Oteya 12:7 - Ala Wone Peenok Peebi Mbanak

⁷ It aap yi mendek ndi mendek kungga nogo nen aaninggin wakkaanuk ndak-ndak aga'lek kagak, “Ndak-ndak aga o,” Yinuk, aakumi wi-wi aganaburak inikilom mba'nuk eerit nugu mengga kwak,

Oteya 12:7 ပူးပေါင်းရင်းမြစ်များ

Wakkagagerak 49:18

Kaliku ALA wae! Nagap ndarogo panenok nduk, tokkake agarik o!

Kini Wuppiige 11:1

Aaninggin wakkaga maluk kenok, Aliku ALA eebi lombok mbake menggerak kwe, Aaninggin wakkaga abe kenok perak, inikilom mbake menggerak.

Kini Wuppiige 16:11

Aaninggin abe wakkaga inom, kuli a'me ari naga inom, nogo ti, Aliku ALA unde wonage, Ndi, ndak-ndak age lek kenok, yugum mbuulogwe ambi pegak eekwi yonggolak menggerak abok aret nogo ti, at nen mban ogobakkigirogo pege, Eereegerak.

Yetaya 3:5

It aakumi ti nen an iya kat iya yogo logonet, It ambi nen it ambi tebenogo piigwi, Imbirak koorok wonogwe nen at ambi tebenogo pegak eekwi, Wologwe nen inogobamini tebenogo piigwi, Inendage lek nen inendage warak tebenogo piigwi, Eeko logogun o.

Yetaya 56:1

Aliku ALA nen yegerak nogo yi aret. “An nen inagap ndariyak nogo abu panggoni wage, Yoragagirak ndak-ndak obeelom eerogo piyoorak mbet-mbet kin ari wage, Eeke me, A'me nggelok eeppiinet nogwe, obeelom mban eerit nogwe, Eeko logowak o.

Yetikiyen 16:3

Nage logomenggendik, Aliku Itok Menggerak ALA nen, Wone yogop yokkegerak o, yinuk, yoriyak nogo yi aret. At Yerutalem alom inom, nda'nagagim inom, ti, it o Kanan wonogo menggam aret wonage o. At ogoba ti, aap Amori mendek, ndi, agalo ti, kwe Ket mendek aret o.

Yetikiyen 22:29

It o time wonogwe nogo nen aakumi inambokan laganggo logonet, inoone omaawi paga inamendek ndinggologwe, inamendek kiraakkologwe, it aap aaninggin inoba wonogwe inom, ineenggi lek inom, tebenogo piigwi, it aap nggiru inawone liirogon mbangga'lek yiluk-yiluk mbanogo punuk, maluk onggo eeppiigwi, eeko agaarik o.

Yetikiyen 28:5

Yi mendek ndi mendek onggo-onggo eerit nage at abu eenu me, amendek ambik paga eenggi warak eekkolage, Eeke ti paga Iniki tiyappake agaarik o,” yinuk, yegerak o.

Oteya 14:2

Kit Iterali mendek yi wae. Kit maluk lombok eeko monggotak ti paga nggelenogo pateegutak me, Kinomaluk mbo punuk kiniyokan yungguninuk kinogoba Aliku Ala owagam wa'nip o.

Yowen 2:12

Aliku ALA nen ari logonet, Ne yogondak yi aret inambe mage negen eeppunuk leenggu maakwi, Iniki wakkologwe, eeko logonet, Iniki mbere lek ambit eeppunuk, iniyokan yungguninuk, an neya wogo logowak o, Yinuk, yegerak o.

Amot 2:7

Iniyok paga liirubu aa'ngga eerogo pogo mengga kwak it aakumi ambi eekkoloorak meek nogo mendek togop aret eerogo piigwi, It aakumi tebenogo piigaarak nogo inawone liirogon mbangga'lek yaga-taga eerogo piigwi, Aput-ogoba imbirak nen kwe tawe ambiret terak eerit nugwi paga an nendage alik leenak nogo maluk eerogo pugwi,

Amot 3:9

O Atorot time yugum pak wurik me, aakumi inarum logorak inawi wurik inom, O Metit time yugum pak wurik me, aakumi inarum logorak inawi wurik inom, Nogome wone eerogo nappit noorak nogo yi aret. Aliku ALA nen ari logonet, “It o Tamariya koorok puut-puut time kuwak ari woraawak o. Kuwak ari wa'nuk, it aakumi o time inenggela'me abu naalop-kaalop eerit nugwi, It-it at ambi tebenogo pegak eerit nugwi, Eekwi ti, inigen iyaagun o.

