Oteya 13:2 - Ala Wone Peenok Peebi Mbanak

² Yogondak kunduk, maluk ambi eekak eerit wundi wogwe, Inambuti perak paga inagugi ogut eeppunuk alut eekwi, Inayuk wuko logowak nduk, inagugi inogut abu abe lombok ineenggi amburu paga ogobakkigirogo pugwi, Eeko nagaatik, “Kugi ogut eekoorak yi, ake warogo wogogwi, Lembu aagalogwe inogut eerak ti, kineyak mbaninakwi, Ee'nip o,” Yinuk, yorogo menggaarak o.

Oteya 13:2 ပူးပေါင်းရင်းမြစ်များ

1 Endagembogut 19:18

it aakumi Iterali kugi Mba'an inendobanggun yindumbunuk, ayuk wukwi, at ogut nogo ineyak mbanggwi, eerulik kenok ineebe tujuh ribu inili eerogo piigirak wonogwe o,” yoreegerak.

2 Mbinineegwaarak 28:13

“Nit maluk nggwok eekoorak paga Aliku ALA anini kani kunik negen nit Iterali ninoba pinanggerak wonage me, maluk ambinom eekwi niinok, anini abunuk ninoba pinaniyak nduk, eeko ogotik? At Aliku ALA nen nit togon maluk nggwok eekwi kwaa'niyokwak, it aap keele maageren wogotak nogo yime piyaagup o.”

2 Mbinineegwaarak 33:23

Ogoba Manate ti, Aliku ALA enggaanom paga maluk eeke nagagerak kwe, iniki tebeppateegerak nogo kwak, aput togop eerulik. Aput Amon nogo perak, iniki tiyanak mban wonage logonet, maluk ambik lombok eerit nage nagagerak.

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Yetaya 1:5

Kinanobak paga abok aret kinawin kunik mban wonogwe, Kinooke kagak, kiniki lek-lek eekkinake, Kiniyok ogut kuli nen nok kinanobak kuli, obeelom ambi wonogwe lek piirik-kunik aago mban wonogwe, Kinawinde-kinobaande aago wonogwe, Kinoba pirikut-parakut eerak wonogwe, Eerak nogo lek aruwak nduk, tubunogo wumbakwi, Wip amburu mburunogo punuk, nggerenggologwe, Eeka'lek aret wonogwe kiigak kwe, At nen ambinom kinoorikit nduk eeke, At nen yokkirage nogo, “Eeriyak nineebi,” mban mbakwi, Eekwi ti, Nonggop nduk eeko ogotik?

Yetaya 30:1

At Aliku ALA nen, “It napuri inogogumbuk logonet, an eeriyak mbake nogo, Eeruwok, mbaka'lek it eeriyak mbakwi nogo mban eerit nugwi, Aberiniki nappi wagagirak nogo inom a'nuk eeka'lek aakumi inom a'nuk eekwi paga maluk eekwi nogo nggwok arit wundi nage,

Yetaya 44:11

At inom, inom eerit nugu menggaarak inom, inenggali arugun o. It ineenggi amburu eekwi ti, aap mban aret o. It aap ti abok kuwak a'nuk, ambugwi aret inaana'le mbanggolaawok nduk, eeremenggaarak kwe, Inaganak wako logonet inenggali arugun o.

Yetaya 45:20

“It yi aakumi ndi aakumi inenggela'me nen kole mbaganit nogogwaarak abok aret ti, Kuwak ogo logomenggaarik, nowagam wogwe, Nowagam wa'nuk, ninom wone mbanggwi, Eeko logowok o. It aap inagugi ogut eyo paga ogobakkigirik wonok nugwi, Inagugi ogut eerak nen yeenggwaaroorak meek kagak, nggino yogwi, Eekwi nogo ti, Ineenggo'lek wi negen aret wonogo agaarik o.

Yetaya 46:6

Aap nen mbuti emas inayuma yonggolak nogo kilirogo wuppugwi, Mbuti perak aaninggin wakkogwe, Eeko nagaatik, Aap mbuti emas ogobakkigika nen ti paga kugi ogut ogobakkigiruwak nduk, onggo wogogwi, Ogobakkigirogo pege kenok, abu'me tebe yinuk, ayuk wukwi,

Yetaya 46:8

Kit aap an noone, Eeriyak nineebi, mbaka yi wae. Wone ti abekwi, liippakwi, liippatinuk kiniki koonggwi, eeko logonip o.

Yeremiya 10:4

Kugi ogut aago enete amuni mbannaruwak nduk, mbuti perak inom, mbuti emas inom, nabenogo pugwi, Kweyak togon nage kero paku omaawi warogo pugwi, Eeko menggaarak.

Yeremiya 10:8

Kugi ogut eyo paga ogobakkigirik aanom warogo alut eekwi ti nen wone mamunirogo menggaarak me, It aakumi ti, iniki apit wi negen aret wonogo agaarik o.

Yeremiya 8:5

Eeko menggaarak kagak, it aakumi yi, nonggop nduk tu nomo agan mban nogwe, It Yerutalem wonogwe nogo nonggop nduk nomoninuk nogwe, Eeko agaarik mbakop? Aakumi inambokan lagangga kagak mugurok nogo logonet, iniyokan woroorak ineebi mbako menggaarak.

