Oteya 14:9 - Ala Wone Peenok Peebi Mbanak

⁹ An wonage neegak, it Eparayim ti, inagugi inom wone mbanggo logorak op ya? Lek me, Yeenggwa niret o, yo'nugwi iinok, an nen aret wone onggo yorage, An nen aret inarum wake, Eeke logogin o. An ti, eyo kilu-kilu engga mili lubu ari menggi kwak minggirak me, An paga kunik logonet, anggen yogo logogun o, yinuk, yegerak me, yokkiragi o,” yoragagirak.

Oteya 14:9 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ndawi 107:43

Aap ambi iniki warak wonage kenok, wone yi abok aret liippege, Aliku ALA aakumi inabuwa nen Iniki kunik lombok aganake menggerak nogo, Liirogon porogo wonage, Eeke logowak o.

Ndawi 119:128

Ndi, eeko logorak koone yugu ti, Obeelom ndak-ndak aret yo'nege mbake, Eeke me, Wone alik agan nugwi ti, An neebi lombok mbake minggirak o.

Ndawi 119:75

Kaliku ALA wae. Eekaatak ndak-ndak eeppiige menggendak wone neenu me, Kat liirogon eeppanege logonet, Aaninggin-paaninggin noba paneegindak keege agarik o.

Ndawi 84:5

“Ala nen aret ninomaawi eeppinanege logowak o,” Yinuk, iniki kat paga panggonak wonogwe, O abe alik leenak menggim nogome noorak iniki lunik lombok wonogwe, Eekwi iinok, Inale'nggen aret menggaarak o.

Ndawi 84:7

Nogo logonet, inomaawi arit-arit O Tiyon kat Ala kenggaanom paga ari unggwogwe, Eeko menggaarak o.

Kini Wuppiige 10:29

Aliku ALA eerit nage menggerak nogo it iniki abe koonak nen ndak-ndak eerit nugwi paga ineebe op wonogo menggaarak kwe, Aap maluk eeka nogo perak, eeka'lek paga ineebe lek eerogo pako menggaarak o.

Kini Wuppiige 16:21

Aap iniki warak kenok, “Wone mbet-mbet yelok kaga o,” yinuk, yogwe, Ndi, aap wone kigirikwe ari paga nen, “Aap ti, abet aret ari,” mbakwi, Eeko menggaarak.

Kini Wuppiige 4:18

It aap iniki abe koonak eerit nugwi nogo perak, Oonegen kemeninuk lagi woraakit nduk, eya mbuuluk eeke nagaatik, ti'nuk, Eerit-eerit o liingge paga eya ndak warogo pege kwak aret menggaarak kwe,

Yetaya 1:28

“Ala wone eeriyak nineebi,” mbaka inom, maluk mban eeka inom, ambugwi aret pup eerogo piige, Aliku ALA mbo pugwi iinok, ineebe lek eerogo piige, Eerigin o.

Yetaya 26:7

It aap iniki abe koonak nogo tu mot-mot mban nogo menggaarak me, Kat kiniki abe koonak yi wae. It aakumi iniki abe koonak nogo logorak inaru tiyak-tebek kenok ndenenogo pit nage menggendak o.

Yeremiya 29:12

Ti eyom paga, Yeenggwa niret o, yinuk, inoone nggwok paga yo'nugwi, ndi, nowagam woraanuk, tamban eekwi, eekwi iinok, inoone yogwe nogo naruk konenigin aret o.

Yeremiya 9:12

Aap iniki warak ta nen wone ti, liippege, ta nen Aliku ALA oone ari waganeegerak me, “Wone ti, ndogop o,” yinuk, yo'nirage, eeriyak op mbakop? O nggween yi maluk eerogo pege, o karu nggween mbuk aago kenok aakumi time noorak meek menggi kwak eerogo pege, eereegerak ti, nonggop nduk?

Yetikiyen 11:18

It iname o yime iniyokan wogo logomenggaarik, inagugiwak ogole warak mendek inom, ogole warak yi kugi ndi kugi inogut eerak inom, o yime nen eeko nogogwaarak nogo abok aret mbo pugun o.

Yetikiyen 18:25

Togop kwe, it nen yogo logonet, Ninogoba nen eeriyak koongge ti, ndak-ndak lek kagak koongge agaarik o, yogwe iigirak kwe, it Iterali mendek ti, an ari yi, inaruk konenggo logowak o. An eeriyak koongge ti, ndak-ndak lek ilik? It eeriyak koonggwi ti, ndak-ndak lek a? It mban iniki kwaakkolaawak o!

Yetikiyen 36:25

Piya nanuk, inabin koorogo piige neenok, it obeelom aret logogun o. Inoba maluk lenggennage, inagugi ogut alut eerit nogo logonet maluk eerogo pakwi, eereegwaarak nogo, inabin koorogo piinok,

Ndaniyen 12:10

It aakumi apit aret iniki abe koonak wonogwe iyaawak nduk eeppiigwi, iniki kikak naka'lek iyaawak nduk eeppiigwi, iniki kole aruwak nduk inabut mbanggwi, eekwi iigak kwe, it maluk eeka nen perak, maluk aret eerit nogo logogun o. It maluk eeka ambiriluk ambi nen wone yi liippugun lek kwe, it aap iniki warak nen perak, wone yi, yelok kaagun o.

