Oteya 4:14 - Ala Wone Peenok Peebi Mbanak

¹⁴ Togop kwe, it komologwe ti, inogobamini inom, inogonggelomini inom, nen it kumi terak wuginakak inom nogo yit nugwi, Ugun eeginakak yuwak nduk, inagugi awi wurik me wonogwe nogo inom kugi aanggo warogo wogorogwe, Eeko menggaarak me, It inapuri komologwe terak wuginakak yuwak nduk eekwi, Inapuri wologwe inakuwi ya wuginakak yuwak nduk eerit nugwi, Eekwi iinok, An aaninggin komologwe ti, inoba kwippiyaagin lek o. Ata, inogobamini inom, inogonggelomini inom, perak, aaninggin inoba kwippiyaagin o. An togop aret eeppiige neenok, it aakumi iniki kobak lombok yi, lek aret arugun o.

Oteya 4:14 ပူးပေါင်းရင်းမြစ်များ

1 Endagembogut 15:12

Eeke logonet, it aap mban-mban wut-wut yogo logonet, inagugi eeko nogogwaarak nogo o time nen wumbiige, at mi'naga'lek kagak ombomini nen kugiwak ogobakkigirogo pit nogogwaarak nogo, mondok lek eerogo pege,

2 Endagembogut 23:7

Aliku ALA awi wurik me inagugi eeko logonet, aap mban-mban wut-wut yogo menggam inom, it kumi kugigwe Atiyera ake yum penggaako menggam inom, minogo pege, eereegerak.

Kini Wuppiige 28:5

It aap maluk mendek nen a'me nggelok eekwi nogo liippugulik kwe, It aap Aliku ALA mugurok nugu menggaarak kenok perak, wone ti abok aret liippogo menggaarak.

Yetaya 1:5

Kinanobak paga abok aret kinawin kunik mban wonogwe, Kinooke kagak, kiniki lek-lek eekkinake, Kiniyok ogut kuli nen nok kinanobak kuli, obeelom ambi wonogwe lek piirik-kunik aago mban wonogwe, Kinawinde-kinobaande aago wonogwe, Kinoba pirikut-parakut eerak wonogwe, Eerak nogo lek aruwak nduk, tubunogo wumbakwi, Wip amburu mburunogo punuk, nggerenggologwe, Eeka'lek aret wonogwe kiigak kwe, At nen ambinom kinoorikit nduk eeke, At nen yokkirage nogo, “Eeriyak nineebi,” mban mbakwi, Eekwi ti, Nonggop nduk eeko ogotik?

Yetaya 27:11

Ndi, eyo eno'mbak ti mbuk age kenok, it kumi nen wogo logomenggaarik, Kalembunuk, wonok nanuk, kani kunggo logogun o. It aakumi yi ti, iniki lek kobak aret wonogwe me, at ogobakkigirogo piiga nen inabuwa mbake, At ogobakkigirinaka nen obeelom eeppiige, Eerigin lek aret o.

Yetaya 56:11

Nggeewo nen, “Abu nenggi o,” yinuk, mbaka'lek inaanogum andi lek lagap mban agan nugu mengga kwak, it aap ti togop aret wonogwe, It aap ndomba ndegeninaka nen inaanggumi ndegeninaburak kobak mengga kwak wonogwe, It abok aret eeriyak mbakwi nogo mban mugurok nogwe, Inalitik-inalitak ineenggi warak eekkoloorak mban kwaarit nugwi, Eeko menggaarak.

Ndaniyen 12:10

It aakumi apit aret iniki abe koonak wonogwe iyaawak nduk eeppiigwi, iniki kikak naka'lek iyaawak nduk eeppiigwi, iniki kole aruwak nduk inabut mbanggwi, eekwi iigak kwe, it maluk eeka nen perak, maluk aret eerit nogo logogun o. It maluk eeka ambiriluk ambi nen wone yi liippugun lek kwe, it aap iniki warak nen perak, wone yi, yelok kaagun o.

