Oteya 2:12 - Ala Wone Peenok Peebi Mbanak

¹² Ndi, It iniki kunik nen ee'nakwi onggo eyo yi aret wo'nireegwaarak o, Yinuk, yereegerak ageyo anggur yarak inom, ageyo wuli yarak inom, abok aret maluk eerogo punuk, Eyoongga negen eerogo piminggirak me, it ndiimbu-nggwiya nen lek eerogo nonggo logogun o.

Oteya 2:12 ပူးပေါင်းရင်းမြစ်များ

Ndawi 80:12

Ti eereegindak aret kwe, It yi aap ndi aap tu ti paga nogo logonet, Anggen yugu mbanggak nawak nduk, Nonggop nduk eyagat wurik minogo pereegindak o?

Yetaya 29:17

Ne mbuuluk logonuk, eyoongga Libanon nggwok wonage ti, yabu abe yarak aret age, Ndi, yabu abe yarak nogo ti, eyonggaame aret age, Eerigin lek mbakop?

Yetaya 5:5

Neyabu anggur yarak eeriyak nogo ti, yora o. Neyabu anggur yarak eyagat wurik nogo minogo pege neenok, lek eerogo nunggwi, Yugum yagat wurik langgunogo pege neenok, nggwiya unggunuk, iniyok aan lebenogo pit nogwe, Eerugun o.

Yetaya 7:23

Ne ti eyom paga eyo anggur ero seribu onggo wu mbuti perak seribu paga kuniyak yarak wonagam time iri'ngga alok-palok inom, kugeele inom, ti mban niik yigin o.

Yeremiya 13:26

At akom kin eerogo pege neenok, enggali aruwak nduk, ayum pilanogo anobak kuli nippigin o.

Yeremiya 26:18

“At Kitikiya it Yekura inowe endagembogut wonage eyom paga aap o Moreteyet mendek endage Mika nogo nen it Yekura mendek abok aret wone yorage logonet, At Omaawi Lombok Menggerak Aliku ALA nen yegerak nogo yi aret. O Tiyon ti, yabu waganggo mengga kwak eerogo pege, O kota Yerutalem ti, yigirik-noonom eerak logonak logowak nduk, eerogo pege, Ndi, puut paga nawi wurik wonage nogo eyoongga tibinik-wandinik eerogo pege, Eerigin, yegerak o, yinuk, yoragagerak.

Yeremiya 5:17

Iterali paga wiganak ineyabu eerak anggen yugu inom, inambi-mbiingga inom, lek eerogo nenet nogwe, Inapuri wologwe-komologwe lek eerogo piigwi, Inaanggumi kambin-ndomba inom, lembu-tapi inom, lek eerogo pit nogwe, Ineyabume anggur yarak ero inom, eyo wuli ero inom, muurogo pit nogwe, Ndi, inawi kota-kota yugum pak wurik me iniki ti paga panggonak wonogwe nogo pup eerogo pugwi, Eeko logogun o,” yinuk, yegerak me yokkiragi o.

Yeremiya 8:13

Aliku ALA nen ari logonet, “It an napuri nogo yabume anggen mbanogo kuwak eeko mengga kwak, kuwak eeppiyoorak kwe, Eyo anggur agaro paga anggen yega'lek wonage, Eyo wuli agaro paga anggen yugu lek wonage, Engga mbuk eerogo pit nagaarak wonage, Eerak wonage pogom napuri togop aret wonogwe me, Inanggween wogoragagirak nogo it aap inambik nen ndinogo unde eekkolaagun,” yegerak o.

Oteya 13:8

Nggwiya kwak beruang nogo aagalogwe kobak ogwe iinok, ngguk agan aakumi nibininake menggi kwak, An nen it Eparayim mendek inoba kwi'na'nuk, ineebe nibik-nobak eerogo piige, An singa kwak a'nuk kok tebenogo piinok, ineebe nengge, Ndi, nggwiya kwak neyak nibinik-ndelenak eerogo piige, Eerigin o.

Oteya 2:5

It inagalo ti, kwe terak wuka nege logonet, aagalogwe ndaganabeegerak me, Aagalogwe ti, inenggali mbakak nugu agaarik o. At nen, It aap iniki kunik ee'nako logonet, nambi inom, Naniyo inom, nayum yuurak ndomba eeruwak inom, ligi abe yawenak inom, nagabolo paga eekak amburu inom, anggur amburu an noorak toolak inom, Wo'nogo menggaarak nogo aret muguren nage logogin o, yinuk, yereegerak me,

Oteya 5:14

It Eparayim mendek eeppiyoorak an singa kwak wonage, Ndi, it Yekura mendek eeppiyoorak an singa awooluk eyak ambik menggi kwak wonage, Eerak logonet, An nen it ando nibinik-ndelenak eerogo piinok, nggarek ari, Ando neyak nggereneren nage, Eerigin me, Aap ambi neyak me nen ndinigin lek aret, yegerak me, yokkiragi o,” yinuk, yoragagirak.

Oteya 9:1

Kit Iterali yi wae. Kwe ogonggelo mbo punuk, aap alik muguren nage menggi kwak Kinogoba Ala mbo punuk, at oone liirogon wagangga'lek logonet, Gandum agabolo mbelanggo menggam nen kwe ya wukak paga onggo kologwe kwak eekwi nogo kinikilom mbakwi me, Kit Iterali yi, kiniki ale'nggen mbakwi, Yi aakumi ndi aakumi inale'nggen nen kwirabik-kwirabok yogo mengga kwak yogwe, Eerugup o.

Mika 3:12

Togop aret yogo monggotak me, o Tiyon ti, yabu kabunogo nippit nogo mengga kwak age, O kota Yerutalem ti, nggween yigirik-noonom eerak logonak negen age, Ndi, puut Ala awi wurik menggim ti, alok-palok mban kunogo pege, Eerigin o.