Oteya 7:14 - Ala Wone Peenok Peebi Mbanak

¹⁴ It nen, Ninogoba yeenggwa niret o, yinuk, iniki abe paga yo'nugwi lek o. Ata, an mbo paninuk, gandum inom, anggur amburu ngget toolak inom, Inambik inagugi nen wo'niraawak o, yinuk, It nogo yogo menggam logonet le yogwe, Ineebe nggawi penek eerogo pakwi, Eeko menggaarak o.

Oteya 7:14 ပူးပေါင်းရင်းမြစ်များ

Wundeegwaarak 32:6

Nggomooke mbareegi, ko'lu kuubondendok it aakumi Iterali mendek nogo Ala kwak ogut eerak nogo ake inaanggumi warogo kani kunggwi, eegu nggami aanggo wakwi kwak wariyak nduk warogo lakwi, eeko logonet, yi inom, mbi inom, nenok, mi'na'nuk kwirabik-kwirabok yogo logonet, kumi-aap inom ugun-ugun eeko nogogwaarak.

Yetaya 29:13

At ninogoba Ala nen ari logonet, “It aakumi yi, we inoone paga nen mban ninom kunik wonogwe, Inambe paga nen mban nendage tiyappanugwi, Eeko logonet kwe, Iniki perak, an ninom abu ogoorak wonogo agaarik o. It nalut eekwi nogo ti, aakumi inoone yugu mban mugurok nogo logonet, nalut eeko menggaarak.

Yetaya 52:5

Aliku ALA nen ambi ari logonet, “Alom lek kagak napuri ugun wogoren nogwe, It aakumi inarum wonogwe nen meek eerogo piigwi, Eekwi me, An yogondak nonggop eeppiyoorak mbake agarik o?” yinuk, Aliku ALA nen yegerak o. “Kubondendok nen nok oonikiya ari nage kagak nendage miyuk-meya eerogo panegak eeko agaarik o.

Yetaya 65:14

It an nayeloman mini nogo iniki ale'nggen nen ndawi wako logonet, keekok yogo logogun kwe, It perak, iniki aaninggin ndugu aago logonet, inoone nggwok paga le yogwe, iniki wakkologo logonet, leenggu maakwi, Eeko logogun o.

Yeremiya 12:2

Eyo awi yako mengga kwak yarogo piige mbaken, It togop aret inomanggen yakwi, kwit agan laganggwi, anggen yugwi, Eeko menggaarak. Inambe paga nen kendage yogwe kwe, iniki perak, abu nda lombok wonogo agaarik o.

Yeremiya 3:10

An nen Iterali eeppiige abok aret it ugun-ugun eekwi inawuluk Yekura nogo nen inigen iige nagagerik, iyokan neya wagagerak kwe, iniki abe paga woroolik o. Ata, neya wage yuwak wagagerak o,” yinuk, Aliku ALA nen an yo'negerak.

Leendawi 2:18

It aakumi ti, inoone nggwok paga inogoba Ala yogwi me, O Tiyon Aagalukwe obak wurik kat yi wae. Tat yonggonggolage, kale yaga'lek puk wonage, eeka'lek niyo nage menggi kwak Liingge-oonikiya kali-kale mban nggininogo wurabit wage logot o.

Oteya 13:6

Mbi wogoragagirak nogo, ndonggorogon nunggwi, Ndonggorogon nenok, iniki wogoppakwi, Eeko logonet, An inomari eerogo mbo paneegwaarak o.

Oteya 13:9

It Iterali mendek yeenggwaaraga an nen aret ineebe lek eerogo piige me, aap ta nen it yeenggwaaraagin o?

Oteya 3:1

Aliku ALA nen an yo'nege logonet, “Kat kakwe ti, terak wuka aap alik nen iniki kunik eekwi iigak kwe, wa nanuk, kiniki kunik eeke logomunggun o. It aakumi Iterali mendek inogoba an aret wonage neegak kwe, mbo paninuk, kugi ayuk wukwi, anggur anggen woloonak paga oroti worarogo punuk, kugi ake pugwi nogo noorak inikilom mbakwi, eekwi iigak kwe, Naliku ALA nen it Iterali mendek niniki kunik eeginake minggi kwak, kat kakwe ya wukak ti, kiniki kunik eeke logonok nduk, wa nak o,” yinuk, yo'nereegerak.