Oteya 10:1

It Iterali ti, eyo anggur eno'mbak wiganogo punuk, anggen abe yege menggi kwak wonogogwaarak o. Anggen ambik aret yi'nage kagak, inayuk wukwi inake warogo wogoragak kunduk, ambik ogobakkigirogo pit nogwe, Inanggween mili lubunit nage kagak, inagugiwak kunduk, etenggen abe eerogo mippit nogwe, Eeko nogogwaarak.

Oteya 10:5

It o Tamariya menggaarak nen inayuk wuka tapi aagaluk ogut eerak o Mbet-Awen wonage nogo, Wonok o nda time pi nogwe iyo, inagabiti mbakwi, Iniki wakkologo logonet, le yogwe, It aap inagugi ogut eerak abu abe eerak me, pi wakwi it kugi unde nogo nen kunduk, le yogwe, Eerugun o.

Oteya 11:2

Wiiragak eeke neegak kwe, nomo agan mbaganit nogo logonet, kugi Mba'an nogo inake warogo wogorogwe, Inagugi ogut eerak nogo inake obari abe kaga kani kunggwi, Eeko nogogwaarak o.

Oteya 11:6

Maale namburik it wonogo menggam kota-kota pinda agan wambit nage, Inawi pak wurik wa'mbit mbuti paga eerak narak nogo, kalenak-pugunik eerogo wurabit nage, It eeriyak koonit nugwi nogo, lek eerogo piinet nage, Eerigin o.

Oteya 14:3

“Nit yogop eeko o”, yinuk, wone wonok at Aliku ALA owagam wogo logomonggotik, at yogo logonet, “Maluk eekoorak abok aret lek eerogo pinanege, Kiniki yanggonak paga wo'ninake, Eeke keenok, Kake pugu kwak, Ndogop eeko logogun o, yinuk, yokkogoorak nogo ndak-ndak aret eeko logogun o.

Oteya 2:8

Gandum inom, anggur amburu ngget toolak inom, tayitun amburu toolak inom, wogoge nagagirak nogo ti, At Ala nen aret wo'nege kagi, yinuk, ari, Ndi, inagugi Mba'an ayuk wuko logonet ake pogo nogogwaarak mbuti perak inom, mbuti emas inom, kalo logonogo wogoge nagagirak nogo ti, Ala nen aret wo'nereegerak kagak, eereegirak kagi, yinuk, ari, Eeka'lek aret agaarik o.

Oteya 4:17

It Eparayim mendek ti, inagugi inom kunggologogwaarak wonogwe me, inobaalombok o!

Oteya 8:4

An, Eo, yaga'lek neegak, inoweewi inendagembogut mippiigak eekwi, An nen, Op aret o, yinuk, mbaka'lek neegak, it inoweewi nagawan-nagawan leenogo piigwi, Eeko menggaarak o. Ndi, inambuti perak paga, inambuti emas paga, inagugi ogut eerogo mippako menggaarak ti paga ineebe lek eerogo pako agaarik o.

Oteya 8:5

It aakumi Tamariya mendek ti, inagugi lembu aagaluk ogut aago nogo neebi lombok mbake, It eekwi paga nanini kani kunik negen ee'nake, Eeke me, It obeelom aga'lek maluk eerogo patit wundi wogwe iigak, ne mande ari nagin o?

Oteya 8:6

Lembu aagaluk ogut aago ti, an Ala lek o. Ata, it Iterali mendek aap eenggi amburu paga eeka ambi nen ogobakkigireegerak me, Lembu aagaluk ogut o Tamariya paga eerogo pugu ti, yigirogo mbo wurabigin aret o.

Linggineegwaarak 32:14

Togop me, kit yi, kinombomini maan maluk eeka awi mbilanak kit aret me, it aakumi maluk eeko menggaarak kinom a'nuk, eekwi paga it aakumi Iterali mendek Aliku ALA anini kani kunik negen ambinom nggwik togon inoba piyaawak mba'nuk yogwe kiigi o.

Oroma 11:4

Yoge mbareegi, Ala nen at nonggop yoreegerak? Ala nen at yoge logonet, “Aap ineebe ambik tujuh ribu aret kugi Mba'an wogoppega'lek iinok, inili nen piirogo agarik o,” yinuk, yoreegerak.

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

2 Timotiyut 3:13

Togop aret kwe, it aakumi maluk eeka inom, pilit pugungga inom, maluk ambinom nggwok eerit nugu logonet, it mban-mban inambokan laganggologo logogun kwe,

1 Tamuwen 10:1

Yoge mbareegi, ayeloman nogo nappereegerak nage kagak, aap Tamuwen nogo nen eyo tayitun amburu yiiwa'na toolak nogo wagangge nagagerik, Tawun anobak paga kilippunuk keyage wake, agandin eyak mbangge, eeke nagagerik, wone yoge logonet, “Ala apuri iniki kundugu Iterali nogo inarum logonet, inawone mbangge logonok nduk at Aliku ALA nen kat aret leenogo mippagagerak keenu a'nok nduk, amburu kilippagagi o.