Oteya 4:12 - Ala Wone Peenok Peebi Mbanak

¹² It an napuri ti, eeriyak kobak kenok yoraawak nduk, eyo paga kugi ogut aago nogo yogwi, Eyo obate mbanak kagak kwe, Onggo yo'nirage, mbakwi, Kumi ugun eeginaburak iniki nen yorage kenok, ugun-ugun eeginabit nugwi kwak, An inogoba Ala liirogon mu'neren naga'lek mbo paninuk, alik mendek muguren nugwi, Eeko agaarik o.

Oteya 4:12 ပူးပေါင်းရင်းမြစ်များ

2 Endagembogut 17:7

Ti inoba agagerak nogo ti, it Iterali o Metit aap Pirawun abu'me tebembiirogo wonage me, at wogoren wundi wagagerak Aliku inogoba Ala maluk eeppogo logonet, obaane'me kugi eerit nugwi,

2 Mbinineegwaarak 21:13

it Iterali inoweewi inendagembogut iniyok mugurok eerit nage logonet, aap Akat paga wiganak eerit nogo nogogwaarak kwak, it Yekura mendek Ala mbo punuk, nomoninuk nogwe, kwe mbabi eeke menggi kwak it Yerutalem mendek Ala mbo punuk, alik mendek mugurok nogwe, ndi, kat kobaabut maluk lombok logonet, kogoba apuri kat kawuri nogo inobaabut obeelom wonogwe iigak kwe, inoorogo piige, eereegindak me,

Ndawi 106:39

Ti eeko nogogwaarak paga Ogole warak pegiyoorak meek eekkologwe, Eerit nogo nogogwaarak paga Kwe mbabilu kwak eerogo pakwi, Eereegwaarak.

Ndawi 73:27

It aap kat mbo paganuk mbaganggwi nogo, Ineebe lek eerogo piige, It aap kat liirogon mukkeren naga'lek nogo, Abok aret inenggaawak lek eerogo piige, Eerumunggun o.

Yeremiya 10:8

Kugi ogut eyo paga ogobakkigirik aanom warogo alut eekwi ti nen wone mamunirogo menggaarak me, It aakumi ti, iniki apit wi negen aret wonogo agaarik o.

Yeremiya 2:27

Eyo obate mbanak kagak, Kat an nogoba aret o, yogwi, Yugum kagak, Kat an nda'nabeegindak aret o, yogwi, Eeko logonet, It nen ina koonogo pe'neega'lek inambokan paneegwaarak kwe, Aaninggin inoba kwi'nari wage kenok perak, Pilak yinuk, Ninagap ndari mok ubi! yinuk, yo'nogo menggaarak.

Yeremiya 23:13

“An nen yorage neegak yoraga Tamariya mendek eeriyak lek mendek kagak eekwi iyareegirak nogo ti, Kugi Mba'an nen yorage kagak yorogo nogogwaarak paga an napuri Iterali nogo tu abe kagak alik paga nomoniren nogwe iyareegirak o.

Yetikiyen 20:32

It nen yogo logonet, Nit yi aakumi ndi aakumi alik mendek kwak, yi o ndi o aakumi inanebunu lombok nen eyo inom, yugum inom, alut eeka kwak, ariyak uugwe mbako ogoorik o, yogwe iigirak ti, ndak-ndak arigin abu lek o.

Yetikiyen 21:21

Aap endagembogut Mbaben mendek nage logonet, tu andogon me time tu ngge paga noorak nogo eenu aruwak nduk, omaale ena nggeeme age nogo maloppege, agugi yoge, wam warogo amiya pekkage, eerigin me nduk, yagi o.

Oteya 14:3

“Nit yogop eeko o”, yinuk, wone wonok at Aliku ALA owagam wogo logomonggotik, at yogo logonet, “Maluk eekoorak abok aret lek eerogo pinanege, Kiniki yanggonak paga wo'ninake, Eeke keenok, Kake pugu kwak, Ndogop eeko logogun o, yinuk, yokkogoorak nogo ndak-ndak aret eeko logogun o.

Oteya 5:4

“It eerit nugwi ti paga yilunogo pateegwaarak me, iniyokan inogoba an Ala neya woroorak meek aret agaarik o. Kumi ugun eeginaburak iniki nen yorage kenok, ugun-ugun eerit nugwi kwak eerit nugwi, Ninogoba Ala at aret, nombakwi lek mbo panugwi, Eeko agaarik o.

