paa'niyet o, yorumonggotak kwe, at nen, Kit aap nggeeme nen wogop? Kit an neenggo'lek o, yokkirage kenok,

Lukat 13:27

at nen, Kit nggeeme nen wogop? Kit an neenggo'lek o. Kit maluk eeko monggotak yi, mbet mbaganinip o, yinuk

Yaya 10:14

Ndomba obeelom ndegeninaka an aret o. Nogoba nen an eenu menggerak,

Nggalatiya 4:9

yogondak perak, Ala kineenu ogwe, ndi, Ala nen kit togon kineebe eenu age, eereegutak me, kit nonggop nduk, wone abe yugu nogo mbo punuk, obeelom eekkinaburak lek kagak aanom warogo eeko nogogutak wone nogo, “Ambinom abu'me tebenak logowok,” mba'nuk, kiniyok paga yungguninuk wa nogo ogotik?