Oteya 14:9

An wonage neegak, it Eparayim ti, inagugi inom wone mbanggo logorak op ya? Lek me, Yeenggwa niret o, yo'nugwi iinok, an nen aret wone onggo yorage, An nen aret inarum wake, Eeke logogin o. An ti, eyo kilu-kilu engga mili lubu ari menggi kwak minggirak me, An paga kunik logonet, anggen yogo logogun o, yinuk, yegerak me, yokkiragi o,” yoragagirak.

Oteya 4:1

Kit Iterali yi wae. Kit aakumi o yime wonogwe yi, ambi eekotak paga Aliku ALA nen yokkirage me, kinaruk konenggo logonip o. At Aliku ALA nen ari logonet, “O time it nen an noone liippunuk eekwi, iniki kunik ee'nakwi, Ninogoba Ala at aret, nombakwi, Eeka'lek aret agaarik o.

Oteya 4:17

It Eparayim mendek ti, inagugi inom kunggologogwaarak wonogwe me, inobaalombok o!

Oteya 5:4

“It eerit nugwi ti paga yilunogo pateegwaarak me, iniyokan inogoba an Ala neya woroorak meek aret agaarik o. Kumi ugun eeginaburak iniki nen yorage kenok, ugun-ugun eerit nugwi kwak eerit nugwi, Ninogoba Ala at aret, nombakwi lek mbo panugwi, Eeko agaarik o.

Amot 2:7

Iniyok paga liirubu aa'ngga eerogo pogo mengga kwak it aakumi ambi eekkoloorak meek nogo mendek togop aret eerogo piigwi, It aakumi tebenogo piigaarak nogo inawone liirogon mbangga'lek yaga-taga eerogo piigwi, Aput-ogoba imbirak nen kwe tawe ambiret terak eerit nugwi paga an nendage alik leenak nogo maluk eerogo pugwi,

Amot 7:17

At Aliku ALA nen ari logonet, At aap Amatiya akwe nogo, o kota time terak wuka aret age, Apuri wologwe-komologwe wooluwak paga inoorak kanggwi, At anggween nogo keele wakkagak paga wakkaanuk, tumbukkologwe, At eebe lombok kambuwak nduk, aakumi Ala abu ineenggo'lek wonogo menggam paga pi nogwe, Eerugun o. Ndi, it Iterali ti, inanggween lombok paga nen abet aret kugun wogoren mbo piya nagun, yegerak me, yokkigi o,” yinuk, yoreegirak.

Linggineegwaarak 25:3

It aakumi Iterali mendek nogo aakumi Mowap mendek inagugi Mba'an o Peyot unde menggerak nogo inom aret alut eeko mbareegwa, ti eekwi paga at Aliku ALA anini ka'luk aagi negen inikime mi'nagagerak.

Yaya 8:43

an nen yokkirage nogo ti, nonggop nduk liippega'lek aret ogotik? Kit an noone woorak abu meek me, liippega'lek aret ogotik o.

Oroma 3:11

It ambi iniki warak a'nuk, eerit nugwi, An mu'neren wogwe, eeka'lek aret iige agarik o.

1 Korindut 6:16

At Ala nen ari logonet, “It imbirak ineebe mbere kwe, ambit aret logogun o,” yinuk, yereegerak liiru mbanak wonage me, ti kenok, aap ambi kwe ya wukak imbirak lambungge kenok, imbirak ineebe ambit aret arugun o.

Epetut 4:18

It iniki omaawi logonet, “Ala wone woorak nineebi o,” yinuk, yogwe paga it iniki o apit pogom wonogwe, Ala inom ogoorak wonogwe, eekwi me, Ala nen ineenik eeppiyoorak wone nogo, it mondok kobak aret wonogwe o.

Pelaareegerak 23:17

Kugi awi wurik me kumi-aap wurinakak yogwe ti mendek kit wologwe-komologwe Iterali mendek togop eeriyak ti mage o.

Iberani 12:8

Nit Ala apuri kenok abok aret niniki koonnaruwak nduk, ninaruk wake menggerak me, kit ambi kinaruk waka'lek kenok perak, “Nit at apuri lek we terak ndarak aret wonogwe,” mbarumunggup o.