Oteya 4:4 - Ala Wone Peenok Peebi Mbanak

⁴ “At ambi nen, Kat eekendak paga ee'ninake o, yinuk, at ambi yogak eekwi, Ndi, inenggali wa'wat yogwe, Eerugwaarik o. An eerigin ti, it aap an neebe unde menggaarak eekwi paga aret eeppiyaagin o.

Oteya 4:4 ပူးပေါင်းရင်းမြစ်များ

Yeremiya 18:18

Yorage mbareegi, it aap ineebi nombakwi nen yogo logonet, “It aap Ala unde nen eeko logorak wone mamunnirogwe nogo lek age, it aap iniki warak nen ninaruk wakwi nogo lek age, ndi, Ala nen yorage kagak yoraga nen nit yo'nirogwe nogo lek age, eerigin lek me, aap Yeremiya ari menggerak ti, lek eerogo puurak koonuwok nduk, woraanip o. At wone yo'nirage nogo aret abut laganogo at yogwi, ndi, at, Yogop eeriyak, ndogop eeriyak, yo'nirage liippega'lek mbo pugwi, eekwi paga oone lek arigin me, eeruwok aret o,” yinuk, yereegwaarak me,

Yetikiyen 3:26

It Iterali mendek ti, an yorage eeriyak ineebi mbaka aret me, kat nen it inaruk waka'lek koone lek logonok nduk, an nen kamili waganogo kalelaan paga nabenogo pagagin kwe,

Oteya 4:17

It Eparayim mendek ti, inagugi inom kunggologogwaarak wonogwe me, inobaalombok o!

Amot 5:10

It aap tu unggwogo menggam logonet, inowak loonggwi nogo kineebi inombakwi, Inowak loonggo logonet, liirogon mban inowak loonggwi nogo meek inombakwi,

Amot 5:13

It aap iniki warak nogo nen, “Inowak loonggwi eyom ti, maluk ariyak eyom aret me,” yinuk, Inoone ambi yaga'lek puk aret menggaarak o.

Amot 6:10

Kanggwi iinok, inowe-inawot nen wogo logomenggaarik, ineebe kambemenggaarak nogo, oome time nen wogoren wundi nogo logonet, aap kangga'lek awo kiraarak wonage kero yogwi, “It aap eegu ineenik o yime ambi wonogwe ilik?” Yogo mbaremengga, at nen, “Lek o,” ari kenok, it nen at yogwi, “Koone yugun o. At Aliku ALA endage kunduk ari mage o,” yinuk, yorugun o.

Pelaareegerak 17:12

Aap ambi at Aliku kinogoba Ala unde logonet, at ake eeke nogo nen yemenggerak ilik, aap wone inowak loongga nogo nen wone yemenggerak a, Meek, mba'nuk, iniki mi'nage logomenggerik, wone yugu nogo taganogo pege kenok, aap ti kambuwak nduk warogo pogo logomunggup o. Aap maluk togoti eekwi kiinok, Iterali inenggela'me nen nggiginogo enggaawak lek eerogo piigo logomunggup o.