Oteya 12:6 - Ala Wone Peenok Peebi Mbanak

⁶ Togop me, kit kiniyokan yungguninuk kinogoba Ala owagam wa'nuk, aakumi kinom kiniki kunik eeginabit nugwi, A'me nggelok liirogon mban eeppiinet nugwi, Kiniki kinogoba Ala paga mban panggombunuk, kiniki kwippunuk, tokkogwe, Eeko logomunggup o.

Oteya 12:6 ပူးပေါင်းရင်းမြစ်များ

Wakkagagerak 49:18

Kaliku ALA wae! Nagap ndarogo panenok nduk, tokkake agarik o!

Ndawi 123:2

Aap ambi ayeloman aap nen ogoba paga Iniki panggonak logonet, at mban pekkage, Kwe ambi ayeloman kwe nen agalo paga iniki panggonak logonet, at mban pekkage, Eeko mengga kwak, Aliku ninogoba Ala nen Ninabuwa mbaka'lek tit kagak Ninigen loorit mban unggwogo logowok o.

Ndawi 27:14

Togop aret me, Kit nogo Aliku ALA tokkogwe, Kinogogumbuk eekkologwe, Kiniki nu'lek eeppatinuk wonogwe, Eeko logomonggotik, At Aliku ALA tokkogo logonip o.

Ndawi 37:7

Togop aret me, Aakumi nen eekkoloorak mbakwi nogo aret eekkologwe, Ndi, aap inambokan laganiyak koombunuk, Inambokan aret laganggwi, Eekwi iinok, Kinanini age ti mage o. Ata, kiniki aan aganggenggwi lek puk aret wonage, “Aliku ALA nen eeppinanigin o,” yinuk, tokkogwe, Eeko logonip o.

Wundeegwaarak 3:15

Yoge nagagerik, Ala nen Muta ambinom yoge logonet, “Kinogobamini Abarakam inom, Itak inom, Yakup inom, Naliku inogoba Ala nen aret muk kinowagam nappani wagaarak, it aakumi Iterali yoraanu o. An nendage, AN ARET, yokkigirak ti, lek arigin lek mondok-mondok aret logogin me, yi aakumi ndi aakumi nda'narit wundi wogo logonet, nendage ti aret yogo logogun o.

Kini Wuppiige 1:23

An kinaruk wakirak nogo liirogon konenenetak en niniki ee'nake nogo kilikkirage, Ndi, niniki koonit nage nogo kineenu eeppinagage, Ee'netak kwe,

Kini Wuppiige 21:3

Aliku ALA ake warogo wogogwi ti, mbuuluk inikilom mbake menggerak kwe, Abe koonak mban eerit nugwi, eekaatak a'me nggelok eeppiinet nugwi, eekwi iinok perak, inikilom nggwok aret mbake menggerak.

Yetaya 1:16

It ineenggi kookwi, Inalitak lombok inoba mbeenogo pakwi, Nenegen neegak, maluk eeriyak eeginake nogo mbo pugwi, Maluk eekwi nogo yogondak aret puk ogwe, Eeruwak o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 31:6

Kit aakumi Iterali mendek yi wae. Maluk lombok eeko logonet, kineenggi paga nen mbuti perak paga, mbuti emas paga, kinagugiwak ogobakkigirogo pereegutak nogo, Ne ti eyom paga kinalitak lombok nen mbo pumunggup me, at Ala mbo punuk kiniki o nda ari nagaarak nogo yogondak aret yungguninuk kiniyokan at owagam wa'nip o.

Yetaya 40:31

It aap, “Aliku ALA nen eeppinani woraawak o,” yinuk, iniki lunik wonogwe nogo perak, Inomaawi lek aremenggerak nogo inomaawi eekkologo logomenggaarik, Towe nggindooni a'naabit omaawi paga wiganinuk nege menggi kwak, we negen nugwi, Inomaawi lek aga'lek tu mbe agan nogwe, Iniki lek aga'lek op aret nogwe, Eeko logogun o.

Yetaya 58:6

It aakumi maluk eerulik iigak mbutigeele maarogo piigaarak nogo piinogo piigwi, Tapi eyo aaninggin inuut paga piigo mengga kwak it aakumi togop eeppiinok wonogwe nogo piinogo wumbiya wogwe, It aakumi tebembiinok wonogwe nogo wondet eerogo piigwi, Aaninggin-paaninggin inoba wonage nogo teeluk eerogo piigwi, Eeriyak nogo ti, Aakumi inambe mage negen logonet eeko logorak koonogo pereegirak ti aret nogo lek a?