Oteya 6:10

It Iterali wonogwe inenggela'me time ogole warak mendek eekwi iyareegirak nogo ti, It Eparayim mendek nen kumi ya wuginakak eerit nugu mengga kwak, an mbo paninuk maluk eerit nugwi, Ndi, it Iterali inalik nen aret maluk eerogo pakwi, Eekwi ti aret o.

Oteya 9:1

Kit Iterali yi wae. Kwe ogonggelo mbo punuk, aap alik muguren nage menggi kwak Kinogoba Ala mbo punuk, at oone liirogon wagangga'lek logonet, Gandum agabolo mbelanggo menggam nen kwe ya wukak paga onggo kologwe kwak eekwi nogo kinikilom mbakwi me, Kit Iterali yi, kiniki ale'nggen mbakwi, Yi aakumi ndi aakumi inale'nggen nen kwirabik-kwirabok yogo mengga kwak yogwe, Eerugup o.

Ala Unde 17:7

Kwe ambi ogonggelo mbo punuk, aap alik ambi imbirak lambungge menggi kwak, it aakumi Iterali mendek nen inogoba Ala an mbo paninuk, inagugi kambin pogom ake warogo pugwi nogo, ambinom ake pogo logorak mage o. Wone yi nogo ti, it aakumi Iterali mendek inom, inapuri-inombowologwe nda'narit nogo logogun nogo inom, mondok-mondok eeko logowak o, yinuk, yoroorak.

Ala Unde 20:5

an nen aap nogo owe-awot inom pegiyoorak neebi nen nambokan piige logominggirik, kwe ambi ogonggelo mbo punuk, aap alik wuruwak nduk, ngginoorage menggi kwak, an mbo paninuk, kugi Molok ake eeko logonet, ili yemenggerak nogo abok aret aap ti inom aakumi Iterali inenggela'me nen inenggaawak lek eerogo piyaagin o.

Mika 2:11

Aap pilit pugunogo inambokan lagangga ambi nen wage logomenggerik, ari logonet, An perak, anggur amburu inom, kumili aganaka amburu inom, ndonggok togon nonggo logorak yokkirage logogin o, yinuk, yoraga nogo mendek it inobam aret me, inenggela'me logonet yoragak yuurak op aret o,” yinuk, yegerak me, yokkiragi o.

Abakuk 2:19

Aap ambi nen eyo obate mbanak yoge logonet, “Keenik aru o,” yinuk, yoge, Ndi, yugum oone ariilik kagak, “Kat mi'naru o,” yinuk, yoge, Eeke kenok, abuwa o. At oone lek ti nen, “Ndogop ee'nip o,” yinuk, yoroorak op mbakop? Ogut ogobakkigirik nogo ti, mbuti emas paga inom, mbuti perak paga inom, nabenogo pugu wonage kwe, Nebek-ndalok yaga'lek oone lek aret menggerak.

Linggineegwaarak 15:39

Ligi kibu-kibu inayum irip paga pugunik nogo ti, Naliku an ALA nen, Yogop ee'nu ndogop ee'nu, wone yugu nogo taganogo punuk, aap ambi akwe mbo punuk, ugun eerit nage menggi kwak, it Iterali mendek iniki nengge kenok, mugurok nogwe, inigen kogwe kenok, eerit nogwe, eeko logokwak aberak logowak nduk pugunik aret me, inigen pekkagak eeko logowak o.

Pelaareegerak 31:16

Muta yoge logonet, “Kat kombomini kambunuk nogogwam nggwogoba wonogwe me, kinom tat yonggonggolage logonok nduk, namunggun me, kwe ambi ogonggelo mbo punuk, aap alik kwaarit nege menggi kwak, it aakumi yi, an mbo panugo logonet, ninom wone abuk nggaruk togon koonogo pereegurak nogo taganogo punuk, o it logowam time an nalut eekwi nobaane'me aakumi time wonogwe inagugi ayuk wuko logonet, eerit nogo logogun o.

Owak Loongga 18:5

Yorage mbareegi, it nen at yogwi, “Nit o kwaarit wogoorak nogo, ambi kwaarugun ilik, lek a? Kat nen Ala yoru o.”