Oteya 5:10 - Ala Wone Peenok Peebi Mbanak

¹⁰ Aap Yekura inengga warak ti, nggween kuli pugu kagak ya langgok eerogo pogo mengga kwak wonogwe me, Niyo wu'nuk wage menggi kwak, nanini mondok nggwik togon inoba kwippiyaagin o.

Oteya 5:10 ပူးပေါင်းရင်းမြစ်များ

Ndawi 32:6

Togop me, nit yokkugwi niinok, Ninoone koneniyak nanonggwan wonage me, It aakumi kat koone liippugwi nogo Abok aret kat yokkogo logowak o. Togop eekwi iinok, Niyo nggwok wuketak wik agan lagi wage logonet, It lebeninabigin lek o.

Ndawi 69:24

Kat kanini inoba kwippiige, Kanini kani kunik negen inoba kwippiinet nage, Eeru o.

Ndawi 88:17

Niyo wurik nage menggi kwak, Kanini nenaagan-nambokan wanggerak wonage kagak, Kubondendok nen nok oonikiya ari nage, Nagabiti aruwak nduk eeppanege nogo, enaarak lombok wonage, Eekak eeke agaarik o.

Kini Wuppiige 17:14

Ndugwi puwok nduk, eekwi nogo ti, niyo narak paarogo pugwi kwak aret me, Wone-wone yogwe nogo ndugwi puurak awo aga'lek kagak, mbo pogo logonip o.

Kini Wuppiige 22:28

Aa'nduk togon kombomini nen, “Kanggween yi kuli o,” yinuk, yugum mippereegwaarak kagak, ya langgok eerogo puurak mage o.

Yetaya 1:23

Aap karum wonogwe nogo noone ineebi yogwe, It aap kiraaka inom nugwi, It apit aret wone mage yugu kagak wu wogorogwe iinok waganggwi, Wu inambe nggi-nggi agan nugwi, Elege moono inaana'le mbangga'lek mbo piigwi, Kumi togwe inawone liirogon koongga'lek teppiigwi, Eeko agaarik o.

Yetikiyen 22:22

Mbuti kani worako menggam kani eyak nen mbuti perak nggalo-nggalo wangge menggi kwak, o kota aken time ineebe togop aret eerogo piyaagin me, Naliku an ALA nen aret nanini nggwik togon inoba piige nogo ineenu arugun o,” yinuk, yegerak me, yokkiragi o, yoragagirak.

Yetikiyen 7:8

An nanini inoba pege, nanini abok nggwik togon inoba kilirogo piinet nage, eerikit nduk, eeke me, ineraambe maluk wonogwe nogo ndak-ndak aret inowak looninake, maluk ogole warak lombok eerit nogo menggaarak nogo, onggo ndak-ndak aret eeppiige, eerigin o.

Matiyut 7:27

Wuppunuk wonage me, o mayu wage, niyo nggwok wu'nuk wage, o wiya wake, eeke logonet, o wurik nogo panggonggagak eeke logonet, langgonogo yigirik-noonom mondok iya tit eerit nagagerak o,” yinuk, yoragagerak.

Lukat 6:49

Ti nu'lek wonagagerak kwe, it aap an noone konembunuk, eekulik nogo perak, aap ambi o eyak nggween teberogon wurabulik we obaga aret kwippunuk, o wureegerak me, yi wu'nuk wage logonet, langgok togon ee'nuk wungge logonet, yigirik-noonom mondok iya tit eerogo pit nagagerak nogo pogom it aret o,” yinuk, yoragagerak.

Pelaareegerak 19:14

Ti'nuk, ambi yorage logonet, “At Aliku kinogoba Ala nen kit unde a'nuk logomunggup nduk, kineyate kwak nggween wokkiramenggerak nogome kinogobamini nen aa'nduk nggween kuli mbanogo patemenggaarak wonage kagak, aap kinore ambi nen nggween kuli pugu nogo pelenogo nappege logorak mage o,” yoragagerak.

Pelaareegerak 27:17

Aap ambi oreeluk anggween kuli pugu kagak, minogo alik pege kenok, at pulunik aret logowak o, yogwe iinok, It aakumi abok nen, Abet aret o, yogwe,