Oteya 3:1 - Ala Wone Peenok Peebi Mbanak

¹ Aliku ALA nen an yo'nege logonet, “Kat kakwe ti, terak wuka aap alik nen iniki kunik eekwi iigak kwe, wa nanuk, kiniki kunik eeke logomunggun o. It aakumi Iterali mendek inogoba an aret wonage neegak kwe, mbo paninuk, kugi ayuk wukwi, anggur anggen woloonak paga oroti worarogo punuk, kugi ake pugwi nogo noorak inikilom mbakwi, eekwi iigak kwe, Naliku ALA nen it Iterali mendek niniki kunik eeginake minggi kwak, kat kakwe ya wukak ti, kiniki kunik eeke logonok nduk, wa nak o,” yinuk, yo'nereegerak.

Oteya 3:1 ပူးပေါင်းရင်းမြစ်များ

2 Tamuwen 6:19

Ale'nggen inoba piige nagagerik, it aakumi Iterali time wonogwe nogo aap a, kumi a, abok aret tapi enggaanggum inom, oroti longgo warak ambi inom, anggur anggen woloonak oroti worarak mendek ambi inom, inalitik-inalitak tumburiragagerak. Tumburirage mbareegi, it aakumi abok aret iname lombok nogogwaarak.

2 Endagembogut 13:23

aap Abarakam inom, Itak inom, Yakup inom, inom wone nggaruk togon koonogo pereegerak paga Aliku ALA nen it Iterali, “Nonggop wonogwe o,” yinuk, enegen wogonake logonet, inabuwa nggwok mba'nuk, iniki kunik aganake nagagerak me, it Iterali mendek lek eerogo piige, kobak eerogo mbo piige, eeriyak, “Neebi,” mbareegerak nogo, o yogondak togop mbake wonage aret o.

1 Mbinineegwaarak 16:3

Ale'nggen inoba piige nagagerik, it aakumi Iterali time wonogwe nogo aap a, kumi a, abok aret tapi enggaanggum inom, oroti longgo warak ambi inom, anggur anggen woloonak oroti worarak ambi inom, inalitik-inalitak tumburiragagerak.

Nekemiya 9:31

kat aakumi inabuwa mbake, kiniki yanggorogon teppiige, eeke menggendak me, kat ninombomini mondok iya inabuwa mbake logonet, lek eerogo piige, eraangge mbo piige, eerulik o.

Ndawi 123:2

Aap ambi ayeloman aap nen ogoba paga Iniki panggonak logonet, at mban pekkage, Kwe ambi ayeloman kwe nen agalo paga iniki panggonak logonet, at mban pekkage, Eeko mengga kwak, Aliku ninogoba Ala nen Ninabuwa mbaka'lek tit kagak Ninigen loorit mban unggwogo logowok o.

Wundeegwaarak 32:6

Nggomooke mbareegi, ko'lu kuubondendok it aakumi Iterali mendek nogo Ala kwak ogut eerak nogo ake inaanggumi warogo kani kunggwi, eegu nggami aanggo wakwi kwak wariyak nduk warogo lakwi, eeko logonet, yi inom, mbi inom, nenok, mi'na'nuk kwirabik-kwirabok yogo logonet, kumi-aap inom ugun-ugun eeko nogogwaarak.

Ndawi Iya 2:5

Togop aret me, “Nore o,” yinuk, niniki nggilu nirit unggwage logonet, nomaawi lek ee'nake me, Anggur anggen wolonak nenok nomaawi eeruwak nduk eeppanugwi, Eyo anggen abe paga noba tayenogo panugwi, Eeko logonip o.

Yetaya 45:22

It aakumi o nggween irip-irip wonogwe ti, Ala alik ambi lek, an nalik mban aret wonage me, Iniyokan yungguninuk neya wogwe iinok, inagap ndarigin o.

Yeremiya 3:20

It Iterali paga wiganak ti, Kwe ambi ogonggelo mbo punuk ugun-ugun eerit nage menggi kwak, an mbo paninuk ugun-ugun eerit nogwe iigi o,” yinuk, yegerak me, yokkiragi o.

Yeremiya 31:20

At Eparayim nogo ti, naput niniki kunik eeke, Napuluk ninikilom mbake, Eeke minggirak nogo lek a? Kulinik aret mberigitak kwe, oba aberak wonage me, Kaakit lak, ao, yinuk, niniki nggilu ari, Abuwa lombok mbake, Eeke minggirak o,” yinuk, Aliku ALA nen aret yegerak o.

