Oteya 12:9 - Ala Wone Peenok Peebi Mbanak

⁹ Aliku ALA nen ari logonet, “O Metit nen wogoren wundi wagagirak Naliku inogoba Ala an aret o. It inale'nggen nen laago lariyak wone yugu nogo lako logonet, inawooliya wuppunuk lako nogogwa kwak, Peebi inawooliya wuppunuk logowak nduk, eerogo piyaagin o.

Oteya 12:9 ပူးပေါင်းရင်းမြစ်များ

Wakkagagerak 25:27

It wologwe nogo imbirak abu aret tawe ogo nogogwaarik, at Etawu nogo kulinik-kalinik eyonggaame mban nege logonet, towe-pagi eenggi tobo mban wake nagagerak kwe, at Yakup nogo perak, iniki kwi'ndak oome yabu mban eeke wonagagerak.

2 Tamuwen 7:2

Ndawut nen aap Ala nen yoge kagak yoraga Natan nogo yoge logonet, “An nawi o nggwok abe wurik yi, eyo abe nggabina paga abu obeelom wuppanegaarak wonage neegak kwe, Ala aloobut mbanak kenok we ooliya wurik me wonage ti ket o.”

Etara 3:4

Ti eeko logonet, liiru mbanak nogo ndak-ndak laago endage Ooliya-Ooliya Wurit Wogogwaarak nogo aberogo inale'nggen nen lakwi, ndi, “Ne ti paga ari wage kenok, kinaanggumi ndi kuli warogo Ala ake kani kunggo logomunggup o,” yugu nogo ndak-ndak aret ko'lu-kii'me warogo ake kani kunggwi, eeko nogogwaarak.

Ndawi 49:7

Aap ambi kambunuk nogo menggam noorak lek Eenik mondok logorak onggo puurak nogo ti, Oreewi nen puurak abu meek mondok iya aret me, It aap ineenggi warak ti nen Inoreeluk ambi kambuurak eeke me, Eenik logorak ake wu pugwi, Wake kero onggo wu ambi Ala wogogwi, Eeriyak meek aret o.

Ndawi 81:10

O Metit nen wokkiren wundi wagagirak Naliku kinogoba Ala an aret o. An aret me, towe oo'nu inambe a aago wonogwe me Inagalo kumunuk mbanogo inambeme piya wage menggi kwak, An togop aret eeppinagage logorak mbakirak kwe,

Wundeegwaarak 20:2

“Kit o Metit inayeloman agago pinaganuk tebembinagago wonogwe me, wokkiren wundi wagagirak Naliku kinogoba Ala an aret o.

Kini Wuppiige 30:12

It aap ando inapuri nen, “Nit abu kikak naka'lek aret wonogwe,” mbakwi kwe, maluk inoba lenggenak kagak yogwe,

Yeremiya 35:7

Wone ti, yo'nirage logonet, Kit kinawi wukkologwe, yi mendek ndi mendek awi yumbunit nogwe, anggur awi yakwi, eeko logorak mage mban. Ata, kineenik nggorek logomunggup nduk, o nggween paga aap nggiru kwak ya agak nogo logonet, ooliya-ooliya wuppunuk, logomunggup, yo'niragagerak.

Yeremiya 5:27

Towe ineenik inawina yagabit eerogo mambiinok tu keele maarogo piigo mengga kwak, It iname logonet, aakumi wi-wi eerogo piyoorak mban koombunuk, inamendek waganogo iname yagabit eerogo patit unggwogwe, Ineenggi warak eekkologwe, inendage tiyappakwi,

Oteya 11:1

Aliku ALA nen ari logonet, “It Iterali ti, wologwe mbuulogwe kwak wonogwe iigak, an niniki kunik eeginake, An naput me, O Metit nen wundi omok o, yinuk, endage kunogo wiige, Eereegirak o.

Oteya 13:4

At Aliku ALA nen ari logonet, “O Metit nen wogoren wundi wagagirak inogoba Naliku Ala an aret me, Nit alut eekwi ninogoba alik ambi lek Ala alik aret o, yinuk, yogwe, Ndi, ninagap ndaka alik ambi lek Ala alik aret, yogwe, Eeko logowak o.

Oteya 2:15

Time nen eyabu anggur yarak waganeegirak nogo obaane'me wogoge, O Aaninggin Eeppiiga Kobappaga nogo ti, obeelom eerogo piiga iniki lunik logowak nduk eerogo pege, Eerigin o. Ti eeke neenok, time nen at tawe logonet, Eo, yinuk, iniki kunik ee'nake, At o Metit nen wundi wage logonet iniki kunik nen noone liirogon konengge, Eeke nagagi kwak Togop aret eeke logogin o,” yinuk, yereegerak o.

Ala Unde 26:13

Inayeloman wonogo logonet, aaninggin inoba wonage paga inena yuwo eerak wonogwe nogo it Iterali inengga pirak togon nugu logowak nduk, It aakumi o Metit mendek nen inayeloman eeppiirogo logorak lek o, yinuk, Iterali mendek wondet eerogo piinok, o Metit nen wogoren wagagirak Naliku inogoba Ala nogo ti, an aret o, yinuk, yegerak, yoret o,” yoreegerak.

Mika 6:4

An o Metit nen wokkiren wundi wage, Aakumi inayeloman mini eeppinaganuk wonogwe me, wondet eerogo pinagage, Kit wokkiren woraawak nduk, Muta inom, Karun inom, Miriyam inom, kinowagam nappiya wage, Eereegirak o.

Takariya 11:5

It aap nen ndomba ti, onggo kumbunuk wakwi kwe, maluk eekwi ti, aaninggin inoba piiga'lek wonogwe, ndi, it kunggoloorak nogo nen kunduk, yogo logonet, Nineenggi warak eekkologwe me, Aliku ALA wa! yinuk, yogwe, eekwi iigak, it ndomba ti, ndegeninaka aret kwe, inabuwa mbaka'lek aret wonogo agaarik o.

Linggineegwaarak 15:41

An nen it inogoba Ala logokit nduk, o Metit nen wogoren wundi wagagirak Naliku inogoba Ala an aret me, Naliku inogoba Ala an nen aret yagi o, yinuk, yegerak, yoret o,” yoreegerak.

Yaya 7:2

Nagagerak wonage me, it Yakuri inawooliya wurit wogogwaarak aberogo laago lariyak eyom panggoni wage mbareegi,