Oteya 8:14 - Ala Wone Peenok Peebi Mbanak

¹⁴ It Iterali an nen ogobakkigirinabeegirak nogo inami eerogo mbo paninuk, Inoweewi inendagembogut inawi nggwok abe mban wurogo piinet nogwe, It Yekura mendek nen kota-kota ambik aret wurogo pit nanuk, yugum pak nggabe eerogo pit nogwe, Eereegwaarak kwe, An nen o kota-kota time abok aret kani kunik mbo wuppi woraagin me, kani nen pup eerogo nagin o, yinuk, yegerak me, yokkiragi o,” yoragagirak.

Oteya 8:14 ပူးပေါင်းရင်းမြစ်များ

1 Endagembogut 12:31

Ndi, aap Yerobeyam nogo nen ti eeke nagagerik, inalut eeko logowam o puut-puut paga wurogo pit nage, ndi, ti unde logowak nduk, it Lewi mendek lek aakumi ugun mendek mippiige,

1 Endagembogut 16:31

At Omiri aput Akap nen aap Nebat aput Yerobeyam maluk eeke nagagerak nogo, eerit nage logonet, “Abu eeki,” mbaka'lek aakumi Tiron mendek inowe endagembogut Etebaan aput kolaga Iteben nogo wagangge, kugi Mba'an mugurok nage logonet alut eeke, eeke nagagerak.

2 Endagembogut 18:13

Aap Kitikiya endagembogut a'nuk wone lengganogo yorage kagak tahun 13 eeppunuk, ambi age paga at aap Atiyut mendek inowe endagembogut Tanerip nen it Yekura inawi kota-kota yugum pak wurik wonage kagak, o nogo abok aret oba kwi'nari unggwage logonet, tebenggo'net nagagerak.

2 Mbinineegwaarak 27:4

o Yekura puut nggelok-nggobok me o kota-kota eerogo pit nage nagagerik, yugum pak wurogo pege, o arum nggayo logorak eyonggaame o yerek-nggorek wurogo pit nage, eereegerak.

Ndawi 106:21

It inagap ndaka Ala nogo inami ogwe, At o Metit iya tit eerit nage,

Ndawi 95:6

Ninogoba Ala at aret o. Ndi, nit ti, aakumi at mendek aret me, At nen ndegenninake kagak wonogwe, Ndomba wogoren nogo mengga kwak, Wo'niren nege kagak wonogwe, Eeko monggoorak me, Ninendobanggun yindumbunuk at alut eekwi, Ogobakkigirogo pinaneegerak at Aliku ALA abu'me tebe yi unggwogwe, Eeruwok o.

Yetaya 17:10

Kit Iterali yi, wae. Kinagap ndaka Ala mari eerogo pugwi, Kinayugum pak wurogo pereegi kwak wonagagerak nogo kinami age, Eereegutak me, Yi mendek ndi mendek abe awi kenok mban yarit nogwe, Eyo anggur awi abu abe aakumi alik iname mendek wonok yari unggwi wogwe,

Yetaya 29:23

Ata, neenggi paga obeelom eeppiinet naminggirak paga inapuri ambik aremenggaarak Inenggela'me wonogwe iigo logonet, nendage obeelom mban logowak nduk eerit nugwi, Nit Yakup mendek ninogoba Kikak Nakeelik Alik Leenak ti, kikak nakeelik alik leenak menggerak o, yinuk, yogwe, Ndi, Iterali inogoba Ala paga, Iya! yinuk, inomanggen tayok ari, Eeko logogun o.

Yetaya 42:13

Wim eeruwok nduk aap wakaa'ngget wundi wogo mengga kwak, Aliku ALA togop aret wundi wage, It aap wim eeka nen wim eeriyak inikime lik yuwak nduk eeko mengga kwak at togop aret eekkolage, Eeke logomenggerik, “Nawim yi o,” yinuk, inom perenggolage logonet, tebenogo piinok, eegin tiyak yigin o.

Yetaya 42:25

At anini kani kunik negen ninoba pinanege, Wim nen abu iya lombok ninoorit wagak yuwak nduk, eeppiige, Eereegerak o. Ti eerogo pinaneegerak nogo ti, kani omoonuk enggela'me negen wonogogurak kwe, niniki liippugwi, Kani nen nineebe nengge negen eeke nagagerak kwe, “Ndogop eekoorak paga ee'ninake,” mbakwi, Eeka'lek aret wonogogurak o.

Yetaya 9:10

It aakumi ti nen yogo logonet, “Yugum o wurik langgunik nogo peebi obaane'me yugum abe ogobakkigirik paga wukwi, Eyo wuli muurogo pugu nogo obaane'me eyo nggabina yakwi, eerugun o,” Yinuk, yogwe kwe,

Yetaya 9:9

It aakumi Eparayim mendek inom, it o Tamariya menggaarak inom, it aakumi abok ti, “Nit iya,” mbakwi, iniki wogoppakwi, Eeko menggaarak abok aret nogo nen inoba ariyak wone yugu nogo ineenu arugun o.

Yeremiya 17:27

an wone yoragagirak konembunuk nogo 6 yippunuk ko'lu paga alik leenogo pugwi lek, ne 7 ti paga inamendek luurik-maarak aago wonok o Yerutalem tu unggwi wogo menggam unggwi wogwe iinok, o Yerutalem tu unggwogo menggam time kani noguk yuurak lek mendek wuninogo piminggirak paga, aap inendagembogut inawi nggwok abe wurik abok aret kani pup eerogo nengge logogin, yegerak, yoret o,” yinuk, yo'negerak me, yokkiragi o.

