Oteya 4:2 - Ala Wone Peenok Peebi Mbanak

² It nen pulunogo piinet nugwi, pilit-pilit agan nugwi, Aap inoorogo piinet nugwi, yogoot kumaakwi, Kumi ugun-ugun eeginabit nugwi, maluk mban eerit nogo logonet, ambi wappunuk, kinok togon ambi wakwi, Eekwi mban me,

Oteya 4:2 ပူးပေါင်းရင်းမြစ်များ

Wakkagagerak 4:8

Ti'nuk, ne ambi paga at Kayin nen awuluk Kaben nogo yoge logonet, “Nimbirak yabume nawok nduk, mok o,” yo'nuk, imbirak yabume nogo nogogwaarik, Kayin nen awuluk Kaben nogo warogo pege mbareegi, kambeegerak.

Yetaya 24:5

It aakumi o nggween paga wonogwe nogo nen, Wone, “Yogop ee'nu ndogop ee'nu,” yugu nogo eeka'lek mbo pugwi, Wone lengganogo yoragagerak nogo taganogo pugwi, Mondok-mondok eeko logowak nduk, wone abuk nggaruk togon koonogo pereegerak nogo piinogo pugwi, Eekaarak paga O nggween yi, maluk agaarak wonage agaarik o.

Yetaya 48:1

At Ala nen ari logonet, “Nit ninendage Iterali aret, yogwe, Nit Yekura paga nen wiganak o, yogwe, Aliku ALA endage kumbunuk kumbuk mbanggwi, Nit Iterali mendek ninogoba ti, Ala aret o, yinuk, yogwe, Eekwi kwe, Inoone abet aret yogwe, iniki abe koonak logonet yogwe, eeka'lek we aret nendage kumbunuk yogwe, O kota abe alik leenak aret ti, nit ninaworak ninawi aret o, yogwe, Iterali inogoba Ala endage Omaawi Lombok Menggerak Aliku ALA yogwe nogo paga iniki panggonak wonogwe, Eeko menggaarak Yakup paga wiganak ti, An wone yorage yi, inaruk konenggo logowak o.

Yeremiya 51:5

It Iterali inom, Yekura inom, wonogogwam time maluk lombok ndak warak wonage nogo An Kikak Nakeelik Nalik Leenak Iterali inogoba nenegen kage kwe, An Nomaawi Lombok Minggirak inogoba Naliku Ala nen it mbo piyaagin lek nduk, yagi,” yegerak o.

Yeremiya 6:7

Niyo eneeri kila-kila wundi wage menggi kwak o Tiyon Aagaluk Kwe nogo ti, Maluk lombok togop aret eerit nage menggerak. O kota aken time aakumi iniki worokot logonet maluk eeppiinet nugwi, Piyak-payak eerogo piinet nugwi, Eekwi nogo mban naruk konengge, At andi kage, yawi paga awinde-obaande eerak wonage, eeke nogo mban nenegen kage, Eeke agarik o.

Leendawi 4:13

Ti unggwogogwaarak nogo ti, it Ala yorage kagak yoraga nen maluk eekwi, Ndi, it aap iniki abe koonak kagak inamiya kilirogo piyareegwaarak Ala unde nen kunduk maluk eerit nugwi, Eereegwaarak kenok unggwogogwaarak o.

Yetikiyen 7:23

O time aakumi ambik inoorak yagabit age, o kota time, iniki worokot nen ugun eerit nugwi nogo mban wigak ari, eeke me, mbutigeele pipuk eerogo pako logowak o.

Oteya 10:13

Togop aret eeko logowak mbakirak kwe, it nen awi yumbunggwi kwak maluk eerit nugwi, Anggen mbanggwi kwak, maluk eekkologwe, Eeko agaarik o. It pilit pugunit nogo nogogwaarak ti, anggen mbanak kwak nenet nogo agaarik o. It inomaawi paga, inawuri ineegin warak ineebe ambik paga, iniki panggombunuk wonogwe me,

Oteya 10:4

It nen, “Nit ndogop eeppinagago logogun o,” yinuk, koonogo pugwi, Pilit kagak, “Wone abet aret o,” yinuk, kumbuk mbanggwi, “Ninom ndogop aret eeko logowok o,” yinuk, wone koonogo pugwi, Eeko menggaarak kwe, Yagaatak nogo eekwi lek me, yabu wogo paga iri'ngga abe lek alok mendek mban pilak ari menggi kwak, It inabu'me piinok menggam wonogwe nogo nen inom wone wako menggaarak.

Oteya 11:12

Wim eeriyak o panggerak mengga kwak, it Eparayim inoone pilit-pilit yogwe mban an wanggeppaninuk wonogwe, It Iterali mendek ti, nambokan laganggak mban eekwi, Ndi, it aakumi Yekura mendek nen inogoba Ala at yorage nogo, Eeriyak, ineebi mban mbakwi, At Kikak Nakeelik Alik Leenak nogo inom ogoorak mban wonogwe, Eeko agaarik o.

Oteya 12:14

Kit Eparayim eekwi paga at iniki andi lombok eerogo pereegutak me, Kinogoba nen maluk eekwi onggo kinoorogo pinagamenggaarak kinamiya wunduwak nduk teppinagage, Ndi, at Ala meek ombakwi onggo eeppinagawak nduk, mbo pinagage, eerigin o.

Oteya 6:8

O kota Nggileyat ti, aap maluk eeka mban yagabit aago menggam o! Aakumi inooko menggam aret me, iniyok a'lip ti, inamiya labunik mban aret menggerak o.