Oteya 8:2

Togop aago kenok, it Iterali nen, Ninogoba Ala o, Kat nit ninogoba, ndi, nit kat kapuri aret nineenu o, Yinuk, inoone nggwok paga yo'nogo menggaarak kwe,

Amot 2:8

Inawu wogorogwe iinok, inayum nogoyum laalu porogo logorak waganggaatak nogo paga inagugi inake warogo wogorogo menggam eraanu time lenggenogo punuk, nogo yit nugwi, Wone taganogo pugwi iinok, onggo anggur amburu waganggaatak nogo, inagugi awi wurik me time nunggwi, Eeko menggaarak.

Amot 8:3

“Ne ti eyom paga o nggwok abe wurik me ndawi wako logomenggaarak nogo obaane'me leendawi piyanggwi, ineebe inoorak ambik aret mbo nappiinet namenggaarak iigwi, eeko logonet, inoone lek inigen keme yogwe puk aret logogun o,” yinuk, Aliku Itok Menggerak ALA nen aret yegerak me, yokkiragi o.

Mika 2:11

Aap pilit pugunogo inambokan lagangga ambi nen wage logomenggerik, ari logonet, An perak, anggur amburu inom, kumili aganaka amburu inom, ndonggok togon nonggo logorak yokkirage logogin o, yinuk, yoraga nogo mendek it inobam aret me, inenggela'me logonet yoragak yuurak op aret o,” yinuk, yegerak me, yokkiragi o.

Takariya 7:5

“Aakumi o time menggaarak abok aret inom, it aap an neebe unde inom, yorage logonet, Tahun 70 eeke kagak, tut 4 penembunuk, ambi penenak paga inom, ti'nuk, tut 6 penembunuk ambi penenak paga inom, mbi nengga'lek inambe mage negen logonet, iniki wakkologo nogogwaarak nogo ti, At abet aret nit liippinanuwak, mba'nuk, mbi nengga'lek inambe mage negen logonet, iniki wakkologo nogogwaarak ilik, lek a?

Oroma 16:18

It aap togop eerit nugu menggaarak mendek nogo ti, ninowe Keritut ayeloman logonet, ake eerit nugwi lek o. Ata, inaanogum ake mban kwaarit nogo logonet, “Yogop eeruwok, ndogop eeruwok,” yinuk, inoone yanggorogon amburu ndik-ndik paga pilit pugunogo it aap iniki ugun mendek nogo inambokan laganit nogo menggaarak me, kinom ogoorak aret logonip o.

Pilipi 3:19

It aap ti nen nggween paga mendek mban abekwi, inaanogum ake mban tiyappugwi, inenggali ariyak kagak wogoppakwi, eeko menggaarak me, Ala nen mondok lek eerogo piyaagin kwe,

Yakobut 4:3

Ndi, kit ando Ala nen wokkiraawak nduk nggino yogo monggotak kwe, kiniki nengge nogo mugurok nogo logonet, lek eerogo patuwok nduk, kiniki abu alik koombunuk yogwi me, wokkiraagin mondok lek o.

Yakobut 5:1

Kit aap kineenggi warak yi, kinaruk logonip o. Kit andi yagan wako logorak eyom panggoni wage me, kinale yikkologwe, kinaleenggu maakkologwe, eeko logonip o.

Owak Loongga 9:27

Mbakwi iigak, it aap nogo yabu yarak me nogo nogogwaarik, anggur anggen mbanogo kuwak eerogo aambiranogo punuk, iniki ale'nggen paga laago lappunuk, inagugi awi wurik me unggunuk, mbi nunggwi, anggur amburu nunggwi, eeko logonet, Abimelek pulunogo pereegwaarak.