Oteya 13:1 - Ala Wone Peenok Peebi Mbanak

¹ Aa'nduk it Eparayim mendek nen wone yogwe iinok, aakumi nen, “Yi yogwe yi, iya!” yinuk, inaganak wake, Iterali inenggela'me it Eparayim mendek inendage tiyak ari, Eeke nagagerak kwe, It nen kugi Mba'an ayuk wurit nogo nogogwaarak paga inenggaawak lek eerogo patit nogogwaarak.

Oteya 13:1 ပူးပေါင်းရင်းမြစ်များ

Wakkagagerak 2:17

eyo maluk-obeelom ineenu agak anggen yugu ti perak, kat nen ambi noorak abu mage o. Mbanogo namunggun kenok, awo nengge ti eyom paga aret kambumunggun o,” yoreegerak.

1 Endagembogut 12:25

Ti'nuk, aap Yerobeyam nogo nen o Eparayim puut nggelok-nggobok me kota Tikem nogome omaawi eerogo punuk, wonagagerik, wundi nanuk, kota Penuwen kunduk omaawi eerogo pereegerak.

Ayup 29:21

Ne ti eyom paga noone ari neegak, Aakumi nen inabolok lek logonet konenggwi, Inaruk wake neegak, inoone lek waganggwi,

Ayup 29:22

Eeke neenok, inoone pi'naka'lek wonogwe, Eeko nogogwaarak. Niyo amburu puk-puk wangge menggi kwak, noone togop aret inoba kilirogo piige,

Kini Wuppiige 18:12

Aap ambi aa'nduk iniki tiyappatit nege kenok, peebi endage maluk age menggerak kwe, Ndi, aap ambi aa'nduk iniki tebeppake kenok perak, peebi ayuk wuko menggaarak.

Yetaya 66:2

Yi mendek ndi mendek ogobakkigirik yi, an nen mban ogobakkigireegirak me, Aret wonage menggerak nogo lek a?” yinuk, Aliku ALA nen yegerak o. “It aap iniki tebenak wonogwe, Maluk eekirak, ao, mbakwi, noone ari neenok inaganak wake, Eekwi iinok, An liippiige minggirak kwe,

Oteya 11:2

Wiiragak eeke neegak kwe, nomo agan mbaganit nogo logonet, kugi Mba'an nogo inake warogo wogorogwe, Inagugi ogut eerak nogo inake obari abe kaga kani kunggwi, Eeko nogogwaarak o.

Oteya 2:10

Eeke logominggirik, at iniki kunik eeko menggaarak nogo inigen iigak, At amendek kin eerogo pege neenok, Aap ambi nen, Eekulik mendek togop eerogo puurak mage o, yinuk, an yo'nirugun lek aret o.

Oteya 2:8

Gandum inom, anggur amburu ngget toolak inom, tayitun amburu toolak inom, wogoge nagagirak nogo ti, At Ala nen aret wo'nege kagi, yinuk, ari, Ndi, inagugi Mba'an ayuk wuko logonet ake pogo nogogwaarak mbuti perak inom, mbuti emas inom, kalo logonogo wogoge nagagirak nogo ti, Ala nen aret wo'nereegerak kagak, eereegirak kagi, yinuk, ari, Eeka'lek aret agaarik o.

Oteya 8:4

An, Eo, yaga'lek neegak, inoweewi inendagembogut mippiigak eekwi, An nen, Op aret o, yinuk, mbaka'lek neegak, it inoweewi nagawan-nagawan leenogo piigwi, Eeko menggaarak o. Ndi, inambuti perak paga, inambuti emas paga, inagugi ogut eerogo mippako menggaarak ti paga ineebe lek eerogo pako agaarik o.

Linggineegwaarak 10:22

Ti'nuk, at aap Amikut aput Elitama nogo nen inowe a'nuk it inanebunu Eparayim mendek inawot lombok aago nogo, ineenu agak eyo paga pugunik wonok inambokan ogwe,

Linggineegwaarak 13:16

At Muta nen it aap o inigen yombooni nawak nduk nappiyareegerak nogo inendage ti aret o. Ndi, Nun aput Oteya nogo at Muta nen endage peebi Yotuwa tooneegerak.

Linggineegwaarak 13:8

Inanebunu Eparayim nen Nun aput Oteya,

Lukat 14:11

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Oroma 5:12

Togop me, aap ambiret maluk eereegerak paga nit yi aakumi ndi aakumi abok aret maluk ninoba wigak yereegerak. Ndi, at maluk eereegerak paga kambeegerak nogo kokwak, nit abok aret maluk eeko nogogurak paga kanggwi alom ninoba wigak yereegerak me, kanggo monggoorak.

2 Korindut 5:14

At ambi nit aakumi abok ninobaane'me kambeegerak nogo paga nit abok at ninom kunik me, ninom aret kambeegurak. Ndi, “Nit abok ninobaane'me kambeegerak nogo ti, nit ninobaalombok mban eerit nugu logowok nduk, kambulik o. Ata, at ninake kangge mbareegi, eenik agago mippereegerak nogo, ake eerit nugu logowok nduk, ninobaane'me aret kambeegerak kogo,” yinuk, Keritut iniki kunik lombok ee'ninabeegerak me, eereegerak wone ti, nit puk aga'lek yoragak mban eeriyak ee'ninake agaarik o.

Yotuwa 3:7

at Aliku ALA nen Yotuwa yoge, “An Muta nimbirak wonagagirak nogo pogom yogondak kat nimbirak wonage nogo it aakumi Iterali ineenu aruwak nduk, inenggaanom paga kat kendage tiyappagagin o.

Owak Loongga 12:1

Ne ti eyom paga aap Eparayim mendek nogo kuwak eeppiinok, o Tapon wunda nogo nogogwaarik, aap Yepata nogo yogo logonet, “Nit ninom aakumi Amon mendek inoori nawok nduk, yo'niroolik nonggop nduk? Kalik inoori nagandak me, kame keegak keebe inom aret kani pagagun o.”

Owak Loongga 8:1

It aakumi Eparayim mendek nen aap Nggireyon yogo logonet, “Kat aap Miriyan mendek kinom wim namburi nage logonet, nit yo'niroolik nonggop nduk eekendak? Kat nonggop nduk nit togop ee'ninake agandik?” yinuk, it inoone maluk yiiwu yoreegwaarak.

1 Tamuwen 15:17

Yoge mbareegi, Tamuwen nen yoge logonet, “An aap abu meek o, mbake keegak, aakumi Iterali inanebunu lombok inowe agagindak nogo lek a? Togop mbake keegak kwe, at Aliku ALA nen aakumi Iterali inowe kendagembogut logonok nduk, kat aret leenogo pagage mbareegi, amburu eeppagareegwaarak o.