Amot 4:1

Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.

Amot 5:11

It aap ambi eekkoloorak meek mendek nogo wi-wi aganako logonet, inambi gandum anggen mbanak nogo ndinogo waganggwi, Eeko monggotak o. Togop me, kinawi nggwok yugum abe amuni mbanak paga wurumonggotak kwe, o time ye mbanggola unggwogwe, Anggur awi yarumonggotak abe mili kwit agan laganemenggerak kwe, amburu toologo nunggwi, Eeko logomunggup lek o.

Mika 2:1

It aakumi maluk eeriyak koonogo pugwi, It nogo yogo menggam windak logonet, “Maluk ndogop eeko logowok o,” yinuk, koonggwi, Eeppunuk, O kilim nagake kagak, inayuk warak me, eebe aret eeko menggaarak ti iya me, inabuwa o.

Mika 7:2

It aap Ala mugurok nogwe nogo, o yime inenggaawak lek aret iige, Aap iniki abe koonak ambiriluk ambi lek aret kage, Eeke agarik o. It abok aret aakumi inooriyak nduk, enaarak negen wonogwe, Towe yilunggagak yum yugu wonok nugu mengga kwak, it ambi nen inoreeluk ambi wariyak nduk eerit nugwi, Eeko agaarik o.

Takariya 14:21

Yi togolowak ndi togolowak lakak o kota Yerutalem wonage inom, o Yekura wonage inom, abok aret at Omaawi Lombok Menggerak Aliku ALA ake leenak logogin me, it aakumi abok aret Ala ake warogo wogoruwok nduk, woraanuk, togolowak ti, waganogo ti paga lako logogun o. Ndi, ne ti paga aap yi mendek ndi mendek kunit nega nogo, at Omaawi Lombok Menggerak Aliku ALA awi wurik me time inamendek kunggo logogun mondok lek aret o.

Takariya 5:8

Kage neegak, at nen an yo'nege logonet, “Yi maluk ndi maluk wakkagak kwe yi aret o,” yinuk, ari kagak, kwe nogo pilak yikit nduk eeke me, uut tebenogo pege nagaarik, abit mbuti timah mili paga eerak nogo narogo pege kagarak.

Takariya 7:9

Yo'nereegerak nogo it aakumi yorage logonet, “At Omaawi Lombok Menggerak Aliku ALA nen yegerak nogo yi aret. Eekaatak a'me nggelok mban eeppiigwi, it mban-mban nabuwa-kabuwa eekko'net nogwe, eeko logowak o.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Yaya 2:16

Eeke nagagerik, it towe puume onggo mbanggwi nogo yorage logonet, “Towe yi apit aret wogoret nanip o. Kit an nogoba awi wurik me yime, yi mendek ndi mendek kunggo menggam negen eerogo pogotak me, neebi a,” yinuk, yoragagerak.

Yakobut 5:4

It kineyabu eeppinagagaarak nogo, onggo ndak-ndak wogoroorak kagak eeko nogogutak me, it inoone mumun kokop yokkirogwe yi, iyaanip o. It ando anggen yugu wonok kira wogwe nogo kunduk, inoone yogwe at Omaawi Lombok Menggerak ninogoba nogo, muk aruk konengge agaarik o.

1 Tamuwen 12:3

Ndi, yogondak at Aliku ALA inom, aap leenogo amburu kilippogotak inom, inenggaanom paga an mi'ndak wonage me, an maluk eeppinagage logonet, aap ambi aanggo lembu wagangge, aap ambi aanggo keledai wagangge, aap ambi wi-wi eeppege, aap ambi tebenogo pege logonet, noone omaawi yoge, aap ambi eekerak kagaarogo pikit nduk, wu wo'niri wage kenok wagangge, ti mendek ambi eeke neegotak nogo yo'nugwi kiinok, an nen obaane'me pikit nduk, yo'ninip o.”