Oteya 11:8

It togop eekwi iigak kwe, an nonggop togon it Eparayim ti teppiige, It Iterali ti, nenegen aanggot iinok, nonggoti mbo piige, Eeriyak mbakop? It aakumi Arama mbo piyareegi kwak, it Eparayim mbo piige, It Teboyim eeppiyareegi kwak it Iterali eeppiige, Eeriyak ti nonggoti o? Niniki nenaame ari wage logonet, inabuwa lombok mbake me,

Oteya 2:5

It inagalo ti, kwe terak wuka nege logonet, aagalogwe ndaganabeegerak me, Aagalogwe ti, inenggali mbakak nugu agaarik o. At nen, It aap iniki kunik ee'nako logonet, nambi inom, Naniyo inom, nayum yuurak ndomba eeruwak inom, ligi abe yawenak inom, nagabolo paga eekak amburu inom, anggur amburu an noorak toolak inom, Wo'nogo menggaarak nogo aret muguren nage logogin o, yinuk, yereegerak me,

Oteya 7:5

Aap ninowe endagembogut ale'nggen agago laago lakwi eyom paga at awuri nagawan-nagawan nogo, anggur amburu nenok kumili kumbunuk ugun-ugun eerit nugwi, At meek mba'nuk eerit nugwi nogo, inom a'nuk aap wi eeko mengga kwak eerit nogwe, Eeko menggaarak o.

Amot 2:8

Inawu wogorogwe iinok, inayum nogoyum laalu porogo logorak waganggaatak nogo paga inagugi inake warogo wogorogo menggam eraanu time lenggenogo punuk, nogo yit nugwi, Wone taganogo pugwi iinok, onggo anggur amburu waganggaatak nogo, inagugi awi wurik me time nunggwi, Eeko menggaarak.

Amot 6:6

Anggur amburu niyoowak eno korok togon toologo nenggak mban eekwi, Kinagabolo anen pera yuwak nduk, amburu abu abe kinagabolo paga mbenanggologwe, Eekwi kwe, It Yutup paga wiganak nogo inenggaawak lek ogogwaarak paga, “Yi ee'ninakerak, ao,” mbaka'lek aret wonogwe kiigi o.

Mika 7:7

Togop aret kwe, an nogo, an nen at Ala yoge nogo aruk konenigin me, Aliku ALA yeenggwa niri wage kero, nenegen wonage, Niniki lunik nagap ndaka ninogoba Ala nogo neya wage kero, tokkage, Eeke agarik o.

Takariya 1:16

Togop aret me, Aliku ALA nen yegerak nogo yi aret. An nen o Yerutalem ne ambinom nena koonogo pegiige logonet, inabuwa mbake, an nawi obaane'me time wuruwak nduk, eeppiige, ndi, keele wakkagak paga o Yerutalem ngginogo nappege, eerigin o, yinuk, at Omaawi Lombok Menggerak Aliku ALA nen aret yegerak yoret o.

Matiyut 26:50

Kambugege mbareegi, at Yetut nen, “Wulaga! Kat eerikit nduk wagandak nogo eeru o.” Yoge mbareegi, it aap nogo kok nogo logonet, Yetut pigaganeegwaarak.

1 Korindut 10:21

Ninowe amiya kwak amburu toolak inom, kugi Tile agi toolak inom, imbirak lambunogo punuk nenggak yuurak mondok meek o. Ndi, ninowe ambi larak inom, ti'nuk, kugi Tile ambi larak inom, imbirak lambunogo punuk, noorak ti kunduk, abu meek mban o.

1 Korindut 10:7

It aakumi ando nen kugi eeko logonet, “Yi inom, mbi inom, nenok, mi'na'nuk, kwirabik-kwirabok yogo logonet, kumi aap inom ugun-ugun eeko nogogwaarak o,” yinuk, liiru mbanak nogo ndak-ndak kit kugiwak amili kuniyak mage o.

1 Peterut 4:3

Kit aa'nduk kinobaabut it aakumi Ala wone konengga'lek nen eeriyak inikilom mba'nuk, eerit nogo mengga kwak, eerit nogo logonet, we ugun uugwe-uugwe mba'nuk eekwi, kiniki nen nengge kenok mugurok nugwi, amburu kumili aganake menggerak mendek ndonggorogon nenet nugwi, ndem unggwogo logonet kwaanggen wakwi, amburu ndonggok togon nenok kumili-kumili agan nogo logonet maluk eekwi, ogole warak kagak kugi eekwi, eeko nogogutak nogo, yogondak ambinom eeka'lek kiinok,

Owak Loongga 10:16

Yogo nogogwaarik, aakumi alik mendek inagugi inenggela'me wonage nogo mbo pogo nogogwaarik, at Aliku ALA nogo mugurok nogogwaarak. Mugurok nogo mbareegwa, it aaninggin-paaninggin inoba wonogwe nogo Aliku ALA nen, “Kinobaalombok o,” yinuk, mbo piyoolik yeenggwaaragagerak.

Owak Loongga 9:27

Mbakwi iigak, it aap nogo yabu yarak me nogo nogogwaarik, anggur anggen mbanogo kuwak eerogo aambiranogo punuk, iniki ale'nggen paga laago lappunuk, inagugi awi wurik me unggunuk, mbi nunggwi, anggur amburu nunggwi, eeko logonet, Abimelek pulunogo pereegwaarak.