Oteya 7:2 - Ala Wone Peenok Peebi Mbanak

² It maluk eerit nugwi abok aret an aberak minggirak nogo it liippanega'lek aret wonogo agaarik o. Inomaluk nogo nen wanggeppiinok wonage, It maluk eekwi ti, an aberak mban wonage, Eeke agaarik,” yegerak o.

Oteya 7:2 ပူးပေါင်းရင်းမြစ်များ

Ayup 34:21

Aakumi eerit nugwi nogo Ala enegen wogoren nege, Yiru-ndiru nugwi nogo, at enegen liippiige, Eeke menggerak me,

Ndawi 25:7

An tawe logonet maluk eeke, Wone yugu taganogo pit nage, Eeke nagagirak nogo, Kiniki aberak logorak mage o. Ata, Kaliku ALA obeelom aret me, Aakumi kiniki kunik aganabit wundi wage menggendak ndak-ndak an noba abeke logot o.

Ndawi 50:22

Togop aret me, Kit noba mari eerogo panugo monggotak yi, It ambi nen kinagap ndaka'lek kagak, An nen nibinik-ndelenak eerogo pinagage neyo, Wone kiniki liippogo logorak nogo yi o.

Ndawi 9:16

At Aliku ALA nen eekaatak a'me nggelok eeppiige menggerak kenok, Endage wigak yereegerak me, It maluk eeka nen keele pereegwaarak paga it aret ggerenggologo menggaarak o.

Ndawi 90:8

Nit maluk eekwi nogo kenegen niige, Ninomaluk nobarak wonage nogo, kabinak paga kin eeppege, Eeke menggendak o.

Yetaya 1:3

Tapi nen, Ninogoba yi aret kogo, yinuk, liippugwi, Ndi, keledai kunduk, inogoba nen inambi pipuk eerogo piige menggim ineenu wonogwe, Eeko menggaarak kwe, It an napuri Iterali perak, inogoba an liippanega'lek kobak aret wonogo agaarik o,” Yinuk, yegerak o.

Yetaya 26:16

Kaliku ALA wae. Nit nonggop eekkoloobok kenok, kat kowagam wogwe, Niniki koonnaruwak nduk, aaninggin ninoba pinanege mbareegin, “Ai-ao,” yogo logonet, tamban eekwi, Eekoorak o.

Yetaya 44:19

It aap ti nen, “Eyo eegu ti paga togwi worakkolaawok nduk kani kunggwi, Kani anggen paga inambi worakkologwe, Wam enggaanggum inom worappunuk nunggwi, Eeko monggoorak kwe, Eegu ti paga ogole warak kugi ogut ogobakkigirogo pakwi, Eyo mbanak kagak abu'me tebe yinuk, ayuk wukwi, Eeriyak ti op ilik?” yinuk, iniki koonggwi, Yelok kogwe, liippugwi, eeka'lek aret agaarik o.

Yetaya 5:12

Laago lako logonet, nggitat nggwok inom, mbuuluk inom, lobale eeka inom, nggawiwak inom, Oone eeko logonet, anggur amburu mban nonggo menggaarak kwe, At Aliku ALA eeke menggerak nogo inigen kogwe, At Aliku ALA eerit nage nogo iniki liippugwi, Eeka'lek aret wonogo agaarik o.

Yeremiya 14:10

It aakumi yi, eekwi iinok, Aliku ALA nen yegerak nogo yi aret. “It aakumi yi, yagak-ndagak nugu logorak inikilom mbakwi, Iniyok teberogon logorak meek age, Eeko menggaarak me, Naliku ALA nen nale'nggen inombaka'lek logonet, it maluk eerit nugwi nogo abeke, It inomaluk onggo aaninggin inoba piige, Eerigin o,” yinuk, yegerak o.

Yeremiya 16:17

Ineebe nenegen iige neyo kumaarak wonogwe, maluk eerit nugwi nenegen kage neyo nobarak wonogwe, eerak wonogwe lek it eerit nugwi nogo abok aret nenegen wogoren nege minggirak o.

Yeremiya 17:1

At Aliku ALA nen ari logonet, “It Yekura inomaluk ti, liiru mbangga irip mbuti kunik paga inom, Liiru mbangga irip yugum mee'nggen kunik paga inom, Yugum tabak paga kwak inikime mbanak wonage, Ndi, warogo kani kunggo menggam unggut-unggut to ari nogo paga ayo wogo wonage, Eerak aret agaarik o.

Yeremiya 2:19

It maluk eekwi nen aret maluk eeginake, It an noone ineebi mbakwi nen aret ineebe andi-pandi eerogo piige, Eerigin o. Togop me, it nen, Ninogoba Aliku Ala mbo pugwi, At ayuk wukwi, eeka'lek niinok, Abu maluk aret eekwi, niniki andi eekkoloorak mendek eekwi, eeko ogoorik kogo o, yinuk, Ineenu ogwe, iniki liippugwi, eeko logowak o,” yinuk, at ninogoba Omaawi Lombok Menggerak Aliku ALA nen yegerak me, yokkiragi o.

