Oteya 8:11 - Ala Wone Peenok Peebi Mbanak

¹¹ It Eparayim mendek nen inomaluk lek aruwak nduk warogo wogogo menggam ambik ogobakkigirogo pit nogogwaarak kwe, Warogo wogogak ogobakkigirik ti paga maluk ambik aret eerogo pit nogo agaarik o.

Oteya 8:11 ပူးပေါင်းရင်းမြစ်များ

Yeremiya 16:13

an nen inabuwa mbarigin lek, o yime nen wumbiinok, o ambi it inom, inombomini inom, ineenggo'lek me time mbo piyaminggirak wonogo logonet, an neegak kwe, liingge-kii'me inagugi mban mugurok nogo logogun, yegerak, yoraamunggun o,” yinuk, yo'negerak.

Yeremiya 17:1

At Aliku ALA nen ari logonet, “It Yekura inomaluk ti, liiru mbangga irip mbuti kunik paga inom, Liiru mbangga irip yugum mee'nggen kunik paga inom, Yugum tabak paga kwak inikime mbanak wonage, Ndi, warogo kani kunggo menggam unggut-unggut to ari nogo paga ayo wogo wonage, Eerak aret agaarik o.

Oteya 10:8

O Mbet-Awen puut-puut kugi awi wuppunuk maluk eerit nugwi ti, Iterali maluk eeko menggam aret me, Lek eerogo pit nagun o. It inayuk wukwi inake warogo wogoragak ogobakkigirik nogo paga iri'ngga alok-palok mban yinik-kunik eerogo pege kenok, It nen, “Nit nineebe noba'ninabu o,” yinuk, puut-puut yorogwe, Ndi, puut-puut teberogon nogo yorogo logonet, “Kit nen aan wogonogo nineebe lebembinaninuk logonip o,” yinuk, yorogwe, Eerugun o.

Oteya 12:11

O Nggileyat time maluk eeko menggam aret me, it aakumi ti, we aanom warogo kagak eerit nugu menggaarak. Ndi, o Nggiligan time tapi ngguunok warogo inagugi ake wogorogwe me, Inagugi warogo wogoragak ogobakkigirik nogo ti, yugum yabume kalo logonogo pit nogo mengga kwak aret wonage agaarik o.

Oteya 5:4

“It eerit nugwi ti paga yilunogo pateegwaarak me, iniyokan inogoba an Ala neya woroorak meek aret agaarik o. Kumi ugun eeginaburak iniki nen yorage kenok, ugun-ugun eerit nugwi kwak eerit nugwi, Ninogoba Ala at aret, nombakwi lek mbo panugwi, Eeko agaarik o.

Pelaareegerak 4:28

Kit mappinagamenggerak time wonogo logonet, eyo mendek a, yugum mendek a, ineenggi paga inagugi ogobakkigirik nogo nen enegen pegiige, aruk konengge, ambe lagap ari, obari wunggage, eekeelik mendek kagak, Ala obaane'me mippunuk alut eeko logomunggup o.