Oteya 6:9

It aap an neebe unde nogo ti, aap a'nggan wogonaka enaarak mengga kwak logonet, Tu Tikem nogo menggam paga aakumi inoorogo piigwi, Eekulik kagak inenggali lek eerit nugwi, Eeko agaarik o.

Oteya 7:1

“It an napuri aa'nduk obeelom wonogogwa kwak obaane'me obeelom eerogo piige, It Iterali mendek andi lek eerogo piige, Eeriyak mbake neegak kwe, It Eparayim maluk eeko menggaarak nogo mban kin age, Ndi, it Tamariya maluk nggwok lombok eeko menggaarak nogo tena'me age, Eeke menggerak o. It nen aakumi inambokan laganggwi, aakumi iname unggunuk yogoot waganggwi, tu paga aakumi inamendek ndinogo waganggwi, Eeko menggaarak o.

Oteya 7:3

“It maluk eerit nugwi paga inowe endagembogut ale'nggen mbake, It pilit agan nugwi paga inoweewi nagawan-nagawan inikilom mbakwi, Eeko menggaarak o.

Oteya 7:4

Nogo yuwok nduk, nggigani kumbunuk, nogo yogo nagaatik, kani nogo noguk yaga'lek kunik aret wonage me, mbi worako mengga kwak, It aakumi abok aret ti, ti kwak logonet, an mbo paninuk iniki aganggen kerek togon maluk eerit nugu agaarik o.

Mika 3:2

Obeelom eeriyak kineebi mbakwi, maluk eeriyak kinikilom mbakwi, eeko logonet, An mendek ineenik ngge-ngge inagabolo mbelanogo piigwi negen eekwi, Inowak kalenak-pugunik eerogo piigwi kwak eekwi, Eeko monggotak o.

Mika 3:9

It aap Yakup paga wiganak inoweewi kit yi wae. It Iterali paga wiganak inarum monggotak yi wae. Wone yi, kinaruk konenggo logonip o. Aakumi a'me nggelok eeppiinet noorak wone kineebi mbakwi, Obeelom eerit noorak wone nogo yaga-taga eerogo pit nogwe,

Mika 6:10

O kota maluk eeko menggam kat yi, It aap maluk mendek nen maluk eeppiinet nogo logonet, inamindik-inamendek onggo nggwok kame pateegwaarak wonage nogo, kobak eerogo pege, Ndi, wakkagak togolowak endak lek kagak, Ndak aga o, yinuk, wogorogwe pulunik nogo, an mari eerogo pege, Eeriyak op mbaken?

Mika 7:2

It aap Ala mugurok nogwe nogo, o yime inenggaawak lek aret iige, Aap iniki abe koonak ambiriluk ambi lek aret kage, Eeke agarik o. It abok aret aakumi inooriyak nduk, enaarak negen wonogwe, Towe yilunggagak yum yugu wonok nugu mengga kwak, it ambi nen inoreeluk ambi wariyak nduk eerit nugwi, Eeko agaarik o.

Tepaniya 3:1

Aakumi tebenogo piigwi, Ala nen yorage nogo eeriyak ineebi mbakwi, O kota enete maluk eerogo pugwi, Eeko menggam o kota Yerutalem ti, abuwa o!

Takariya 5:3

Yoge mbaki, at nen an yo'nege logonet, “Mbuku pirik-perek aago abeenok paga mbanak nogo ti, aap yogoot kumaaka o yime nen inenggaawak lek eerogo piyoorak wone mbanak wonage, ndi, abeenok paga it aap pilit kagak, Abet aret o, yinuk, kumbuk mbanggwi nogo, o yime nen inenggaawak lek eerogo piyoorak wone mbanak wonage, eerak me, kenegen kagandak yi ti, pulunogo piyoorak wone nogo aret mbanak me, o yime abok aret wigannarit nage logogin o.

Takariya 7:9

Yo'nereegerak nogo it aakumi yorage logonet, “At Omaawi Lombok Menggerak Aliku ALA nen yegerak nogo yi aret. Eekaatak a'me nggelok mban eeppiigwi, it mban-mban nabuwa-kabuwa eekko'net nogwe, eeko logowak o.

Matiyut 23:35

Ti paga at Kaben iniki koonak kagak amiya wambeegerak kuli nen nok, aap Mbakariya aput Takariya nogo, Ala awi wurik me ake warogo kani kunggo menggam oolo time wareegutak kuli, it aap iniki abe koonak menggaarak inamiya nggween paga yime wambit nagagerak nogo, abok aret kit kinoba luurik aret logogin o.

Nappiigak 7:52

Kit kinombomini nen Ala yorage kagak yoraga nogo piyak-payak eeginako logolik ambi ta mbakop? Lek aret o. It aa'nduk lombok Ala yorage kagak yoraga nen, At maluk eekeelik iniki abe koonak menggerak nogo woraagin o, yinuk, abok paganogo yorogo nogogwaarak nogo inooko nogogwaarak. Ndi, yogondak kit nen mban aret at eebe onggo nggerembunuk wakotak o!

Pelaareegerak 5:11

At Aliku kinogoba Ala endage we ugun yuurak ti mage o. Aap ambi nen at endage we ugun agan nage kenok, at Aliku ALA nen aap ti mondok maluk eeppigin o.

Pelaareegerak 5:18

Kumi ugun wurinaburak mage o.

Pelaareegerak 5:19

Yi mendek ndi mendek yogoot kiraariyak mage o.

Wayu 17:6

It Ala apuri ake leenak inom, Yetut eeke nagagerak wone mbo pega'lek mondok mugurok nogo menggaarak ineebe inom, kwe nogo nen inooppiinok, inamiya anggur amburu negen nenok, kumili kunggerak kage nagarik, “Wi!” mbakirak.