Yeremiya 2:32

Kwe tawe alilibano li'luk eekkolaga'lek mari eerogo mbo pege, Kwe tawe ogonggelo imbirak lambumbiigwi me, ayum-agali ngget mendek yikkolaga'lek teppege, Eeke menggerak mbakop? Togop eekulik aret kwe, It an napuri perak, o maan aret mari eerogo mbo paneegwaarak wonage neegak, Ne ndi kuli ari naga o, yinuk, yuurak meek aret o.

Yeremiya 23:27

It aap ti, inogobamini nen kugi Mba'an mugurok nogo logonet, nendage mari eerogo pereegwa kwak, Nabi ndogop kagarak o, yinuk, it mban-mban mbininggwi paga an napuri ti, nendage kobak eerogo puwak, mbako menggaarak.

Yeremiya 3:21

It aakumi obeelom eerit nugwi nogo mbo punuk, eekulik mendek eerit nugwi, Inogoba Aliku Ala kobak eerogo pugwi, eekaarak me, Puut-puut puluk ko aago nogome logonet le yogwe, Aakumi Iterali leenggu maako logonet, Yeenggwa niret o, yinuk, yogwe, Eekwi konenggo ogoorik o.

Yeremiya 5:17

Iterali paga wiganak ineyabu eerak anggen yugu inom, inambi-mbiingga inom, lek eerogo nenet nogwe, Inapuri wologwe-komologwe lek eerogo piigwi, Inaanggumi kambin-ndomba inom, lembu-tapi inom, lek eerogo pit nogwe, Ineyabume anggur yarak ero inom, eyo wuli ero inom, muurogo pit nogwe, Ndi, inawi kota-kota yugum pak wurik me iniki ti paga panggonak wonogwe nogo pup eerogo pugwi, Eeko logogun o,” yinuk, yegerak me yokkiragi o.

Yetikiyen 23:35

Togop aret me, Aliku Itok Menggerak ALA nen yegerak nogo yi aret. “At nen an mari eerogo panege, ndi, ambokan munogo panege, eereegerak me, enggali lek amendek kin eerogo pit nage, Ugun ee'nabuwak, mba'nuk eerit nage, eeke nagagerak onggo eeppuurak toolak nogo, at aret nengge logowak o,” yinuk, yegerak me, yokkigi o, yoreegirak.

Oteya 13:6

Mbi wogoragagirak nogo, ndonggorogon nunggwi, Ndonggorogon nenok, iniki wogoppakwi, Eeko logonet, An inomari eerogo mbo paneegwaarak o.

Oteya 2:13

At nen obari abe kaga it kugi Mba'an inake kani kungge, Obaanggi-obaangge eeke logonet, iinggen enggaanok me yikkolage, aruk ayo eekkolage, Eeke nagaatik, It at iniki kunik eeko menggaarak nogo muguren nage logonet, ami eerogo mbo paneegerak me, An nen aaninggin at oba kwippigin o,” yinuk, at Aliku ALA nen aret yereegerak o.

Oteya 4:6

Ndi, it an napuri kunduk, neebe liippanega'lek me, ineebe lek aret arugun o. It neebe unde nen an liippaniyak wone nogo, it yoraga'lek mbo pereegwaarak paga an nen it mbo piige, Eeko logorak wone an inogoba Ala nen yoragagirak nogo, Mari eerogo pereegwaarak paga an nen it inapuri liippiyaagin lek mbo piige, Eerigin o.

Amot 1:10

An nen o kota Tirut yugum pak wurik paga kani nappi woraminggirak me, Yugum pak wurik me inarum logorak inawi wurik nogo kani nen lek eerogo nagin o,” yinuk, yegerak o.

Amot 1:12

An nen o Teman kani nappi woraminggirak paga o Mbotera yugum pak wurik me inarum logorak inawi wurik nogo kani nen lek eerogo nagin o,” yinuk, yegerak o.

Amot 1:14

An nen o Araba yugum pak wurik paga kani nappi woraminggirak me, Yugum pak wurik me inarum logorak inawi wurik nogo kani nen lek eerogo nagin o. Wim inoba kwi'nari unggwogwe eyom paga kumi-wa'le inoone ya-kwa agan nogwe, O wiya oone pu warit wage menggi kwak, wim eeko logonet, keekok piyanggogwe, Eekwi iigak,

Amot 1:4

Aap Katayen wonage menggim kani nen lek eerogo nengge, Yugum pak wurik me aap endagembogut Mben-Karat awi wurik nogo kani nen lek eerogo nengge, eeruwak nduk, Kani kunik nappi woraagin o.

Amot 2:5

An nen o Yekura yime kani nappi woraminggirak paga o Yerutalem yugum pak wurik me inarum logorak inawi wurik nogo kani nen lek eerogo nagin o,” yinuk, yegerak o.

Epetut 2:10

Ala nen aret ogobakkigi'ninabeegerak me, nit at amendek aret ogoorik o. Nit nda'naga'lek niigak obeelom eerit nogo logorak Ala nen maan kooneegerak nogo, Keritut Yetut ninom kunik logonet eerit nogo logowok nduk, ogobakkigi'ninabeegerak.

Pelaareegerak 32:18

Yugum nu'lek menggi kwak menggerak kinogoba ndakkinabeegerak nogo, tene mbo punuk, mbaganggwi, Kinagalo kwak ndarogo pinagareegerak Ala nogo kobak eerogo pugwi, Eereegutak o.