Tepaniya 3:5

Aliku ALA at enggela'me wonage logonet, maluk ambi eeppiigeelik obeelom mban eeppiige, At puk aga'lek ko'lu-kii'me o kubondendok nen inawone amburu mbanogo punuk, a'me nggelok mban eeppiige, Eeke menggerak kwe, It aap maluk eeka iniki nggolawe nogo, inenggali mbaka'lek maluk mban eerit nugu menggaarak o.

Takariya 10:6

It Yekura paga wiganak mendek nogo inomaawi eeppiige, It aap Yutup paga wiganak mendek inagap ndarogo piige, Eerogo piige logominggirik, Inabuwa nen wogoren iniyokan iname piya woraagin o. Piya wage logominggirik, Naliku inogoba Ala an aret a'nuk, wonage logogin o. Ndi, an mbo piyareegirak kwe, mbo piyoolik negen eerogo piyaagin me, It nggino yo'nugwi iinok, inoone konengge logogin o.

Matiyut 11:19

Ndi, an aap aret nda'nagagirak nogo, mbi inom, anggur amburu inom, nenet wagarak me, kit nen yogo logonet, At mbi inom, anggur amburu inom, ugun lagap mban agan nege, it o unde inake wu kuwak eeka inom, it aap maluk eeka inom, iniki kunik eeginake, eeke yi, kaanip o, yinuk, yo'nogo monggotak kwe, Ala iniki warak nen koonit nage nogo ti, it eeko menggaarak abok aret eekwi paga obeelom aret kogo logogun o,” yinuk, yoragagerak.

Lukat 2:34

Pi wakwi iigak, at Timeyon nogo nen ale'nggen agalo-ogoba inoba piige logonet, at agalo Mariya nogo yoge, “Elege yi, it aakumi Iterali mendek apit aret tiyappiige-tebeppiige, eeke logowak nduk, at Ala nen mippereegerak o. Aakumi ineenu aruwak nduk, mippereegerak kagak, aakumi apit, Nineebi o, yinuk, yogwe nogo paga inikime mbakwi nogo tena'me age logogin o.

Lukat 7:23

Ndi, kit an eeke minggirak paga kineebi nombakulik kiinok ti, kinale'nggen aret logomunggup o,” yinuk, yoragagerak.

Yaya 15:24

An it inenggela'me logonet, eekulik mendek eeke logonetak lek en, it maluk ineenggo'lek ugun aret logonetak kwe, yogondak perak, an eeke nagagirak nogo, it muk neego nagaarik, an nogoba nimbirak aret ineebi ninombako agaarik o.

Yaya 18:37

Yoge mbareegi, at Pilatut nen, “Ti kenok, kat aap kendagembogut aret ilik?” Yoge mbareegi, at Yetut nen, “Kendagembogut yo'negendak ti, abet aret yo'negen o. An togop aret logokit nduk nda'nagagirak. Ndi, Ala ndogop menggerak wone paganogo yokkirage logokit nduk, o nggween paga yime wambi wagagirak nogo o! Ala ndogop menggerak, wone yorage nogo waganggwi iinok, Ala apuri aret me, an noone konenggo menggaarak o.”

Yaya 8:47

It Ala apuri ti, Ala ari menggerak nogo inaruk konenggo menggaarak o. Kit Ala apuri lek me, an noone ari nogo kit konenggulik aret monggotak o,” yinuk, yoragagerak.

Yaya 9:39

Ayuk wuke mbareegi, at Yetut nen, “It inigen mbuk kenok inigen obeelom eeginake, inigen obeelom kenok inigen mbuk eeginake, eeke logonet, kinowak loonogo pinagakit nduk, an o nggween paga yime wambi wagagirak o,” yinuk, yoragagerak.

Nappiigak 13:10

“Kat Ibilit aput yi, maluk eeke logonet, obeelom eeriyak keebi mbake menggendak kat aret o. Pilit pugungga iyagalo kat aret me, aakumi inambokan laganikit nduk, yi wone ndi wone ugun pugunogo yorenet nage menggendak. Ala oone abet mban ari menggerak nogo abut lagangge logokit, mbake menggendak nogo, puk arikit mbaka'lek nonggop nduk, ari mban menggendak?

Oroma 7:12

Ti kenok, wone yoreegerak Muta liiru mbaneegerak ti, maluk lek abu obeelom alik leenak aret o. Ndi, Ala nen, “Yogop ee'nu, ndogop ee'nu,” yinuk, yereegerak wone nogo ti kunduk, mondok obeelom mot-mot alik leenak aret agaarik o.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.