Oteya 12:12 - Ala Wone Peenok Peebi Mbanak

¹² At Yakup nogo mbaganit o Aram nage nagagerik, time logonet, At Iterali nen akwe kolaakit nduk aakumi inayeloman age, Akwe koloorak onggo ndomba ndegeninake, Eeke nagagerak o.

Oteya 12:12 ပူးပေါင်းရင်းမြစ်များ

Wakkagagerak 27:43

an yokkege yi aret konembunuk eeru o, naagaluk.” Ari nagagerik, “Kat yogondak aret an noweeluk Laban o Karan wonage me time aret mbet-mbet nak o.

Wakkagagerak 30:26

Yoge nagagerik, “It kumi yi wogonabikit nduk keyabu nomaawi-nomaawa alik negen eeppagage nagarak keenu aret me, yogondak nakuwi inom, napurilogwe ndarak inom, enaani aret wogoren naakit nduk, Nak, yo'niru o, nami.”

Wakkagagerak 31:41

Togop aret eeke nimbirak logonet tahun 20 eereegirak. Ndi, kat kapurilogwe mbere'ndak yi, wo'nenok nduk, yabu eekkege neegak, tahun 14 aret eeke, ndi, kambin-ndomba wo'nenok nduk togon tahun 6 aret eeke, eeke nagagirak nogo o. Yabu eeke nagagirak onggo, Ndogop wokkirigin o, yagandak nogo, ne 10 paga aret ndak-ndak wo'nirulik wi-wi ee'nake nagandak nogo o.

Oteya 4:15

It Iterali ti, kumi ya wuginakak kwak eerit nugwi kwe, it Yekura perak, togop eerugwaarik o. It o Nggiligan paga kugi alut eerit nogwe, O Mbet-Awen lagi nogwe, An neenik minggirak Naliku ALA nendage kumbunuk, kumbuk mbanggwi, Eerugwaarik o.

Oteya 6:8

O kota Nggileyat ti, aap maluk eeka mban yagabit aago menggam o! Aakumi inooko menggam aret me, iniyok a'lip ti, inamiya labunik mban aret menggerak o.

Pelaareegerak 26:5

Pi nage kenok, kit nen at Aliku kinogoba Ala enggaanom paga wone yogop aret yumunggup o. O maan togon it aakumi Aram mendek ninogoba ambi yaluk-ndaluk agan nege nagagerik, apuri we mbuuluk mban inom o Metit ari nanuk, aap nggiru negen wonogo logonet, inanebunu nggwok lombok wigak yogo nogogwaarik, inomaawi ambik ineebe ambik lombok ogogwaarak.