Oteya 14:7 - Ala Wone Peenok Peebi Mbanak

⁷ Eyo tayitun abe wigangge me, Wi! yogo mengga kwak, it togop wonogwe iinok, Wi! irogwe, Eyo nggabina Libanon mendek obari abe kogo mengga kwak, it togop aret wonogwe iigwi, Eerugun me,

Oteya 14:7 ပူးပေါင်းရင်းမြစ်များ

Ndawi 138:7

Maluk eeppaniyak wangge'nakwi iigak wonage me, Kat nen nili eerogo panege, It nawim inanini nen nooriyak eekwi iigak, Keenggi abe'nggan paga it tebenogo piinok, nagap ndake, Eeke menggendak o.

Ndawi 85:6

Kat eeppinanemenggendak paga Kapuri ninale'nggen kombako logowok nduk, Aa'nduk wonogogu kwak obeelom eeppinaniyak lek mbaken?

Ndawi 91:1

Aap ambi eebe op logokit nduk, at Tiyanak Lombok abu'me wonage kenok, At Omaawi Lombok Menggerak angguna'me logogin o.

Ndawi Iya 2:3

Yi eyo ndi eyo eyonggaame wonage enggela'me eyo anggen abe wonage menggi kwak At niniki kunik eebe ti, wologwe tawe inenggela'me togop aret menggerak o. At angguna'me kwi'nariyak ninikilom mbake, At anggen ti, ombat abe lombok kage, Eeke minggirak o.

Ndawi Iya 4:11

Kwe noreeluk yi wae. Nggiin ta'mbanak me nen amburu puk wanggak eeke menggi kwak, kambe paga nen koone aberogon ari, Nggiin amburu kwak, elak amburu kwak, kamili abu'me wonage, Puut Libanon obari abe menggi kwak, kayum obari abe wonage, Eeke keegi o.

Ndawi Iya 6:11

An woromoolome nage nagarik, o kobappaga woromo nogo logonak kero nenegen pekkenet nege, Eyo anggur ambit-mbit wake kero, malenit nage, Eyo delima ayo wake kero, nenegen liippit nage, Eeke logonet,

Yetaya 61:11

Nggween nen yi mendek ndi mendek awi mbilanogo nippit wage, Yabu wogome anggen yumbunggaatak mbilanogo nippit wa'nuk, anggen kole eerogo pege, Eeke menggi kwak, Aliku Itok Menggerak ALA nen obeelom mban eerit nugu logorak inom, inale'nggen nen at endage tiyappogo logorak inom, Yi aakumi ndi aakumi inenggaanom paga eekwi ti, togop aret kin eerogo wumbigin o,” yinuk, yegerak o.

Yetikiyen 17:23

Iterali inabuut nggorek tiyarogon paga yappiminggirak nogo eno'mbak yiganak-wiganak eerogo pege, anggen yigogo pege, eyo nggabina abe tawe age, eeke kenok, towe inetenggen lombok abok aret eyo nogo paga inawi mbani unggwogwe, eyo eno'mbak wiganak nogo, abu'me ineebe op lombok logowok nduk, ari unggwogwe, eeko logogun o.

Oteya 14:5

Aliku ALA nen ari logonet, “It Iterali nanini inoba piyoorak mbakirak nogo, muk lek agaarak me, An mbo paninuk, nomo agan nugu nogogwaarak nogo, an nen iniyokan wogoren piya wage, Inabuwa lombok mbarit unggwage, Eerigin o.

Oteya 2:21

Aliku ALA nen ari logonet, “Ne ti eyom paga at oone yo'nege kenok, naruk konengge, Naruk konembunuk, o mayu wuppi woroorak mbogut yoge, Yoge neenok, mbogut nen mayu wuppi wage,

Oteya 2:22

Mayu wuppi wage neenok, nggween miin eerogo pege, Nggween miin eerak paga gandum yarak anggen kole eerogo pege, Anggur yarak amburu ngget tooluwak nduk eerogo pege, Tayitun amburu tooluwak nduk, eyo amburu eerogo pege, Eerigin me, Yi mendek ndi mendek yarak abok aret, Ala nen aret yakerak me, Yiteren yi aret o, yinuk, inale'nggen kogo logogun o.

Oteya 6:2

Mugurok nogwe niinok, nogo mbere yippunuk, nineebe andi lek eerogo pinanege, Ndi, nogo mbere yippunuk ko'lu nit ninomaawi eerogo mippinanege, Eeke logomenggerik, Ninarum wonage kagak, eerit nogo logogun o.

Takariya 8:12

“Anggen yaremenggaarak nogo abe lagangge, eyo anggur nogo anggen abe yege, inanggween amburu eerogo pemenggerak paga anggen abe mbanggologwe, mbogut paga nen mayu wuppi wage, eeruwak nduk, eeppiyaagin o. Yi mendek ndi mendek abok aret ti, an napuri eegu yumbunik yi, ineyate kwak unde logowak nduk, eeppiyaagin o.

Yaya 11:25

Yoge mbareegi, Yetut nen at yoge logonet, “Aakumi ineenik agago mippiige minggirak an aret me, aap ambit ambi nen iniki noba panggombunuk, abet nombake kenok, kambemenggerak kwe, eenik a'nuk, mi'narigin o.

Yaya 12:24

Mbato awi nggween paga yakaatak agabolo nggonengga'lek kagak, ambit aret menggerak o. Ndi, agabolo nggonengge nagaatik, awi mbilangge kenok perak, anggen ambik aret yege menggerak o.