Oteya 14:5 - Ala Wone Peenok Peebi Mbanak

⁵ Aliku ALA nen ari logonet, “It Iterali nanini inoba piyoorak mbakirak nogo, muk lek agaarak me, An mbo paninuk, nomo agan nugu nogogwaarak nogo, an nen iniyokan wogoren piya wage, Inabuwa lombok mbarit unggwage, Eerigin o.

Oteya 14:5 ပူးပေါင်းရင်းမြစ်များ

2 Tamuwen 23:4

O kuubondendok ogum eeka'lek O wiikit nduk kilim nagake, O mayu mbangge nagaatik, Kibu-kibu eerogo pege logonet, Iri'ngga anggup larogo pit wage, Eeke menggi kwak, Aap ti, togop aret wonage menggerak o.

2 Endagembogut 19:30

It aap Yekura o Yerutalem nen ando yumbunik nogo wundi wogwe, Ndi, it teppiyareegwaarak nogo, puut Tiyon paga nen wundi wogwe, Eerugun me, It Yekura paga wiganak ando yumbunik ti, Eyo omanggen nggween paga yari wanggetak me, Ero nggwok lagangge logonet, anggen abe yege menggi kwak, togop aret logogun o. Ti eeppiyaagin nogo ti, at Omaawi Lombok Menggerak Aliku ALA nen, Eerikit, lombok mbake me, eerigin aret, yegerak o.

Ayup 29:19

Eyo omanggen niyoome yarak menggi kwak, nomanggen togop aret yarak wonage, Eyo eno'mbak nogo paga oonikiya miin anggen luurik menggi kwak, nagabolo ki eerogo panege,

Ndawi 133:3

O time mondok-mondok ki eeke logowak nduk, Aliku ALA ale'nggen oba pege menggerak me, Puut Keromon nen konaananggen puut-puut Tiyon paga Wambit wage menggi kwak, It aap ti togop aret wonogo menggaarak o.

Ndawi 72:16

O at unde menggim gandum mban yagabit aago wonage, Puut-puut paga yarak yoguk-yagak lagangge, Nggween o Libanon paga yarak nogo, anggen li aago yugu menggi kwak wonage, Iri'ngga mili-mili kwit agan lagangge menggi kwak, Gandum yarak togop aret kwit agan lagangge, Eeke logowak o.

Ndawi 72:6

O mayu iri'ngga paga wambit wage, Mayu wambit wage logonet nggween yawenogo pege, Eeke menggi kwak, At togop aret wonage logogin o.

Ndawi 80:9

Nggween amok mbanogo punuk yareegindak me, Eyo awi ti, omanggen kiiniki paga aret wurake, Eno'mbak o yi paga ndak warogo pege,

Ndawi 92:12

Eyo nggabu engga mili lagangge menggi kwak, Eyo nggabina Libanon mendek mili kwit agan lagangge menggi kwak, It aap iniki abe koonak nogo togop aret logogun o.

Ndawi 92:13

It aap ti, Kaliku ALA kawi wurik me Eyo awi yarak mbilangge menggi kwak wonogwe, Kat ninogoba Ala kawoore'nggam Eyo yarak kwit agan lagangge kwak, wonogwe,

Kini Wuppiige 19:12

Aap endagembogut anini wungge ti, singa anini nen oone kole ari menggi kwak aret kwe, Ale'nggen mbake nogo perak, konaananggen iri'ngga oba luurogo pege menggi kwak aret menggerak.

Ndawi Iya 2:16

An niniki kunik eeke ti, eebe an mendek wonage, Ndi, an neebe ti, at mendek wonage, Eeko ogoorik o. Waambi anggen yugu enggela'me andomba ndegeninake agaarik o.

Ndawi Iya 4:5

Kelak mbere ti, rusa aagalogwe mbere kwak wonage, Kijang aagalogwe kulu'mbere waambi anggen enggela'me iri'ngga nenet nugwi kwak wonage, Eerak menggendak o.

Yetaya 12:1

Ne ti eyom paga kit nen yogo logonet, “Kaliku ALA wae. Aa'nduk kanini abet aret ninoba pinanege nagagindak kwe, yogondak nen kanini lek age, Niniki eyak wappinanege, Eeke me, Wa, lombok yokkogo ogoorik o.

Yetaya 18:4

Aliku ALA nen an yo'negerak nogo yi o. “Ti eekwi iigak, mo andi nen ligik-ligak eeko mengga kwak, O kibi kagak anggen mbanggwi eyom paga konaananggen luurogo pit wundi wage menggi kwak, An wonage minggim nabolok lek logonet nenegen wogonake nena wutik logogin,” yo'negerak o.

Yetaya 26:19

It kat kapuri kambeegwaarak nogo perak, ineenik ogwe, Inowak nggininik abok aret mi'nogwe, Eerugun me, Kit aap nggween taambinagareegwaarak wonogwe yi wae. Kineenik a'nuk, kinale'nggen nen keekok yogo logonip o. O weege kagak konaananggen nen iri'ngga-kale'ngga ki eerogo pege menggi kwak, It kambeegwaarak nggween taanak wonogwe nogo ngget nda'nogwe kwak ineenik agago mippiyaamunggun o.

Yetaya 27:6

Eyo omanggen wurake, ambit-mbit wappunuk anggen yege, Anggen yugu ka'let age, eeke menggi kwak, Ne peebi ari wage ti eyom paga it Yakup paga wiganak nen inomanggen yakwi, Iterali paga wiganak nen ambit-mbit wappunuk anggen yugwi, Ndi, anggen yugu ti, o nggween paga yime mondok ndak wa'nogwe, Eerugun o.

