Oteya 2:10 - Ala Wone Peenok Peebi Mbanak

¹⁰ Eeke logominggirik, at iniki kunik eeko menggaarak nogo inigen iigak, At amendek kin eerogo pege neenok, Aap ambi nen, Eekulik mendek togop eerogo puurak mage o, yinuk, an yo'nirugun lek aret o.

Oteya 2:10 ပူးပေါင်းရင်းမြစ်များ

2 Mbinineegwaarak 24:7

Kwe abu maluk mendek Ataliya aagalogwe nen Ala awi wurik me tu minogo punuk, unggwi nogo nogogwaarik, yi mendek ndi mendek abu alik Ala ake leenak time wonage nogo wonok, inagugi Mba'an ake eekak pi nogogwaarak me, o maluk eerogo pereegwaarak nogo, ogobakkigiriyak wu lek kenok, yoreegerak.

Ndawi 50:22

Togop aret me, Kit noba mari eerogo panugo monggotak yi, It ambi nen kinagap ndaka'lek kagak, An nen nibinik-ndelenak eerogo pinagage neyo, Wone kiniki liippogo logorak nogo yi o.

Kini Wuppiige 11:21

It aap maluk mendek ti, maluk onggo inoba arigin lek ti lek, arigin aret kwe, It iniki abe nogo perak, maluk onggo inoba arigin lek inagap ndarak aret logogin abet aret mbako logonip o.

Yetaya 3:17

Inogoba an Ala nen it kumi Tiyon mendek inanobak paga yigani telek eerogo piige, Naliku ALA nen inerali mbanogo piige, Eerigin,” yegerak o.

Yeremiya 13:22

“Aaninggin noba agaarak yi, nonggop nduk aga o?” yinuk, kinikime nen mbininggolage keenok, an nen onggo yokkege nogo yi aret. Maluk mondok nabenak mban eeke nagagindak ti paga kayum nibik-nobak eerogo punuk, Keebe maluk eeppagareegwaarak mbake logot o.

Yeremiya 13:26

At akom kin eerogo pege neenok, enggali aruwak nduk, ayum pilanogo anobak kuli nippigin o.

Yetikiyen 16:16

ayum ando wagangge nagagerik, agugi ake warogo wogoge menggim puut paga yabenggek-ndabenggek eerogo punuk, time logonet, aap inom ugun-ugun eerit nage, eeke nagagerak. Ti eeke nagagerak kwak ti, it aakumi ambi kogolik me, peebi togop ambi kaagun lek aret kagak, eeke nagagerak.

Yetikiyen 16:19

gandum yigirik abu abe inom, tayitun amburu inom, nggiin amburu inom, at noorak wogoreegirak nogo, wagangge nagagerik, it obari abe kaawak nduk, inake pege, eereegerak o, yinuk, Naliku Nitok Minggirak an ALA nen aret yagi o.

Yetikiyen 23:29

Pege neenok, ineebi lombok ombako logonet, at liirit-laarit eeke logonet waganeegerak nogo, it ndinggologwe, at ayum yirik lek agap mbelak-mbalak eerogo pugwi, eerugun me, at aap inom ugun eerit nage kenok, Kwe yi iya, yinuk, inenggali mbako nogogwaarak nogo, abu kin aret arigin o. Ti eerogo puurak nogo ti, at enggali lek amendek kin eerogo pit nage, Op aret ee'nabuwak o, yinuk, eerit nage, eeke nagagerak paga maluk onggo at oba lombok kwippatigin o.

Oteya 10:1

It Iterali ti, eyo anggur eno'mbak wiganogo punuk, anggen abe yege menggi kwak wonogogwaarak o. Anggen ambik aret yi'nage kagak, inayuk wukwi inake warogo wogoragak kunduk, ambik ogobakkigirogo pit nogwe, Inanggween mili lubunit nage kagak, inagugiwak kunduk, etenggen abe eerogo mippit nogwe, Eeko nogogwaarak.

Oteya 13:1

Aa'nduk it Eparayim mendek nen wone yogwe iinok, aakumi nen, “Yi yogwe yi, iya!” yinuk, inaganak wake, Iterali inenggela'me it Eparayim mendek inendage tiyak ari, Eeke nagagerak kwe, It nen kugi Mba'an ayuk wurit nogo nogogwaarak paga inenggaawak lek eerogo patit nogogwaarak.

Oteya 2:3

At togop aret eerit nege kenok, an nen at agabolo kin eerogo pege, At nda'nage logonet, agabolo kin nda'nagagi kwak togop eerogo pege, At karume kwak eerogo pege, Nggween ka'let-nggaganak kwak eerogo pege, Eerigin me, At niyo abu nen kambuwak nduk mbo pigin o.

Oteya 6:9

It aap an neebe unde nogo ti, aap a'nggan wogonaka enaarak mengga kwak logonet, Tu Tikem nogo menggam paga aakumi inoorogo piigwi, Eekulik kagak inenggali lek eerit nugwi, Eeko agaarik o.

Mika 5:8

Kit Iterali kinawim kinom nambuko logonet, tebenogo piigwi, Kinom ogoorak nogo lek eerogo piigwi, Eeppunuk, “Nineegin tiyak yigi o,” yinuk, keekok piyanggogo logomunggup o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.