Yetaya 8:17

At apuri Yakup paga wiganak nen enete kogwe iyo, kumaappatinuk wonage Aliku ALA nogo an tokkage, Niniki at paga panggonak wonage, Eeke agarik o.

Yeremiya 22:15

Eyo nggabina abe poorak awi akem nabenogo pit nagak eeremenggerak ti paga aap endagembogut ariyak mbake agaarik ya? At ogoba nano eeke nagagerak paga endagembogut kagak, yi tahun ndi tahun eereegerak? At ambi nengge, niyo nengge, eeke paga endagembogut logolik o. Ata, iniki abu koonak logonet, obeelom eeppiinet nage, Eekaatak a'me nggelok togon eeppiige, Eeke nagagerak paga Endage obeelom wonagagerak nogo lek a?

Yetikiyen 18:30

Togop me, it Iterali mendek ti, inalitik-inalitak eeriyak koonggwi paga inowak loonogo piinok, onggo ndak-ndak eeppiyaagin o, yinuk, Naliku Nitok Minggirak an ALA nen aret yagi o. It maluk eekwi paga ineebe nggelenggolookwak inomaluk mbo pugwi, noone yugu taganogo punuk, maluk eerit nogwe nogo yungguninuk wogwe, eeruwak o.

Oteya 10:12

An mu'neren woroorak eyom muk panggoni wagaarak me, Mayu wuppi wage menggi kwak, Naliku ALA wage logominggirik, obeelom eerogo piyaakit nduk, A'me nggelok eeka eeppiyoorak awi kwak yumbunit nogwe, Aakumi iniki kunik aganaburak anggen kwak mbanit nugwi, Ineyabu nggulaame yabu eerit unggwogwe, Eeko logowak o.

Oteya 14:1

It Tamariya mendek nen inogoba Ala an yorage ineebi mbakwi me, It eekwi paga aaninggin inoba kwippiyoorak nogo ti, inobaalombok aret o. Wooluwak paga ineebe inoorogo piigwi, Inaagalogwe awo ngget ndarak nogo inanep yombak inoorogo piigwi, Inakuwi elege ndaka'lek awo inabila wonogwe nogo kilirik-ndowanak eerogo wumbiinet wogwe, Eerugun o, yinuk, yegerak me, yokkiragi o,” yoragagirak.

Oteya 4:1

Kit Iterali yi wae. Kit aakumi o yime wonogwe yi, ambi eekotak paga Aliku ALA nen yokkirage me, kinaruk konenggo logonip o. At Aliku ALA nen ari logonet, “O time it nen an noone liippunuk eekwi, iniki kunik ee'nakwi, Ninogoba Ala at aret, nombakwi, Eeka'lek aret agaarik o.

Yowen 2:12

Aliku ALA nen ari logonet, Ne yogondak yi aret inambe mage negen eeppunuk leenggu maakwi, Iniki wakkologwe, eeko logonet, Iniki mbere lek ambit eeppunuk, iniyokan yungguninuk, an neya wogo logowak o, Yinuk, yegerak o.

Yowen 2:13

Togop me, kinambogoyum nibinogo patiyak ti mage o. Ata, kiniki wakkologo logonip o. At Ala ti, oone yanggorogon yo'nirage, ninabuwa mbake, Iniki aan aganggenggwi lek liippunuk eeppinanege, Iniki kunik lombok ee'ninabit unggwage, Eekwi onggo aaninggin ninoba pinanege logonet, Yi eeppigi ao, yinuk, mbake, Eeke menggerak me, At ena koonogo pekkiige logomenggerik, kinabuwa nen ale'nggen nggwok lombok kinoba pinagage logonet, Gandum anggen yigirik ake puurak inom, anggur amburu ake kiliriyak inom, Kinogoba Aliku Ala nen wokkirage kagak eerukwak, Kinomaluk mbo punuk, kiniyokan yungguninuk kinogoba Aliku Ala owagam wa'nip o.

Amot 4:13

At puut-puut ogobakkigirogo pit wage, O wiya warit wage logorak eerogo pege, At iniki mbake nogo aakumi kin paga yorage, O weeruwak nduk, eerogo punuk, o kiip eerogo pege, O nggween paga yime puut-puut tiyarogon time iyok pit nage, Eeke menggerak endage ti, Omaawi Lombok Menggerak Aliku Ala aret o.

Amot 5:24

Niyo wu'nuk wage menggi kwak, eekaatak onggo a'me nggelok eeppiinet nugwi, Niyo porok ariilik, nage mban menggi kwak, aakumi obeelom eeppiinet nugwi, Eeko logowak o.

