Oteya 7:6 - Ala Wone Peenok Peebi Mbanak

⁶ Lako menggam kani wunuk mban ari menggi kwak wonogo logonet, Yogop eeruwok, ndogop eeruwok, iniki aganggen kerek togon koonggo nagaatik, It eeriyak koonggaatak nogo oonikiya paga nabu agan wangge, O kubondendok paga kani wunuk ari menggi kwak aganggen eeginake kenok, eekwi, Eeko menggaarak o.

Oteya 7:6 ပူးပေါင်းရင်းမြစ်များ

Ndawi 21:9

Ndi, keebe kin ari wage logonet, Kani kunggo menggam omoonuk wunuk ari menggi kwak Ineebe togop aret eerogo piige, Kani nen yi mendek ndi mendek nenet nage menggi kwak Kaliku ALA kanini nen ineebe lek eerogo piige, Keebe paga kani wunuk togon wungge logonet, ineebe nenet nage,

Oteya 7:4

Nogo yuwok nduk, nggigani kumbunuk, nogo yogo nagaatik, kani nogo noguk yaga'lek kunik aret wonage me, mbi worako mengga kwak, It aakumi abok aret ti, ti kwak logonet, an mbo paninuk iniki aganggen kerek togon maluk eerit nugu agaarik o.

Oteya 7:7

Lako menggam kani wunuk mban ari menggi kwak, it ti apit togop aret aago wonogo logonet, Inoweewi inarum waka inambeme yonggorinakwi, Inoweewi inendagembogut nogo ambi warogo pegak eekwi, Eekwi iigak kwe, It ambi nen, Yeenggwa niru o, yinuk, inoone nggwok paga an yo'nega'lek aret agaarik,” yegerak o.

Mika 2:1

It aakumi maluk eeriyak koonogo pugwi, It nogo yogo menggam windak logonet, “Maluk ndogop eeko logowok o,” yinuk, koonggwi, Eeppunuk, O kilim nagake kagak, inayuk warak me, eebe aret eeko menggaarak ti iya me, inabuwa o.