Oteya 5:9 - Ala Wone Peenok Peebi Mbanak

⁹ Aaninggin inoba piyoorak ne ari wage kenok, Eparayim nogo kaliirubu pup eerogo piyaagin o. Togop aret me, it Iterali inanebunu lombok inenggela'me, Wone yi, abet aret eerigin, mbaruwak nduk, yorage agarik o.

Oteya 5:9 ပူးပေါင်းရင်းမြစ်များ

Ayup 12:14

At nen minogo pege kenok, aap ambi nen obaane'me wuke, Ndi, at keele maarogo pege kenok, aap ambi nen keele piinogo ame nappege, Eeriyak meek o.

Yetaya 37:3

Nappiyareegerak nogo nogogwaarik, at Yetaya nogo yogwi, “At Kitikiya nen wone ari logonet, Kwe aagaluk ndariyak eyom agaatak kwe, ndariyak omaawi lek age menggi kwak, ne yogondak yi paga nit aaninggin ambik ninoba age, ninenggali age, meek lombok ee'ninake, eeke me,

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Yetaya 48:3

O maan aa'nduk togon wone arit wagagerak nogo, eeka'lek kagak, Ndogop eerigin o, yinuk, yorage, Eeka'lek kagak yorage, ineenu eeppiinet nage, Eeke nagagirik, Ti'nuk, yini-panip eereegirak paga wone ti abok aret kin agagerak.

Yetaya 48:5

It nen, Wone ti, ninagugiwak nen eekaarak o, yogwe, Nagugi ogut eyo paga ogobakkigirogo pigirak inom, mbuti worarogo longgo warogo pigirak inom, nen wone lengganogo yorage kenok, agaarak o, yinuk, yogwe, Eekwi iyo, Peebi ndogop age kaamunggup o, yinuk, wone nogo maan aa'nduk togon yorage, Eerigin nogo aga'lek kagak ineenu eeppiige, Eereegirak o.

Yetaya 7:16

at nen maluk kenok mbo pege, obeelom kenok miikkolage, eenu ariyak eyom awo ari waga'lek kagak, it aap inendagembogut ineebe mbere paga kinagabiti mbakwi nogo it inanggween paga aakumi lek o wogome kwak aret age kaamunggup o.

Oteya 5:12

Togop aret me, yininuwo nen yi mendek ndi mendek mbanogo pit nage menggi kwak, It Eparayim eeppiyoorak an togop aret wonage, Ndi, nggoon nen eyo mbangge menggi kwak, it Yekura eeppiyoorak an togop aret wonage, Eerak aret agarik o.

Oteya 5:14

It Eparayim mendek eeppiyoorak an singa kwak wonage, Ndi, it Yekura mendek eeppiyoorak an singa awooluk eyak ambik menggi kwak wonage, Eerak logonet, An nen it ando nibinik-ndelenak eerogo piinok, nggarek ari, Ando neyak nggereneren nage, Eerigin me, Aap ambi neyak me nen ndinigin lek aret, yegerak me, yokkiragi o,” yinuk, yoragagirak.

Oteya 7:12

Togop eekwi iigak, an nayum towe yilunggaga nogo mbiganogo inoba nappege, Yum mbiganogo pegaatak towe yonggo'nage kenok, nigogo wuppi wogo mengga kwak eerogo piige, Eeke logominggirik, It maluk eerit nogwe nogo aaninggin inoba kwippiigak eeke logogin o.

Oteya 8:8

Yi mendek ndi mendek maluk agaatak kenok, Yi an uugwe lek o, yinuk, mbo pogo mengga kwak, It Iterali nogo inawim nen inambeme yonggorinakwi, It aakumi inambik inenggela'me logowak nduk mak eerogo piigwi, Eereegwaarak Wonogo agaarik o.

Oteya 9:7

Aaninggin kinoba kwippinagarak eyom muk panggoni wage, Maluk eekwi onggo ndak-ndak eeppinagarak ne muk panggo yi wage, Eeke me, Kit Iterali kineenu eeppinagagi o. Kit maluk nggwok lombok eerit nugwi, At kineebi lombok ombakwi, Eekwi me, At nen yorage kagak yokkiraga nogo ti, “Wi nen aret ari,” mbakwi, Ndi, it aap iniki warak nen yokkiraga ti, “Iniki mbanak nen aret ari,” yogwe, Eeko ogotik.

Amot 3:7

At Aliku Itok Menggerak ALA nen eeriyak koongge ti, Ayeloman mini at nen yorage kagak yoraga nogo, Wone yoraga'lek kagak it perak togon yorogo logorak lek aret mbako logonip o.

Amot 7:17

At Aliku ALA nen ari logonet, At aap Amatiya akwe nogo, o kota time terak wuka aret age, Apuri wologwe-komologwe wooluwak paga inoorak kanggwi, At anggween nogo keele wakkagak paga wakkaanuk, tumbukkologwe, At eebe lombok kambuwak nduk, aakumi Ala abu ineenggo'lek wonogo menggam paga pi nogwe, Eerugun o. Ndi, it Iterali ti, inanggween lombok paga nen abet aret kugun wogoren mbo piya nagun, yegerak me, yokkigi o,” yinuk, yoreegirak.

Amot 7:9

Aaninggin inoba kwippiige logonet, it Itak paga wiganak nen puut-puut paga warogo wogorogo menggam nogome abok aret yigirik-noonom eerogo pege, It Iterali inagugi ayuk wurit nogo menggam alik leenak wonage nogo minogo pit nage, Eeke logonet, At aap endagembogut Yerobeyam paga wiganak kunduk, nawooluwak paga nggaluk nawak nduk, mi'narigin o,” yinuk, an yo'nege kagagirak.

Mika 6:13

An nen kat kooriyak nduk eeke, Kat maluk eeke paga kenggaawak lek eerogo pagakit nduk eeke, Eeke agarik o.

Takariya 1:6

An noone ari, wone lengganogo pege, eeke nagagirak nogo, it wone yorage neegak, yoraga nayeloman mini nen yorogo logowak nduk, wone lengganogo yoragagirak nogo, kombomini ndak-ndak eeppiige neyareegwaarak, ilik, lek a? Ti eeke neenok, inomaluk mbo punuk, yogo logonet, Nit nineraambe maluk logonet eerit nugwi, nit maluk lombok eerit nugwi, eeko monggoorak nogo, at Omaawi Lombok Menggerak Aliku ALA nen onggo eeppinaniyak kooneegerak nogo ndak-ndak eeppinanege me, op aret, yereegwaarak nogo lek a? yinuk, yoret,” yegerak me, yokkiragi o, yoragagerak.

Yaya 16:4

Aa'nduk yokkirage logolik kwe, eekkinaburak eyom panggoni wage kenok, wone yokkiragarak yi, abeko logomunggup nduk, yogondak yi aret yokkiragi o,” yoragagerak. At Yetut ambinom yorage logonet, “An aa'nduk kit ninom logonet, wone yi yokkirage logolik kwe,