Mika 6:8

Nit aakumi yi, obeelom eeko logorak ti, Aliku ALA nen muk yo'niragagerak o. Ndi, Aliku ALA nen eeko logorak ninombake nogo ti, ngge o? Lek o. Nit eeko logorak ninombake nogo ti, a'me nggelok eeppiinet nugwi, Aakumi inabuwa mbako logorak ninikilom mbakwi, Niniki tebeppatinuk, ninogoba Ala mugurok nogwe, Eeko logorak ninombake ti aret o.

Mika 7:7

Togop aret kwe, an nogo, an nen at Ala yoge nogo aruk konenigin me, Aliku ALA yeenggwa niri wage kero, nenegen wonage, Niniki lunik nagap ndaka ninogoba Ala nogo neya wage kero, tokkage, Eeke agarik o.

Abakuk 2:3

Kabinggaanggo kagandak ti, eeriyak eyom koonak nogo awo ari waga'lek kwe, Woraagin nogo ti, pilit lek abet aret woraagin o. Eeri woroorak nogo puk arigin lek abet aret woraagin me, Elaambirik woraagin, mbarugun o. Ata, kagak tokkage logot o.

Tepaniya 3:8

Aliku ALA nen ari logonet, “Togop eekwi me, an nen yi aakumi ndi aakumi abok aret kuwak eerogo piya wage, It aakumi inabu'me piinok menggam nen kuwak eerogo piya wage, Eeppiinok, Nanini inoba piige, An nanini kani kunik negen eeppiige, Eeriyak koonogo pereegirak nogo eeke logonet, An mban mu'neren woraawak lak, it alik mugurok nogwe yi, neebi a, yinuk, Aakumi o nggween paga wonogwe abok aret nanini kani wunuk ari kwak ineebe pup eerogo nawak nduk, eeppiyaagin me, An mi'nage logominggirik, Kit togop eekwi kiigirak o, yinuk, yoroorak eyom ari woraawak nduk, to'neego logowak o.

Takariya 1:3

Togop aret me, At Omaawi Lombok Menggerak Aliku ALA nen wone ndogop yegerak o, yinuk, it aakumi yoroorak nogo yi aret o. At Omaawi Lombok Menggerak Aliku ALA nen ari logonet, It iniyokan yungguninuk woraanuk, ina koonogo pe'neyaawak o. Ina koonogo pe'neegwi iinok, Nomaawi Lombok Minggirak Naliku an ALA nen nena koonogo pegiyaagin o, yinuk, Nomaawi Lombok Minggirak Naliku ALA nen aret yagi o.

Takariya 7:9

Yo'nereegerak nogo it aakumi yorage logonet, “At Omaawi Lombok Menggerak Aliku ALA nen yegerak nogo yi aret. Eekaatak a'me nggelok mban eeppiigwi, it mban-mban nabuwa-kabuwa eekko'net nogwe, eeko logowak o.

Takariya 8:16

Togop aret me, it eeko logorak nogo yi aret. It-it wone pilit lek abet mendek mban yogwe, inowak loonggo menggam inowak loonggo logonet, eekaatak a'me nggelok mban eeppiigwi, Wone ti abu liirogon yaga o, yinuk, yuwak nduk, eeppiigwi, eeko logowak o.

Nappiigak 2:38

Yorogo mbareegwa, at Peterut nogo nen, “Kinomaluk lek eerogo pinagawak nduk, kit kinalitak lombok maluk eeko monggotak nogo kiniki koombunuk mbo pinip o. Mbo pugwi kiinok, Yetut Keritut endage paga yiime wuppinagarak o. Ti eekwi kiinok, Ala nen Aberiniki nogo onggo lek we aret wokkiraagin o.

Nappiigak 26:20

Yo'nereegerak nogo aa'nduk lombok it o Ndamitik wonogwe nogo yorage, o Yerutalem wonogwe nogo yorage, ti'nuk, o Yureya enaagan-ambokan inom, it endekem konenggulik mendek inom, yoranet nege, eeke logonet, Kit abok aret kiniki koonogo punuk, kinomaluk paganogo mbo pogo logonip o. Ndi, kinomaluk mbo punuk, Ala mugurok nogwe abet aret kinombaruwak nduk, yi eekak ndi eekak abe mban eerit nogo logonip o, yinuk, yorage nagagirak.

Yakobut 1:27

It aap Ala oone liippunuk mondok abe eekwi iinok, ninogoba Ala nen ale'nggen mbake menggerak nogo ti, it wologwe-komologwe wenebela inom, kumi togwe inom, iniki aaninggin wonogwe iinok, inabuwa nen yeenggwaaranet nugwi, it aakumi iniki maluk nen maluk eeruwak nduk iniki nggagani wogwe iyo, tum wakkologwe, eeko menggaarak nogo it aret o.

Yakobut 2:13

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.