Yeremiya 32:19

Kat eeriyak kiniki koonit nage nogo ti, abu iya o! Ndi, eerit nage menggendak kunduk nggwok lombok aret o! It aakumi inalitak lombok iniki koombunuk eerit nugwi nogo abok aret kenegen wogoren nege, it aakumi maluk eerit nugwi paga, eerit namenggaarak anggen yugu paga, onggo ndak-ndak eeppiige, eeke menggendak o.

Yeremiya 4:18

“It Yekura mendek eerogo piigwi abok aret ti, inalik nen inobaabut paga, eeko nogogwaarak paga, inoba pakaarak o. Eeko nogogwaarak onggo inoba piigwi ti aret me, iniki andi lombok eeginake, Iniki me mondok ndanuk yi unggwage, Eeke me, mondok iya o!” yinuk, Aliku ALA nen aret yegerak me, yokkiragi o.

Yeremiya 44:21

“Kit inom, kinombomini inom, kinoweewi inendagembogut inom, it aap kinoweewi inengga warak inom, it aakumi o yime menggaarak inom, abok aret nen o Yekura kota-kota kunduk, o Yerutalem tu paga tu paga kunduk, obari abe kaga kani kunit nogo nogogutak nogo, at Aliku ALA nen kinoba abekkinake, liippinagage, eeke logolik mbakop?

Yetikiyen 21:29

Kit eeppinagarak nabi ndogop kagarak o, yinuk, yorogwe nogo ti, piliret yorogwe, Ndi, tili paganogo yorogwe nogo alik kagak yorogwe me, pilit aret yorogwe, Eekwi me, It aap maluk eeka inooriyak eyom panggoni wage, Irip paga maluk onggo eeppiyoorak eyom ari wage, Eeke kenok, Wooluwak ti, it aap maluk eeka nogo inenggaanok paga titik eerak wonage agaarik o.

Oteya 12:2

At Aliku ALA nen it Yekura mendek ambi eekwi paga yoroorak mbake, It Yakup mendek eekwi nogo mugurok eeppiige, It maluk eerit nugwi nogo onggo ndak-ndak eeppiige, Eerigin o.

Oteya 4:9

It aakumi eeppiyaagin nogo ndak-ndak, it an neebe unde ti kunduk, togop aret eeppiyaagin o. It imbirak eerit nugwi paga aaninggin inoba kwippiige, Imbirak mban maluk eekwi onggo ndak-ndak eeppiige, Eerigin o.

Oteya 6:2

Mugurok nogwe niinok, nogo mbere yippunuk, nineebe andi lek eerogo pinanege, Ndi, nogo mbere yippunuk ko'lu nit ninomaawi eerogo mippinanege, Eeke logomenggerik, Ninarum wonage kagak, eerit nogo logogun o.

Oteya 8:13

An nake pugu nogo, it nen warogo wo'nugwi, Nake warak nogo enggaanggum it nunggwi, Eeko menggaarak kwe, Naliku ALA nen ninikilom mbakeelik aret agarik o. It maluk eekwi ti, an niniki aberak logonet, onggo aaninggin inoba kwippiyoorak nogo ti, Iniyokan o Metit nappiyaagin ti aret!

Oteya 9:15

Aliku ALA nen ari logonet, “It maluk eekwi wigak yereegerak nogo ti, O Nggilagan lombok nen wigak yereegerak me, Neebi lombok inombarit wundi wage logorak iyaalok lombok nogo ti, time nen aret o. It maluk lombok eekwi ti paga an nawi wurik me nen ineebe mbo wumbiige, Ndi, inoweewi nogo nen an yorage eeriyak ineebi lombok mbako menggaarak me, It an niniki kunik eeginabigin lek mbo piige, Eerigin aret o.

Oteya 9:9

O Nggibeya mendek maluk abu iya lombok eeko nogogwa kwak kit maluk iya lombok eekko'net unggwogwe me, Kit maluk eerit nugwi nogo at Ala abeke, Ndi, kinomaluk onggo eeppinagage, Eeke logogin o.

Amot 8:7

At Aliku ALA nen ari logonet, “It Iterali maluk eeko nogogwaarak nogo, an nami arigin mondok lek o, yinuk, it Yakup mendek nen inogoba tiyappanega nendage kumbatinuk yagi o.

Yunut 1:2

Aliku ALA nen ari logonet, “O kota nggwok Niniwe time inomaluk mondok iya lombok eekwi iigirak me, inomaluk mbo puwak nduk wone yora nak o,” yinuk, yoreegerak.

Linggineegwaarak 32:23

Ndi, wone yogotak nogo ndak-ndak eerumunggup lek kenok perak, Aliku ALA aret maluk eeppumunggup me, Kinomaluk nen eyak nibingginabi woraagin, abet aret mbako logomunggup o.

Lukat 12:2

Yi eekwi ndi eekwi nobarak wonage kenok, tena'me aret age, ndi, kiraarak wonage kenok ti, pagak ari, eerigin o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

Pelaareegerak 32:29

Iniki warak wonogwe, liippunuk ineenu ogwe, Eeppunuk, Nit irip paga togop aret eeppinanugun, kogo, Mba'nuk, ineenu aruwak lak, ao, mbake menggerak o.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.