Oteya 5:14 - Ala Wone Peenok Peebi Mbanak

¹⁴ It Eparayim mendek eeppiyoorak an singa kwak wonage, Ndi, it Yekura mendek eeppiyoorak an singa awooluk eyak ambik menggi kwak wonage, Eerak logonet, An nen it ando nibinik-ndelenak eerogo piinok, nggarek ari, Ando neyak nggereneren nage, Eerigin me, Aap ambi neyak me nen ndinigin lek aret, yegerak me, yokkiragi o,” yinuk, yoragagirak.

Oteya 5:14 ပူးပေါင်းရင်းမြစ်များ

Ayup 10:16

Ndi, nenggaawak pila ari neenok Singa nen noorak mbaketak mugurok nage menggi kwak Kat togop aret mu'neren wage logonet, Andi kaawak o, yinuk, Komaawi mondok iya paga eerubok eeke menggendak nogo noba kwippanege,

Ndawi 50:22

Togop aret me, Kit noba mari eerogo panugo monggotak yi, It ambi nen kinagap ndaka'lek kagak, An nen nibinik-ndelenak eerogo pinagage neyo, Wone kiniki liippogo logorak nogo yi o.

Ndawi 7:2

Eeke lek keenok, singa nibininake menggi kwak eeppanugwi, Ndi, it ambi nen nili yogwe lek kenok, nibik-nobak eerogo panugwi, Eerugun o.

Yetaya 5:29

Singa oone kole ari menggi kwak inoone ya-mba agan wogwe, Singa awooluk inoone nggwok yu-ku yogo mengga kwak agan wogwe, It noorak ineyak nggeronggogo logonet, inogomut oone yogo mengga kwak yogwe, Waketak nogo eyak me nggereninuk nage me, ndiniyak meek menggi kwak eerak nogwe, Eerugun o.

Yeremiya 25:38

It tebenogo piiga nen wooluwak paga inoorit unggwogwe, Aliku ALA anini kani kunik negen inoba piinet nage, Eeremenggaarak paga Inanggween abu mbuk aremenggerak me, At singa wonage menggim nen mbo punuk, mbagangge menggi kwak, Aliku ALA nen togop aret eerigin o.

Leendawi 3:10

Beruang enaarak wonage, singa kiraarak wonage, Eeko nagaatik, it noorak mendek wage kenok, kok nggerembunuk, Nikkenok ku'mbanak me unggunuk nibinik-ndelenak eerogo mbo punuk mbaganggo mengga kwak, an neebe togop aret eerogo panege,

Oteya 13:6

Mbi wogoragagirak nogo, ndonggorogon nunggwi, Ndonggorogon nenok, iniki wogoppakwi, Eeko logonet, An inomari eerogo mbo paneegwaarak o.

Oteya 2:12

Ndi, It iniki kunik nen ee'nakwi onggo eyo yi aret wo'nireegwaarak o, Yinuk, yereegerak ageyo anggur yarak inom, ageyo wuli yarak inom, abok aret maluk eerogo punuk, Eyoongga negen eerogo piminggirak me, it ndiimbu-nggwiya nen lek eerogo nonggo logogun o.

Oteya 6:1

“It nen yogo logonet, At nen nibik-nobak eerogo pinaneegerak kwe, obeelom eerogo pinanege, At nen yawi ninooreegerak paga ninawin agagerak nogo nggerenogo pinanege, Eerigin me, Ninomaluk mbo punuk, niniyokan at Aliku ALA mugurok nawok o.

Amot 2:14

It aap tu inogowa ambik wonogwe nogo, mbet-mbet kole mbaganggwi, It aap inomaawi ambik wonogwe nogo, inomaawi paga panggombunuk wonogwe, It aap wim wakaa'ngget nogo, inagap ndakko'nok mbaganggwi,

Mika 5:8

Kit Iterali kinawim kinom nambuko logonet, tebenogo piigwi, Kinom ogoorak nogo lek eerogo piigwi, Eeppunuk, “Nineegin tiyak yigi o,” yinuk, keekok piyanggogo logomunggup o.

Pelaareegerak 28:31

kinigen kiigak aakumi nen kinaanggo lembu waremenggaarak kwe, makkirogwe lek mbo pinagagwi, kinaanggo keledai porogo kiigak, ndinggo'nok namenggaarak kwe, wokkira waga'lek mbo pinagagwi, kinaanggumi kambin-ndomba nogo kinawim wogorogwe iigak kwe, aap ambi nen ili yaga'lek mbo pinagagwi, eerogo pinagawak nduk, eeppiyaagin o.

Pelaareegerak 32:39

Ala lombok ambit an aret kinigen pe'neyaanip o. Ala alik ambi wonage lek, nalik aret logonet, Aakumi inoorogo piige, ineenik agago piige, Inawinde-inobaande agago piige, lek eerogo piige, Eeke minggirak an aret me, Aap ambi nen, Eeppiyoorak mage, yo'niriyak meek o.