Yetaya 35:2

O karume waambi anggen tuk mbilenggen eerit nage kenok, ale'nggen nen ndawi wake, keekok ari, eerigin o. O Libanon iri'ngga kwit agan lagit nage kenok, “Wi!” irogo mengga kwak, Puut Karemen inom, o Taron inom, iri'ngga-kale'ngga abe lombok menggi kwak, O karume togop aret eerogo pemenggerak paga at Aliku ALA abu tiyanak wonage, Ninogoba Ala abinak pindan-pindan eeke, Eeke nogo Aakumi inigen kaagun o.

Yetaya 45:8

“Kat mbogut yi wae. O mayu wuppi wage menggendak kwak a'me nggelok eerogo piya wage logot o. Ndugwi nen mayu wuppi wage menggi kwak, a'me nggelok eerogo piya wage, Nggween nen mayu wagangge menggi kwak it nggween paga mendek noone yugu waganggwi, Awi mbilanit nage menggi kwak, inagap ndariyak kologwe, Kologo logomenggaarik, obeelom mban eerit nogwe, Eeko logowak o, yinuk, Wone ti, ndak-ndak aruwak nduk koonogo pereegirak Naliku ALA an nen aret o,” yinuk, yegerak o.

Yetaya 57:18

Eerit nogwe nogo an iige nagagirak kwe, Obeelom eerogo piige, tu obeelom paga wogoren nage, Iniki tayenak logowak nduk, aa'nduk wonogogwa kwak eerogo piige, Eerigin o.

Yetaya 57:19

Ndi, it Iterali iinok iniki puru yogwe nogo iniki kwippiige neenok, nalut eeko logogun o. Naliku ALA nen it aap koorok wonogwe inom, nda wonogwe inom, iniki ugun tayenak logowak o. An nen obeelom eerogo piyaagin me, iniki ugun tayenak logowak o,” yinuk, yegerak o.

Yeremiya 3:22

“Kwe ogonggelo mbo punuk, ugun eerit nega kwak kit yi, kiniyokan neya woraanip o. Kit tu abe mbo punuk, alik paga nomorogon nogo monggotak nogo, ambinom eeko logokwak, An nen obeelom eerogo pinagagin o.” Yorage mbareegi, it nen, “E o. Ninogoba Kaliku Ala kat aret me, niniyokan kowagam wogo.

Yeremiya 32:41

an nen it obeelom eerogo piyoorak niniki ale'nggen mbake, ndi, niniki ambit eeppunuk, yoragagirak nogo ndak-ndak o nggween yi, mondok-mondok logowak nduk eeppiige, eerigin ti aret,” yo'nereegerak.

Oteya 6:3

Togop me, At Aliku ALA ti, nit ninogoba aret o, yinuk, paganggwi, At eeke menggerak nineenu arit unggwogwe, Eeko logowok o. Ti eekwi niinok, oonegen lagi wage logonet, eya pindanogo pege menggi kwak at abet aret niya wage, O mayu wage menggim age kenok, mbogut paga nen mayu wuranet wage menggi kwak ninowagam wage, O kibi wonagaatik, o mayu wage logonet, nggween miin eerogo pege menggi kwak, at nen obeelom eerogo pinanege, Eerigin o, Yinuk, yogo agaarik o.

Mika 5:7

Singa ndiimbu-nggwiya eyonggaame mendek inenggela'me wonage menggi kwak, Singa awooluk kambin-ndomba inenggela'me unggwi nanuk, Yimbik togon eerogo nappiige, nibinik-ndelenak eerogo nenet nage, Eeke me, Ambeme nen ndiniyak meek menggi kwak, At Yakup mendek ando yumbunik nogo, togop aret aakumi inanebunu lombok inenggela'me wonogwe, Yi aakumi ndi aakumi ambik inenggela'me arit namenggaarak wonogwe, Eeko logogun o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Matiyut 6:28

Togop lek kagak, nonggop nduk kinagabolo paga yikkoloorak mendek mban kiniki piirik ogotik? Waambi anggen karume lagangge menggerak nogo liippinip o. At Talomo aap nggwok abu abe mban kenok, aakumi, Wi, ugo nogogwaarak nogo kwe, at ti meek o. Waambi ti perak, yabu wagangge, ligi laangge, eekeelik kwe, Ala nen unde wake kagak, anggen mondok abe kigirikwe yege menggerak me nduk yokkiragi o.

Lukat 12:27

Waambi anggen lagangge menggerak nogo liippinip o. Aap Talomo aap nggwok abu abe mban kenok, aakumi nen, Wi, ugo nogogwaarak nogo kwe, at meek negen o. Waambi anggen ti perak, yabu wagangge, ligi laangge, eekeelik kwe, Ala nen unde wake kagak, anggen mondok abe kigirikwe yege menggerak me nduk, yokkiragi o.

Epetut 3:17

Kit abet mbakwi kiinok Keritut kinikime ye mbanggola unggwage, ndi, eyo omanggen nggween kole paga wuraketak nu'lek menggi kwak, kit togop aret kiniki nu'lek logonet, aakumi kinom kiniki kunik aganakwi, eeko logobagip nduk, kinake tamban eeke minggirak.

Pelaareegerak 32:2

An wone mamunirage yi, o mayu wangge menggi kwak age, Noone ari yi, miinanggen iri'ngga paga luurik pogom age, Iri'ngga anggup awo larak paga o mayu wangge kwak, age, Yi mendek ndi mendek yarak paga o mayu lubu-lubu wangge kwak, age, Eeruwak o.